عنوان الموضوع : دراسة تمريض في الامارات
مقدم من طرف منتديات الضمير العربي
السلام عليكم ورحة الله وبركاته
بصراحة خواتي بدش بالموضوع على طول
انا من صغري احب التمريض و كان خاطري ادرس تمريض بس اهلي مارضو و قالوا لازم ادخل الجامعة و الحمدالله اتخرجت من الجامعة و انا بعده بخاطري ادرس تمريض منو عندها خبرة فالتمريض او تدرس تمريض ، شو الدراسة صعبة و الا سهلة ؟
اتمنى احصل تجاوب منكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
خواتي هنتين درسو وخلصو واتوظفوا
مب صعب وايد مثل باقي الدراسات درسو في معهد التمريض الشارجه
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
اختي الغاليه انا درست تمريض والحمدالله الحين اشتغل . التمريض دراسه وايد حلوه نفس الطب تقريبا بس ف التمريض تركزين اكثر على رعاية المريض والله التمريض دراسته ووووووايد صعبه يبيلها صبر ومثابره لانج بتتعبين وايد وبتحسين ان ماعندج وقت لنفسج الا ف الويكند اذا تفيجتي من المذاكره والتحضيرات والامتحانات والاسايمنت والعملي طبعا العملي باول سنه بتتعلمين عن اساسيات التمريض يعني كيف تمسكين الابره وتعطين ابر وكيف تشسكين الحراره والضغط بس هذا كله بالفصل الثاني يعني اول سنه بتكونين مرتاحه لان اكثر شي بتكون دراستج لغه انجليزي . بس بالسنه الثانيه والثالثه بتشدين حيلج اكثر وكل اللي بتدرسينه بتطبقينه عملي يعني بتطلعين المستشفيات وبتتعاملين مع المرضى وبصراحه شي وايد وايد حلو وفي نفس الوقت صعب واهم شي لازم اهلج يكونون متفهمين ان التمريض معناته انج ممرضه مب خدامه نفس نظرة الناس وانج بتتعاملين مع كل اصناف الناس رياييل وحريم واطفال وشواب وشباب وبنات . طبعا لاتنسين دوام الشفتات يعني لو كنت متزوجه بيكون صعب عليج الا اذا زوجج كان انسان متفهم ومتعاون . اما عن الرواتب بصراحه ابدا ماتشجع الواحد يدخل تمريض لان ف الامارات الشمالية والمستشفيات اللي تابعه لوزارة الصحه الرواتب تكون قليله يعني لو كنتي مواطنه راتبج مابيتعدى 11 الف بس لو كنت من سكان بوظبي ودبي او حتى بتشتغلين في احد مستشفيات دبي وبوظبي بتكونين تحت الهيئه وراتبج راح يكون اكثر من 20 الف . والحين سمعنا انهم بيمددون دراسة التمريض يعني بدل لاتتخرجين بدبلوم 3 سنوات بتتخرجين ب بكالوريوس ب 4 سنين
انشالله اكون قدرت افيدج بشي بسيط عن التمريض حبيبتي
__________________________________________________ __________
>>>> الرد الخامس :
أنا والله خاطري بعد بهذا المجال احس انه حلو والا يبغي شي مووووووووووووووووووووووووووول ما يفكر انه صعب
الله يوفقج حبيبتي
رد مع اقتباس
