عنوان الموضوع : حامل و زايغة.... تغذية صحية
مقدم من طرف منتديات الضمير العربي
السلام عليكم و رحمة الله و بركاته..
خواتي بغيت رايكم في شي...
انا و لله الحمد حامل و في البيبي الرابع.. المشكلة انه توني مربي (بداية شهر خمسة) و في الثلاث كنت مسوية قيصرية...
اللي مزيغني اني يوم رحت الطواري و موعدي في المستشفى.. الدكتورتين (اللي في الطواري و الدكتورة اللي اراجع عندها) قالولي انه خطر لانه مربيه من جريب و الخياطة احتمال انها ما التأمت بعدها.. حتى دكتورة الطواري خوفتني و قالت في اسوأ الحالات احتمال اربي في السابع و طبعا الياهل بيكون في الحضانة و بيعيش برحمة رب العالمين و في احتمال يصيبني نزيف و يشلون بيت الضنا اذا كلش ساءت الحالة...
بس في نفس الوقت.. سالت دكتورة ثانية مسلمة و قالتلي ما احاتي و هذي كتبة رب العالمين بس احتمالات الخطر بعدها عالية مثل ما اتقول
انا وايد محتارة و في نفس الوقت مابا اجازف لانه وراي ثلاث يهال.. و اخاف افكر اعق البيبي و رب العالمين يعاقبني... صليت استخارة و للحين مب عارفة شو اسوي....
على فكرة البيبي للحين اقل من شهر لانه الدورة مخلصة من عندي قبل العيد (30/8)
شوروا علي... جد سمعتوا عن وحدة بنفس حالتي و كملت؟؟؟
سوري كلامي ملخبط من كثر مااا متعبني التفكير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
مادري ولله ردي صلي مره ثانيه لني الي اعرفه انه لازم ع الاقل تكملين سنه اذا كنت مربيه بقيصريه عقب تحملين
__________________________________________________ __________
>>>> الرد الثالث :
و الله ما عندي فكرة
الله يكتبلج إلي فيه الخير
ردي الأستخيري مرة و مرتين و 3
__________________________________________________ __________
>>>> الرد الرابع :
أنا بنت عمتي نفس حالتج كانت توها مربيه وحملت بسرعه بس قالولها نفس الكلام اللي خبروج عنه بس ما جهضت تميت اصلي استخاره والحمدالله الحين عندها ثلاثه
__________________________________________________ __________
>>>> الرد الخامس :
لا تعتمدين على كلام دكتورتين انا انصحج اتسيرين مستشفى ثاني واتشوفين شو ايقولون
وإذا عن الاجهاض اسالي المطوع وخبريه انه في خطر عليج وشوفي شو بيقول
رد مع اقتباس
