عنوان الموضوع : ساعدوني ... حد عدى ال HD1??? بصيح ساعدوني
مقدم من طرف منتديات الضمير العربي

بسم الله الرحمن الرحيم
خواتي لو سمحتو انا وااااااايد متضايقة وزعلانة وشكلي بنتحر
كنت وايد شاطرة بس ماعرف شو ياني الحين
انا عديت الفاونديشن ( الاساسي ) بسلام من الكلية بس الحين انا في الفيرست يير واوكي في كل المواد الحمدلله
بس الشي الوحيد اللي مزفته فيه هو الريدنق
هاهاها
حتى ما تستوي في الكتابة
القراءة في الانجليزي وايد مزفته فيها
ما يبت اعلى عن 65
يوم اسمع ان علامتي 65 اسوي حفلة ويولة
والله حرام
خاطري مكسور ومابا امي تزعل على هالعلامة
ساعدوني ارجوكم :1 (9):

مشكووووووووورين

وداعة الله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حرررررررررررررررررررررررررررررررام عليكم
والله بصيح
13 وحدة دخلت وماشي ولا رد
الله يسامحكم
والله متضايقة والحين تضايقت اكثر
ماعليه فديتكم
سامحتكم
انتظر لو وحدة تقول : ماشي
رد واحد بس يكفي

__________________________________________________ __________

>>>> الرد الثاني :
الغاليه انا عديت الHD1 وو مشكلتي كانت شراتج ..

بس الحمدلله مادري كيف نجحت اخر شي ..

انصحج شووفي الراايتنج مالج الي كتبتيييه واقريييه عدل وشوووفي وين اغلاطتج وحاولي تصلحييين .. هاي احس طريقه عشان تتعلمين ...

والله يوفقج حبووبه

__________________________________________________ __________

>>>> الرد الثالث :
حبوبه لو كنتي تدرسين في كليه التقنيه (و خاصه الشارجه) شئ في اللايبري مجموعه كبيره من الكتب وهي شرات الإمتحانات اللي نمتحنها و لكل مراحل الكليه وشئ الأجوبه في نهايه الكتاب ولو انتي من تقنيه الشارجه خبريني بخلي بنيه تشتغل هناك تساعدج

اتريا ردج

__________________________________________________ __________

>>>> الرد الرابع :
صدقيني انت سوي كل الي تقدرين عليه والله بيوفقج
اذا اقتنعتي بهذا صدقيني بترتاحين مهما حصل
والله يوفقج

__________________________________________________ __________

>>>> الرد الخامس :
هيه الغاليه وايدين عدو و انا منهم و الحين بكالريوس عقبالج يا رب

ماشي بينفعج غير القراءه

اول شي اقري انجليزي كثر ما ترومين

ثاني شي سيري مكتبة كليتكم..في امتحانات وايد للريدنج...خذي الامتحان و تيمي عمرج و خلصيه على الوقت

ثالث شي في امتحان الريدنج لازم ما تقرين الارتكل كله و عقب تجاوبين..هذا اكبر غلط و اكبر مضيعه للوقت..اول شي اقري الاسأله و عقب جاوبي..فلازم تقوين ال scanning and skimming عندج..و هذا ما يصير الا اذا سويتي براكتز على الامتحانات اللي في المكتبه

و اخيرا اغلب طالبات الكليات ينطردون عند ال HD1 فشدي حيلج...

ترا في حياتج مافي شي يتم لج غير شهادتج..و ما ينفعج غيرها..هاي راس المال فتمسكي بها و اجتهدي و ان شاء الله تبشرينا بالنجاح

و اذا انتي من تقنية دبي راسليني على الخاص و ان شاء الله بساعدج وايد و بييب لج ماتيريال ينفعج