عنوان الموضوع : شو تنصحوني تعليم الامارات
مقدم من طرف منتديات الضمير العربي

السلام عليكم و رحمة الله و بركاته
بدش بالموضوع على طول انا انجليزيتي متوسطه و ادرس في جامعة زايد ليفلز بس أبى هالسنه تكون لفلات و السنه اليايه ادخل جينرال إن شاء الله
بس تعبت من كثر ما افكر في الايلس انا مستواي في الاسبيكنج ضعيف و احس اني وااايد اتوتر اذا برمس شخص مااعرفه
أما الباقي المهارات تعتمد و احس اني اقدر امشي حالي فيهم
افكر ادش المعهد البريطاني اخذ دورت ايلس امتحن عندهم بس أخاف تكون روحتي له ع الفاضي و ما انجح فيه والله صج خلاص تعبت من كثر ما افكر بالايلس

# شو تنصحوني مع أني مجتهده
#و هل النجاح و الرسوب في هالامتحان بالحظ ؟؟ يعني عادي ينجح شخص و هو ميح في الانجليزي !
# هل تختلف درجة صعوبة الامتحان و سهولته على حسب المكان ؟
( هل امتحان الايلس في برتش كاونسل سهل ؟ و يكون سهل أكثر إذا تدربت على الامتحان عندهم ؟؟




و دعواتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حفظي الكلمات اهم شيء

وتدربي على الامتحان وايد لين تتمكنين منه

__________________________________________________ __________

>>>> الرد الثاني :
اسمعي .. وايلسي كلمي روحج بالانجلش .. لا تضحكين بس ها الصدق .. انا اتوتر بعد يوم ارمس بالانجلش والا بالعربي جدام حد .. وخاصه اساتذتي .. وانا ادرس في زاييد والحيين جنرال .. دوم ايلس اسولف ويا عمري بالانجلش .. مب مينونه بس عسب اقوي الشي فيني .. وما اتوتر ويضيع الكلام ..
اسمعي واقري .. وارمسي .. ارمسي ويا كل حد .. حتى يوم بتروحيين الجمعيه وجي اقعدي سولفي ويا الكاشير ..


وعن الامتحان ما امتحنت في برتش كانسل بس سمعت انه صعب ..يعني في الكولج يراعون فالتصحيح وجي .. اكثر عن برتش ..

انتي ادرسي وادربي .. وجوفي مستواج ..

__________________________________________________ __________

>>>> الرد الثالث :
والله ياحبيبتي امتحان البريتش كاونسل صعب ماأنصحج
بالنسبة للسبيكينغ شوفيلك وحدة شاطرة وتكلمي وياها باستمرار
ولاتخافي وتتوتري ترى تضيع امورج..ضروري تتحادثي مع حدا ..أعرف وحدة جزائرية ماشاء الله عليها مع انه اللغة في الجزائر فرنسي وكل ماأبي أكلمها تروح تكلمني إنكلش عسب تقوي نفسها وتكتب بعد علسكايب بلإنكلش عسب أصلح وهي بعد متزوجة وعندها 3 اولاد وبالإرادة والمواظبة عملت كورسات ونجحت

__________________________________________________ __________

>>>> الرد الرابع :
بالعكس اشوف الاسبيكنق اسهل شي
وهو اللي يرفع الباند

والامتحان بشكل عام سهل
ومثل ماقالو ركزي عالكلمات

انا يبته من اول مره
بس عقب عدته عشان اييب 5.5
رديت يبت 5 ههههه

__________________________________________________ __________

>>>> الرد الخامس :
الله يوفقج أختي