عنوان الموضوع : طفولتي هم وشقى شعر جميل
مقدم من طرف منتديات الضمير العربي

يمه غدرني الشيب قبل أفرح بشي مشتهيه ...

***************** أثرني نحرت البحر وأنا كنت أخاف من البلل

يمه ترى حتى العسل ناس تشوفه ماتبيه ..

******************والا ترى الله مطري في سورة النحل العسل

يمه ترى لو كل رجل جا مثل جده وأبيه ..

****************** إن كان صاروا كل خلق الله نبيين ورسل

كم كنت ألقح نخل جدي رحمة المولى عليه ..

****************** إن قلت برد قال عمر البرد مالقح نخل

كم قلت فاسي قوي مير جذع الأثل أزريت فيه ...

***************** البيد سيل من الجفا وشلون أبحطب لك أثل

والبير ياجدي حثل والحثل مااحد يرتويه

***************** وشلون أبرمي الدلو فالبير وصافيها حثل

يقول: مزن البيد يقتله الضما من يحتريه

***************** لابد مانشرب هماج إلين نلقاله بدل

طفولتي كانت رجوله مابها أفراح وتيه

***************** في داخلي حتى البراءة عاشت رجولة طفل

طفولتي هم وشقى يمه .. ولا قد قلت ليه

*****************حتى مراجيح الطفوله كانت شداد وجمل

يمه ومن حظه مثل حظي ردي لاتعذليه

***************** لو ساقته فوضى الزمن لديار عاقلها خبل

حاولت من عاري الزمان آخذ سمل ثوب أرتديه

*****************وأثري مثل من حاول بياخذ من الحافي نعل

أحلى شبابي وانتهى في غربتي قبل أبتديه

***************** مالولشت له بنت بدو تمشط أطراف الزعل

رجعت مثل اللي طلب ثار ولده من عند أخيه ...

***************** شديت بالقعدان حملي يوم ضيعت الزمل

يمه وكلن قال: مال امه مثيل ولاشبيه

***************** واللي خلق كل النساء مالك شبيه ولامثل

يمه دخيل تراب ماطا رجلك الدمع احبسيه

***************** هالكون كله مايساوي دمع عينك لاانهمل

يمه فرح .. والا حزن .. دمع الغلا لاتسفحيه ..

***************** تبقى دموعك غاليه لو كان سبتها "بصل "...

وإلا أنا حظي كذا .. ماأفرح بشي مشتهيه

***************يمه مادام اني غرقت .. وشلون أخاف من البلل؟؟




منقوووول

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
طفولتي كانت رجوله مابها أفراح وتيه

***************** في داخلي حتى البراءة عاشت رجولة طفل

سلمت الاياادي على هذاا الابدااع في الكلمه
جززيت خيرااااا
ربي يحفظك
دوووووووووم
لك كل التحاايا والاحتررام

__________________________________________________ __________

>>>> الرد الثاني :
وإلا أنا حظي كذا .. ماأفرح بشي مشتهيه

***************يمه مادام اني غرقت .. وشلون أخاف من البلل؟؟

يسلموووو على القصيده الحلوه وعلى النقل المميز

يعطيك العافيه

__________________________________________________ __________

>>>> الرد الثالث :
تسلم يمينك

صح لسان شاعرها

وماقصرت على النقل

__________________________________________________ __________

>>>> الرد الرابع :
سااااااااااااااااااااااااااااااااااااااااكب الدمعه

الله يعطيك العافيه على النقله الرائعه

كلمات حزينه وصح لسان الشاعر

تقبل مروري ولك تحيااااااااااتي

__________________________________________________ __________

>>>> الرد الخامس :
صح لسانك
ربي يوفقك بالكل الخير يارب
تحياتي لك