عنوان الموضوع : محتارة بين جرافيكس ديزاين و أمن المعلومات في جامعة زايد تعليم الامارات
مقدم من طرف منتديات الضمير العربي
السلآم عليكم و الرحمة من الله و بركاته ..
شحآلكن خوآتي ..
حبيت استفسر و اشوف الآراء عن هالتخصصين ..
تصميم الجرافيكس Graphics Design
أو
أمن المعلومات Information Security
محتارة بين الأثنين.. ميولي للجرافيكس ..
بس اهلي منحازين لأمن المعلومات أكثر ..
أنا ما عندي اي اشكالية مع الاثنين بس بغيت استفسر اكثر
اذا حد عنده خلفية عن متطلبات سوق العمل يا ليت يفيدني ..
هل بضمن الوظيفة للأي تخصص منهم ؟
الجرافيكس يقولون فيه اكتفاء و في منهم يقول العكس.. حد عنده معلومة ؟
و لطالبات جامعة زايد:
أي التخصصين اقوى في جامعتنا ؟
إذا دارسة اي تخصص منهم شو انطباعج عنه ؟
و السموحة طولت عليكن ..
شكراً مقدماً للجميع ^ـ^..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مَعقولة ولآ وحدَة عندهَآآ فكَرة عن هالتخَصصآت ..!!
__________________________________________________ __________
>>>> الرد الثاني :
أنا وايد شفت بنيات اختصاصهن.
Gra . Des أما تخصص Inf sec للحين ما عرفت بنيات عندهن ها لتخصص
أقصد في محيط العائلة و الصديقات ،،،
__________________________________________________ __________
>>>> الرد الثالث :
هلا أختي ..
أنا بنت إنفورميشن سيكيوريتي في جامعة زايد ..
و اتفضلي هذا واحد من ردودي في ملتقى ثاني على شخص كان يسأل عن تخصص أمن المعلومات شراتج يعني ..
هالتخصص حلو و جميل و فيه عملي (Labs) و أحسه مطلوب حالياً ..
الجرايم الإلكترونية في ازياد كل يوم تقريباً
هالتخصص بتدرسون فيه مواد مثل :
Information security basics
information security technologies
Information security management
و أيضاً هالتخصص بتدرسون فيه كمن مادة عن الشبكات لأن أمن المعلومات مرتبط بأمن الشبكات واللي بتساعدكم عقب إنكم تاخذون شهادة ال CCNA العالمية المعروفة في مجال الشبكات ..
غير مواد تقنية المعلومات الثانية مثل البروقرامنج و غيره ..
و في مجال تاخذون مادة اسمها Ethical hackingكمادة اختيارية > و يمكن يسوونها إجبارية بعد فتره ..
**
رايي بصراحة هو :
تخصص أمن المعلومات يمكن يكون نوعاً ما أصعب من الآرت ..
بس لو كنتي تحبين ال hands on activities و عادي عندج تاخذين كورسات برمجة أو بشكل عام تحبين تعرفين أكثر كيف تحمين بياناتج
الخاصة لما تدخلين على النت و جي ..
فاتوكلي على الله و ادخلي أمن المعلومات ..
أما لو كنتي وايد تحبين سوالف الفوتوشوب و الرسم و الديزاين و غيره فالآرت أحسه أنسب لج ..
معنه ممكن تدخلين أمن المعلومات و بعد تمارسين التصميم في الفوتوشوب يعني ..
فالحل الأمثل استخيري ..
و إذا بعدج تدرسين في الجنرال فممكن تستفيدين من الميجرز دي أو روحي اسإلي أساتذه الكلتين بنفسج ..
__________________________________________________ __________
>>>> الرد الرابع :
المشاركة الأصلية كتبت بواسطة x N o u n a
السلآم عليكم و الرحمة من الله و بركاته ..
شحآلكن خوآتي ..
حبيت استفسر و اشوف الآراء عن هالتخصصين ..
تصميم الجرافيكس Graphics Design
أو
أمن المعلومات Information Security
محتارة بين الأثنين
بس اهلي منحازين لأمن المعلومات أكثر ..
أنا ما عندي اي اشكالية مع الاثنين بس بغيت استفسر اكثر
اذا حد عنده خلفية عن متطلبات سوق العمل يا ليت يفيدني ..
هل بضمن الوظيفة للأي تخصص منهم ؟
الجرافيكس يقولون فيه اكتفاء و في منهم يقول العكس
و لطالبات جامعة زايد
أي التخصصين اقوى في جامعتنا ؟
إذا دارسة اي تخصص منهم شو انطباعج عنه ؟
و السموحة طولت عليكن ..
شكراً مقدماً للجميع ^ـ^
السلام عليكم اختي
بالنسبه لي كخريجه تصميم داخلي من جامعه زايد وموظفه حاليا كجرافيك ديزاينر (خريجه يناير 2013)
شوفي انتي شو تحبين اذا تحبين جرافيك تراه الديزاين باب وسيع وبالعكس كاني انتيرير ديزاينر لما يلست ادور عن شغل
لقيت انه اكثر الطلب طلبوني كجرافيك ديزاينر بين 5 مقابلات منهم وحده بس للانتير ورضفتها لانه مزايا الشركه ضعيفه كانت
فالجرافيك مجال اكثر
ولمعلومتج دامج تتخرجين من كليه الفنون والتصميم بسواء اي تخصص ترومين تشتغلين ع حسب اللي درستيه يعني انا كانتيتر اقدر اشتغل
مثلا مدرسه فنيه(لو كنتي تحبين الرسم وشاطره فيه بس هالمطلوب شهاده الكليه والخبره بالرسم باحتراف تتقننيه بالجامعه) - مصممه جرافيك (بما اني خذت اليكتف وكلاسات جرافيك فعندي المعرفه والخبره )- وانتيرير ديزاينر
وطبعا لو كنت متعمقه بمجال الثري دي ماكس والانيميشن بس مب من اهتماماتي كنت اقدر اني اقدم اي شغل في هالمجال
بالنسبه لمجال الجرافيك واسع اي شركه او جه حكوميه او شبه حكوميه عندهم قسم الاعلام والجرافيك والولاء كل مكان يصدر منه تصاميم كتيبات بوسترات مثل بوسترات الشرطه البلديه كلها تصدر من قبل جرافيك ديزاينر يشتغلون للمكان
بس شو الصعوبه اللي نواجها اول ما نتخرج في اماكن تطلب خبره معينه انج تكونين مشتغله قبل وهاي المشكله بس في اماكن يتساهلون ويساعدونج كخريجه ويمشون ع اساس معرفتج وابداعاتج وهاه المطلوب اكثر شي
بعد الشركات قسم الماركيتنك فيها يطلوبون جرافيك وايد هالمجال وسيع والحمدالله
بالنسبه للايتي بعد حلو بس انتي لازم تكونين حابه المجال ونفس الجرافيك كل مكان يطلبون هالتخصص
نصيحتي لج دخلي ملتي ميديا لانه اذا كنتي محتاره بين التخصصين فبتدرسين اعلام وايتي وجرافيك
ومنها بعد تخرجج ترومين تشتغلين ع حسب متطلبات سوق العمل وخبراتج
ومنها تحددين اذا بتختارين الاعلام او الايتي او الجرافيك
بس بالنهايه استخيري ولا تمشين ع كلام حد من اللحينه اقولج هاه مستقبلج
وامشي ع اللي تحبينه عشان تحققين نجاح بالمستقبل اذا مشيتي ع وراي الغير ما بتنجحين
وبتدرسين شي غصبن عنج واخرتها تكرهين مجالج
والله يوفجج وخبرينا بالاخير شو اخترتي
__________________________________________________ __________
>>>> الرد الخامس :
بناااااااااات بمناسبة العيد انا بشيل شعر جسم بالحلاوه اذا تبوني راسوني على الخاص
رد مع اقتباس
