عنوان الموضوع : رايكم يهمني تعليم الامارات
مقدم من طرف منتديات الضمير العربي
هلا الغاليات
اشحالكم ؟؟؟
حبيبباتي أنا ميولي لي College Of Business Sciences
يعني بنزنس
ف للحين محتاره بين التخصصات اللي فيها ابي التخصص اللي له مستقبل
في
*Accounting
*Finance
*Human Resources Management
*Marketing
*Information Systems & Technology Management
*المحاسبة
* المالية
* إدارة الموارد البشرية
* التسويق
* نظم المعلومات الإدارية والتكنولوجيا
الحين انتوا شو رايكم ؟؟ انا وااايد محتاره ما ابي ادخل وكل شوي اغير
اختكم ^_^ الجوري 44
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبيبتي انتي شوفي شو أتحبين واختاري
__________________________________________________ __________
>>>> الرد الثاني :
بس انا اقصد التخصص اللي له مستقبل انا عادي اختار كلهم
مشكوره ع الرد
__________________________________________________ __________
>>>> الرد الثالث :
اللهـــــم
انى اسألك ايماناً دائمــــــــاً ،,, وأسألك قلبــــــــــــاً خاشعــــاً ،,,،
وأسألك علمــــاً نافعــــــــــاً ,,,، وأسألك يقينـــــــــــاً صادقـــاً ,,,،
وأسألك دينــــــاً قيمـــــــــــاً ،,,, وأســألك العافيةُ فى كل بلية ,,,،
وأسألك تمـــــــام العافيـــــة ,,,, وأســـالك دوام العـافيـــــــــة ،,,,
وأسألك الشكر على العافية ,,,,،
وأسألك الغنى عن النــــاس
شو رايج اتصلي صلاة الاستخارة وتستخيري بايها يكون خير لج ربي يوفقج
__________________________________________________ __________
>>>> الرد الرابع :
تسلمين حبيبتي ع الرد
__________________________________________________ __________
>>>> الرد الخامس :
الـ Accounting
*Finance هالتخصصين مطلوبين حاليا بس دراستهم صعبه شوي يعني يبالج تكونين شاطره في الرياضيات لان بتتعلمين كيف تسوين بلنس شيت
و كيف تحسبين الدبت و الكردت و و امور ثانيه تتعلق بالرياضيات المتعلقه في البزنز و اكيد بيخلونكم تشتغلون على برنامج للمحاسبه مثل برنامج peach software ..
Human Resources Management
هالتخصص حلو و سلس يتكلم عن الrecruitment process و وسائل التدريب المختلفه للموظفين ووايد اشياء و هالتخصص بعد مطلوب..
Marketing
هالتخصص ممتع و ما يعتمد على الفهم و اذا انتي تحبين تبدعين و تكتشفين امور التسويق هالتخصص حلو لج بتاخذون امور عن الـ 4Ps, 7Ps and PEST asnalysis و عن الـMarketing department role and functions
و في اوجه القوه و الضعف و التهديد و الفرص الي اسمها الـSWOT analysis + الـAnsoff's Matrix
و عن الـ Porter 5 forces analysis ووايد امور غير هذيل يعني بتتعمقون في الامور الي يسوونها في قسم التسويق في اغلب الشركات
:
:
Information Systems & Technology Management
هذا التخصص حلو و معقد حبتين و يتكلم عن فوائد الـIS في الشركات و ليش الشركات في الوقت الحالي تحط معظم فلوسها في الـIS او ERP + بتتعلمون كيف ترسمون er diagram حق السستم
يعني بالمختصر هو خليط بين الBusiness و الـIT و اثنينهم مطلوبين في سوق العمل..
عطيتج نبذه عن الاشياء الي بتدرسونها علشان تسوين بحث في قوقل اذا حبيتي و تقرين علشان تاخذين فكره عن نوعية الاشياء الي بتدرسينها و تشوفين ميولج وين بالضبط..
ان شاء الله اكون افدتج
بالتوفيق
رد مع اقتباس
