عنوان الموضوع : بسجل بنتي في كي جي 1 .. ومحتاره بين بعض المدارس ممكن رايكم ؟ تعليم الامارات
مقدم من طرف منتديات الضمير العربي
السلام عليكم جميعا ..
انا حابه ادخل بنتي كيجي 1 ومحتاره بين كم مدرسه .. المناطق القريبه من بيتنا خليفه أ او محمد بن زايد او بوظبي بس مب وايد دخل ..
المدارس هي
الخبيرات .. شمعت انها وااايد ممتازه .. بس للاسف اتصلت فيهم قالو وقفو تسجيل كيجي من شهر 11 =( وما اتوقع بيقبلون
مدرسة النجاح .. يقولون واايد واسد زينه بس شوي مشدده .. كلمتهم وقالو التسجيل بدا من اليوم بس مايقبلون بنتي كيجي 1 لان عمرها بيكون ان شاءالله 4 سنين و4 شهور .. ومايقبلونها كيجي 2 لانها مادشت كيجي 1 !!!
اكاديمية الشيخ زايد .. كانت خياري الثالث.. ارتحت وايد للمدرسه هاي يوم كلمتهم وقالو التسجيل خلال كم يوم بيفتح .. بس مشكلتها بعيده عن بيتي
مدرسة بلينلغ قالو التسجيل مايعرفون متى بيفتح ! وهي اقرب وحده لبيتنا ..
مدرسة الاتحاد ..ممتازه والتسجيل بيفتح عقب فتره بس غاسله يدي من هالمدرسه ههههه لان زحمممه عليها مثل ماقريت ..
واخر مدرسه ماشي مواضيع وايد عنها مدرسة بلفيدير البريطانيه .. ابي اي معلومه تعرفونها عن هالمدرسه زينه او شينه دراستها قويه ولا ..
وانا افضل المنهج البريطاني .. لو عندكم بعد بدارس قولولي وخلنا نتناقش عن هالموضوع .. لان التسجيل بيفتح قريب ان شاءالله ومابي التسجيل يضيع علي 😭
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
افا محد رد علي ولو بكلمه؟!!!
معقوله ولا وحده ام وتدور لعيالها مدارس او عيالها في شي من هالمدارس ؟!
__________________________________________________ __________
>>>> الرد الثاني :
انا مثلج اختي أدور حق عيالي عندي وحده 4 سنين وولد 3سنين بس ماعرف أي روضه خاصه إدخلهم وأنا بالشهامة أبا شئ قريب مني واهم شئ مكان يمدحونه وتعليمهم يكون زين
__________________________________________________ __________
>>>> الرد الثالث :
مرحباً أختي عندك مدرسة الروافد الخاصة في خليفة ا ، بصراحة ما اعرف مستواها كيف
__________________________________________________ __________
>>>> الرد الرابع :
عندج في خليفة ا
الشويفات جدا ممتازة بس العربي والدين ضعيف
لكن اللغة الانجليزية تحسبين الطفل كانه جاي من بريطانيا
عندج هوارزين الانجليزي
مش هورازين العربي
جدا ممتازة
__________________________________________________ __________
>>>> الرد الخامس :
رد مع اقتباس
