عنوان الموضوع : استفسار عن الثياب في السفر في الامارات
مقدم من طرف منتديات الضمير العربي

مرحبا صبايا
حبيت أسألكن عن الثياب .
طبعا كل بلاد تختلف بطبيعة جوها وأوروبا الكل يعرف انها بارده
ونحن ان شاء الله بعد 10 أيام تقريبا بنسير ألمانيا وهذي أول مرة أروح أوروبا
و أحسني واااااااايد محتارة في طبيعة الملابس اللي أشلها حق عيالي
مادري أشل كله بناطلين وقمصان كم طويل ولا أنوع ؟ يعني بناطلين وشورتات وكت وتيشيرتات
ريلي يقولي شلي كله بناطلين وقمصان يدهن طويله ومحتااارة


وطبعا أنا حاطة في بالي بشل ملابس شتويه ع أساس بنسير منطقه ثلجيه ان شاء الله
أتمنى تفيدوني يا خبيرات أوروبا

ودمتم بود

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حبيبتى شلى كل البنطلونات والتشيرتات الكم الطويل والقصير وكثرى من الملابس لان هناك بتحتاجين ملابس وايد خصوصا حق العيال واخذى ملابس شتوية لان هناك للحين الجو بارد كل اللى عندج اخذية لان لين وصلتى هناك وفتحتى الشنطة اللى فى البلاد تشوفينة وايد هناك ولا شى تتوهقين واخذى جاكيتات لهم خليها معاج فى الشنطة اللى بتاخذينها فى الطيارة علشان اذا وصلتى وشفتى الجو بارد لبسيهم قبل ما تنزلين عن البرد وسلامتج تروحين وتردين بالسلامة ولا تنسين ادوية خافض الحرارة واللى تستخدمينها لهم احتياط بس

__________________________________________________ __________

>>>> الرد الثاني :
نوعي يا الغالية وخذي احطياطاتج

__________________________________________________ __________

>>>> الرد الثالث :
الغالية ..

نوعي في اللبس بالذات لليهال

بس أهم شي البناطلين والجاكيت

لأن الجو متقلب

__________________________________________________ __________

>>>> الرد الرابع :
نوعي

لان جو المانيا هالفتره شوي حر

ف شلي جيه و جيه

__________________________________________________ __________

>>>> الرد الخامس :
خذي بناطلين وتيشرتات كم طويل وقصير وجاكيتات 2أو 3 لكل ياهل