عنوان الموضوع : تأجير السياره في المانيا في الامارات
مقدم من طرف منتديات الضمير العربي
السلام عليكم خواتي
شحالكن وشخباركن
ان شاءالله طيبات وبصحه وسلامه
طبعا الموضوع امبين من عنوانه..
نحن انشاءالله بنسير المانيا شهر 8
ونبا انأجر سياره .. لان بنتنقل من مكان ل مكان
وهدا خط رحلتنا
ميونخ >> زلامسي >> يوروبا بارك >> دوسلدورف
بس مانعرف شو انأجر!!!
محتارين نحنا عددنا 4 كلنا كبار
وطبعا كل واحد بشنطته
وما ادراكم ما شنطة البنات ههههه
يعني ابا اعرف كل وحده وتجربتها هناك كيف اجرتوها؟
يوم وصلتوا المطار؟ او من الفندق؟ او عن طريق شخص؟
او من البلاد عن طريق السفريات؟ او من مواقع النت؟
شو نوع السياره؟
بكم؟
تنصحين فيها او لا؟
شو اللي تعلمتوه من هالتجربه؟
ياريت اتشورن عليه لان واااايد محتارين
وقولولي كل شي اتحسوون اني بستفيد منه
طبعا اكيد اعرف انه لازم السياره يكون فيها جارمن
ابا اعرف شو الاشياء اللي لازم نتحذر منها يعني شي يديد غير مألوف عدنا
ان شاءالله الكل يستفيد من هالتجارب
والسموحه منكن اتريا الردود
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هلا اموسه ... بجاوب على اللى اعرفه وانشاءالله الباجيات ما ايقصرن ....انا من رايي احجزوا السياره من اهنا... عندج وايد مكاتب عالميه شرات هيرتز وبدجت ويوروب كار بس الاخيره مااعرف اذا كان لها مقر فدبي والا لاه ...
نوع السياره وحجمها يعتمد عالاشخاص ..يعنى مثلا احنا لان جيش قريش كله ويانا نحجز سيارات عائليه اتشل 8 اشخاص...وانتو 4 اشخاص يعنى حدكم سياره صالون او سياره بهاش باك عسب الشنط ...
اذا انتوا بتحاتيون السياره اول ما توصلون ميونخ اشترطوا عليهم يكون التسليم في مطار ميونخ...عسب اتكون سيارتكم وياكم من البدايه ...واسالوا اذا بتدفعون ضربيه المطار والا لاه ...فيه نقاط اكيد لازم تسالون عنها ... المبلغ اللى بتدفعونه شامل التامين.؟؟ولكم شخص .؟؟ تاجير السياره لعدد محدد من الكيلومترات والا مفتوووح ؟؟ طبيعي بتحاتجون القارمن فاشترطوا عليهم سياره فيها قارمن .؟؟ تبغون قير عادى والا اتوماتيك لان هالشي يفرق فالسعر .؟؟ الاتوماتيك اغلى طبعا ...بعض شركات التاجير لما اتسلم السياره تاخذ مبلغ اضافي مال شووو مااعرف بس جنه تامين اضافي والا شي ...مااقدر افتى ... نقطه لا تنسونها اللى بيسوق السياره لازم عنده ليسن دولــــــي ...ونقطه ثانيه يوم اترجعون السياره اتكون مفوله بترول والا فيها غرامه ... هذا اللى اذكره من رمسه ريلي
__________________________________________________ __________
>>>> الرد الثاني :
مرحبا اختي نحن اجرنا السياره عن طريق النت ويابولنا اياها من المانيا لين فينا لان التاجير في فينا وايدغالي وبعدين اتجولنا
انتي تختارين على حسب عدد الاشخاص ويراوونج السياره وتبدين رايج احجزي بسرعه لان ماشي وقت
يمكن بعد مااتحصلين لان ناس ربعنا كان عددهم سبعه ما حصلوا اضطروا ياجرون سيارتين
__________________________________________________ __________
>>>> الرد الثالث :
نصيحة احجزو عند شركة هيرتز ولا يورب كار من احينا ...
ياخدون تأمين عالسيارة ... ويوصلونها لج وين ما تبين ... وبعد يشلونها من المكان اللي تبينه ...
ولا تتأخرون في الحجز عقب ما بتلاقون السيارة اللي تبونها ...
ونصيحة لا تكثرون من الشنط ... خلو الشنط عملية وخفيفة وايد اريح لكم ...
موفقة الغالية ...
__________________________________________________ __________
>>>> الرد الرابع :
المشاركة الأصلية كتبت بواسطة في قلبه
هلا اموسه ... بجاوب على اللى اعرفه وانشاءالله الباجيات ما ايقصرن ....انا من رايي احجزوا السياره من اهنا... عندج وايد مكاتب عالميه شرات هيرتز وبدجت ويوروب كار بس الاخيره مااعرف اذا كان لها مقر فدبي والا لاه ...
نوع السياره وحجمها يعتمد عالاشخاص ..يعنى مثلا احنا لان جيش قريش كله ويانا نحجز سيارات عائليه اتشل 8 اشخاص...وانتو 4 اشخاص يعنى حدكم سياره صالون او سياره بهاش باك عسب الشنط ...
اذا انتوا بتحاتيون السياره اول ما توصلون ميونخ اشترطوا عليهم يكون التسليم في مطار ميونخ...عسب اتكون سيارتكم وياكم من البدايه ...واسالوا اذا بتدفعون ضربيه المطار والا لاه ...فيه نقاط اكيد لازم تسالون عنها ... المبلغ اللى بتدفعونه شامل التامين.؟؟ولكم شخص .؟؟ تاجير السياره لعدد محدد من الكيلومترات والا مفتوووح ؟؟ طبيعي بتحاتجون القارمن فاشترطوا عليهم سياره فيها قارمن .؟؟ تبغون قير عادى والا اتوماتيك لان هالشي يفرق فالسعر .؟؟ الاتوماتيك اغلى طبعا ...بعض شركات التاجير لما اتسلم السياره تاخذ مبلغ اضافي مال شووو مااعرف بس جنه تامين اضافي والا شي ...مااقدر افتى ... نقطه لا تنسونها اللى بيسوق السياره لازم عنده ليسن دولــــــي ...ونقطه ثانيه يوم اترجعون السياره اتكون مفوله بترول والا فيها غرامه ... هذا اللى اذكره من رمسه ريلي
فديتج مشكوره ما قصرتي..
اختصار اللي قلتيه
الحجز من البلاد احسن.
مكاتب التأجير العالميه هيرتز وبدجت ويوروب كار.
نوع السياره صالون او سياره بهاش باك عسب الشنط.
لا نحنا ما نباها من المطار لان ميونخ مايبالها سياره بس نباها يوم بنسير زلامسي.
السوال عن مبلغ التاجير شامل التامين. ولكم شخص.
تاجير السياره لعدد محدد من الكيلومترات والا مفتوووح.
سياره فيها قارمن.
قير اتوماتيك.
بعض شركات التاجير لما اتسلم السياره تاخذ مبلغ اضافي.
نقطه لا تنسونها اللى بيسوق السياره لازم عنده ليسن دولــــــي.
يوم اترجعون السياره اتكون مفوله بترول والا فيها غرامه.
مشكوره ع المعلومات
سؤال حد يعرف مكان في بوظبي ياجر برع او هالشركات اللي في دبي شي منها في بوظبي؟
__________________________________________________ __________
>>>> الرد الخامس :
مرحبا اختي نحن اجرنا السياره عن طريق النت ويابولنا اياها من المانيا لين فينا لان التاجير في فينا وايدغالي وبعدين اتجولنا
انتي تختارين على حسب عدد الاشخاص ويراوونج السياره وتبدين رايج احجزي بسرعه لان ماشي وقت
يمكن بعد مااتحصلين لان ناس ربعنا كان عددهم سبعه ما حصلوا اضطروا ياجرون سيارتين
ممكن اعرف شو الموقع؟
وبكم اجرتوها فاليوم اذا تذكرين؟
رد مع اقتباس
