عنوان الموضوع : مكافحة الصراصير؟؟
مقدم من طرف منتديات الضمير العربي



بنات فدديتكن أخباركن؟

الغاليات ياريت لو وحده تفيدني بطريقة للقضاء على الصراصير صغيرة الحجم...

لا تقولن لي شركة لاني يبت شركات والبلدية يرشون شقة ولكن ما فيه فايدة....

الصراصير منشرة عندي في الشقة بشكل كبير وتعبت معاهم ما اعرف شوه اسوي...
واشتريت بف باف لكن ما شي فايدة...

فالا عندها طريقة أو حل ياريت تفيدني؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا وغلا اختي اذا كنتي في الشارجة روحي ميغا مارت في ميغا مول

في ابر تنباع في الجمعية للقضاء على الصراصير مفعولها جدا قوي

ان شاء الله تفتكين منهم



__________________________________________________ __________

>>>> الرد الثاني :
اختي اذا عندج صورة للابره هذي حطيها عسب نعرف شكلها

__________________________________________________ __________

>>>> الرد الثالث :
اتصلي للبلديه وقوليلهم

انا اتصلت لبلديه دبي لاني من دبي ويو , وحطولي في كل مكان جل ومن 5 سنوات هاي السالفه والين الحين ما شي ولا صرصور ايييييييييي , جان بيين الحينه عقب ما طريتهن خخخخخخ. الله يغربلهن .

__________________________________________________ __________

>>>> الرد الرابع :
للرفع

__________________________________________________ __________

>>>> الرد الخامس :
الغاليه انا جربت معهم الجل السحري
هذي صورته
بتحصليه في الجمعيات بـأبوظبي
بس كل 4 شهور او 6 لازم اتجدديه
او سوي عجينة حمض البوريك (حمض بوريك وطحين وحليب) وحطيها في الزوايا
انا بصراحه سويتهم الاثنين مع بعض كنت احط خط من العجينه وجنبه خط من الجل السحري
والحمدلله اتخلصت منهم صحيح اول اسبوع او 10 ايام حسيت الصراصير زادت بس بعدين اختفت
اعتقد انه ريحته اتنفرهم فيطلعون من اوكارهم بعدين يختفوا تماما بإذن الله