عنوان الموضوع : حبوبات .. منو في نيوزيلندا في اوكلاند الحين ؟ تعليم الامارات
مقدم من طرف منتديات الضمير العربي

مرحبا السلام عليك والرحمه

بناتات اشحالكم عساكم ابخير ..

انا حاليا في نيوزيلندا في مدينة اوكلاند ..

ساكنه في شقة في واتردروف .. في شارع beach .. سنتر المدينة على يمين سكنا .. وقريب من الquey road و queen road ..

منو متواجد في اوكلاند حاليا ً ؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الحمدلله على السلامة عيناوية ، قبل شهر كنت موجوده هناك ، بس نصيحتي لج لا طولين في أوكلاند ، سيري كوينز تاون ( آآآخ هذه المدينة حبيتها من خاطري) البرد فيها قارس ، الحرارة توصل فيها تحت الصفر والثلوج فيها رائعه ، وبعد سيري كرسجيرج ( بعد هذه ما تتعوض ) بارده وحلوه. بس أنا حبيت كوينز تاون أكثر.
نسيت أقولج ، من أوكلاند إلى كوينزتاون احجزي على طيران جت ستار الأسترالي ، وتحذري من الطيران النيوزلندي لأن مراوح وخفيف جدا ( يخووف) . ومن كوينزتاون إلى كرسجيرج سيروا بالباص ، المسافة 8ساعات لكن والله ما تحسون بالطريج من جماله وروعة المناظر.
تحياتي لج وتردين بالسلامة إن شاء الله

__________________________________________________ __________

>>>> الرد الثاني :
مرحبا عزيزتي ..

شوفي انا من قبل ما اوصل اوكلاند .. كنت في استراليا في الثلوج اسبوع كامل .. اتجمدنا ودرجة الحرارة تحت الصفر واتزلجنا واستانسنا وايد ..

فالحين ما نبا الثلوج نبا انغير شوي .. ويينا اوكلاند واليوم سرت بالفيري لجزيرة اكتشفناها وجي يوم كامل تقريبا .. وباجر وبعده بآخذ باص يلف بنا كذا معلم بنشوف شو بنزور منهم .. وعقبه حجزت يوم في الغابات سواقة دراجات وجي بعد يوم كامل .. وعقب بسير يوم للثلج في واكابابا في اوكلاند .. بسير وبرد في نفس اليوم .. بس بشوف كيف التزلج هناك .. على اساس السنوات اليايه اعرف وين اسير اتزلج استراليا ولا نيوز ..

وبيبقى عندي يومين او 3 .. ابا اسير بالقطار لأي مدينة حلوة .. بس عشان انشوف المناظر بالقطار .. فوين تنصحين ؟؟ ويعني اذا في مجال انسير يومين وانرد بس .. يعني بالقطار بكويزن تاون كم ساعة ؟؟ وشو رايج في مدينة روتوروا اسيرلها بالقطار ؟؟ لأنه اقرب لأوكلاند ..

بسنا رحلات بالطيارة .. ملينا .. نبا انغير بالقطار اشوي ..

لأني هالسنة وايد اتنقلت بالطيارة ..

الرحلة الاولى .. دبي - لندن - اسبانيا - فرنسا - لندن - دبي << كله بالطيارة ..
الرحلة الثانية .. دبي - حيدراباد - ملبورن - اوكلاند - حيدراباد - دبي << بعد كله بالطيارة ..

__________________________________________________ __________

>>>> الرد الثالث :
بالتوفيق

__________________________________________________ __________

>>>> الرد الرابع :
هلا عيناوية
أنا يوم قتلج عن كوينزتاون لأنها فعلا ما تتعوض، مصنفه من أجمل مدن العالم ، وفيها أنشطه كثيره . نحن رحنا مدينة روتورا بالسياره لأن زوجي كان مستاجر سياره ونلف فيها ، بس بيني وبينج ما تستاهل تعب طريج ، 3 ساعات ساير و3 ساعات راد ، عباره عن عيون كبريتيه ( والريحه أستغفر الله ريحة بواليع ( عزج الله ) لأنها عباره عن عيون كبريتيه ، أنا قمت أتهاوع وعيالي بغوا يرجعون من الريحه، وبتشوفون هناك قرية الشعب الماووري وطقوسهم ، كل واحد يدلع لسانه ، لوعوا بجبدي ، وفيها حديقة للحيوانات وطائر الكناري . بس في الطريج مرينا على مزرعة ريفيه وايد حلوه أستانسنا فيها أكثر عن روتورا.
بالنسبة للثلج رحناه في كوينز تاون كان رائع ، بس نحن متفرجين ما نتزحلق ، واعتقد أن التزلج عندهم من أماكن مرتفعه جدا أكثر من ملبورن، وشفتهم عندهم كلاسات للتعليم سواء للكبار أو الصغار .
بالنسبة للجزيرة في أوكلاند ، أعتقد أنج تقصديم جزيرة واهيكي ، حلوة كانت رحلتها .
بالنسبة لكوينز تاون تبعد عن أوكلاند بالطياره تقريبا أقل عن ساعتين.
أتمنى لج رحلة سعيده يا عيناوية .

__________________________________________________ __________

>>>> الرد الخامس :
هيه صح بالنسبة لروتروا .. انا اليوم قريت وسألت عنها .. وطلعت بأنه عبارة عن مياه حاره كبريتية وبراكين واحر منطقة في نيوزيلندا .. ما نبا شو يودينا للحر نحن .. ودامج قلتي عنها جي .. خلاص شليتها من بالي ..

ملبورن ترى فيها بعد دروس تعليم تزلج كبار وصغار ونحن خذنا قبل سنتين يوم سرنا وهالمرة بعد خذنا والحين تعالي شوفينا صايرين Bro SKi .. فخذنا كفايتنا في ملبورن .. واكيد في النيوز فيها بعد اكثر .. فهني احتمال انسير اقرب جبل ثلج ليوم واحد عن خاطرنا وانرد.. .. بس لاحظت شي .. استراليا "ملبورن" ابرد عن نيوز .. ما ادري يمكن انا في اوكلاند احس جي .. يمكن في النيوز الجنوبية "كويزن وكرستريش ابرد" .. هني في اوكلاند شوي تظهر الشمس الصبح انحس بدفوه .. بس ملبورن برد صح ..

اليوم سرنا حديقة قريبه من سكنا .. وان شاء الله باجر بنسير النفق اللي تحت البحر انشوق قروشهم هههههه ..

الله يسلمج .. مشكوره عالبيانات والافادة .. وهالمرة بس اوكلاند .. ان شاء الله السنوات اليايه لازم بسير كرستريش وكوينز تاون عن خاطري .,