عنوان الموضوع : ربيت وصرت ..( أم سعيد).. لصحة الجسم
مقدم من طرف منتديات الضمير العربي

السلام عليكم كرووشات ..^^..

اشحااالكن ؟؟ عساكن بخير يارب ..


حبيت اخبركم اني ربيت بتاريخ 13 -7 وموعد ولادتي كانت بتاريخ 16- 7 ..


طبعا ولادتي كانت متعسره وحتى ربيت بعمليه قيصريه ..

بخبركن قصتي..^^..


انا بجر وبتاريخ 11-7 حسيت بألم فظيييع فا يوم سرت المستشفى وجيكو عليه قالوولي 4 سانتي مفتوح عندج ودخلوني الأدميشن ..

ودخلت وغيرت ملابسي وجي وكنت امشي واتحرك عسب يحمى الطلق عندي فا عقب اربع ساعات يو يجيكون عليه .. تخيلوو اربع سانتي وهب راضي يفتح .. فا الدكتوره ساعدت ووسعت ل 6 سانتي ..


وعقب اربع ساعات بعد ما فتح غير 6 انتي وهب راضي ..
فا شقو الماي وقالوو بتربي جريب ..

عقب بعد اربع ساعات يو يجيكون تخيلو 8 سانتي وما شي فايده الطلق بارد عندي فا حطولي طلق صناعي ..

وودوني غرفه الولاده طبعا لو تحسبين كل اربع ساعات اكون انا ماخذه يوم وورا يوم يعني تميت 3 تيام في المستشفى لين ما ربيت ..

كح كح خله اكمل ..

ويوم ودوني غرفه الولاده يت الدكتوره وفحصت وقالت احنا بنعطيج ابره الظهر وبنزيد الطلق واذا ما ربيتي ع الساعه وحده فليل بنوديج يسولج قيصريه لأنه الطلق عندج بارد .. وما في بوش ولا شي..

وانا ربيت في مستشفى الوصل ومثل ما عارفين يبدلون الشفت ..

المهم طافت الساعه وحده والأخت ضاربينها الإبره وراقده خخخ .. بس حاسه بظغط رهيييب ورا .. خخ

وحاسه اني ابغي اروح الحمام عزكم الله ..

يت الدكتوره وقالت تسعه سانتي مفتوح وهب راضي يفتح < شو السالفه > انا تعبت الصراحه وتميت اصيح والكل يهدي فيني وريلي بعد عصب وحاله ..

المهم نفسيتي تعبت خلاص ..

فا حسيت اني ابغي اسوي بوش فا يت الدكتوره تخيلو كانت تسحب راس الولد وانا احاول بس ما اروم ما فيني وما عرف ..

اخر شي يت دكتوره ثانيه وقالت انتم ليش امخلينها خلاص هاي ولادتها متعسره لازم قيصريه
هب راضي يفتح عشره سانتي ولين متى بنتريا ..


المهم صارت سالفه وجي وانا ما تحملت قلتلهم فكوني وسولي قيصريه خلاص ..

ووقعت وحتى ابوي يا واضارب وياهم .
وهم يالسين الا اتريو عليها واتريو عليها هاي بجر تاخذ 18 ساعه .. انزين مرن 3 تيام .. !!!..

هب 18 ساعه ..

اخر شي دخلوني الغرفه وسولي العمليه وطلعووولي عنووني وراسه طويل خخخ وحليله لأنه هاي سحبته .. بس الحمدالله اعتدل راسه ..

فديــــته والله من سمعت صوته وحطو ع صدري نسيت ال 3 تيام ونسيت كل شي ..^^..

والحمدالله ع كل حــــــال ..^^..


يلا حبايبي ابغي تبريكااات من عندكم .. مستاااااانسه حدي .. ^^..

مع تحياتي :

روح دبي ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الحمد الله ع السلامه و يتربى في عزكم انشاء الله و عساه من مواليد السعاده ياااااااارب

__________________________________________________ __________

>>>> الرد الثاني :
مبروك عليج الطارش

__________________________________________________ __________

>>>> الرد الثالث :
مبروووك عليكم الطارش يا ام سعيد ويتربى في عزكم يا رب ..الحمد الله عدت على خير وعقبالنا يا رب ^^

__________________________________________________ __________

>>>> الرد الرابع :
الحمد لله على سلامتج يالغاليه وسلامة البيبي

ومبروووووووووووووووووووووووووووك عليكم ويتربى بعزكم

__________________________________________________ __________

>>>> الرد الخامس :
الحمد الله على سلامتج وكل سنه وكل حول نشوف بيبي جديد وتستاهلين السلامه