عنوان الموضوع : عزيزتي جامعة الشارجه ! بخصوصج يعني تعليم الامارات
مقدم من طرف منتديات الضمير العربي

السلام عليكم بنات .،


طبعاً إلي ساروا الجامعه و شافوا أعمال الإنشاء إلي قاعده تصير و إلي سبحان الله
مافتكروا يسونها طول فترة 3 شهور إلي كانوا الطلاب فيها إجازه !

أولاً .،

نلاحظ مع الأسف إنه الجامعه وااايد يهمها المظهر الخارجي مالها يعني راحة الطالب
بالطقاق يزيدون الرسوم علينا و طبعاً الكل شايف عشان شوه عشان يعدلونها من برع
و من داخل الطاولات نفسها نفسها ماتغيرة من ماأدري كمن سنه و البيبان نفسها ماتغيرت
و القاعات نفس الصبغ مال أول !

ثانياً .،
الجامعه يوم بتعدل المظهر الخارجي شحقه ماإفتكرت بالباركنات ع فكره منظر بيعث
لتنفير يوم تشوف السياير راكبه بعض وقت المحاضرات و السبه مسوين لنه جزيرة النخله
ف نص الجامعه إلي مايعرف شو جزيرة النخله (( هي بااحه عووووده مسوينها ع أساس الطالبات
يلسون فيها و يستنشقون الهاء المغبر بسبة الأعمال الإنشائيه في الجو المهلك من الحرر يعني لو فكرتوا
تقعدون بتجيسكم ضربة شمس )) يعني هالمساحة الكبيره إلي يربع فيها الخيل لو مسوينها باركنات
مب أبرك ! .،

ثالثاً .،
زردتوا الرسوم و مافكرتوا تيبون لنا أساتذه أكثر عشان لمه الواحد يكون مسوي مخطط
فباله هالسمستر ياخذ الماده الفلانيه يحصلها فل و يضطر ياخذ ماده ثانيه مايباها أو مايسجل
من الأساس ماده و يكتفي بلي سجلهم (( يعني بهالحاله عطلتوا له المخطط ماله و زدتوا له سنين دراسيه ))


إلي خلاني إنه أكتب الموضوع إنه طول الثلاث سنين الدراسيه و نحن نعاني من نفس الموضوع
و مافي شي يتغير غير المنظر الخارجي و الرسوم إلي تزيد و المواد إلي المفروض تخلينا نتخرج
و مب قادرين ناخذها و غير هذا الحساسيه إلي يتني من زيارتين لدفع الرسوم إلي الأولى خذت مني ثلاث ساعات
لين ما أوصل لحرمة الماليه إلي طلبت مني إنه أسوي كمن إجراء قبل الدفع إلي إستدعاني
أيهم اليوم إلي عقبه و أنطر ثلاث ساعات إضافيه لين مادفعت
هالشي خلاني أقوم الصبح و عيني متورمه بشكل فضييع و جفاف حوالينها و يوم راجعت الطبيب يسألني
إنتي شوه رايحه البر في عز الصيف عشان تيمعين هالكثر غبره ف عينج !!!


نهايتاً جامعتي العزيزه جامعة الشارجة
آآآآآآآآهن كم أود مفارقتكي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هههه الله يعينكم و يسهل اموركم

احنا مرتاحين جداً في التقنية بصراحة .. واهم شي النت شغال بكل مكان هههههههههههه لان من سنة او سنتين كان شي وايد معاناه ويا النت في الجامعة

__________________________________________________ __________

>>>> الرد الثاني :
الله يعينكم الصراحه
الغاليه انتي تخصص شوو..؟

__________________________________________________ __________

>>>> الرد الثالث :
علاقات عامه


نحن النت شغال بس لازم تحطين الأي دي مالج

__________________________________________________ __________

>>>> الرد الرابع :
الله المستعان

__________________________________________________ __________

>>>> الرد الخامس :
انا من الخريجه الثنويه عامه وقدمت ع منحه وماعطوني ويوم راجعتهم قالو نحن نعطي الى نسبهم فوق

مع انه الي تبغي منحه نسبه فوق 75 وانا ابويه متقاعد وكنت متوقع يعطوني بس ماعطوني وفي بنات نسبهم فـ 80 ماعطوهن مادري وين سارن المنح ..

الحيين بوقف الكورس الاول ولو ظهرتلي منحه بدرس شهر 1 ان شاء الله

والله كنت متحمسسه للدراسسسه بس المنحه الى خربت علييه واهلي مايرومون يدفعون ناويه ادرس علاقات عاامه ..

وماعرف شو الحل جان حد عنده حل يقولي خاطري ادرس اول كوورس ..بمل من يلست البيت يالين ششهر 1

او حد عنده وااسطه احصل ع منحه ..

اتريه الرد منكن بنات