عنوان الموضوع : ساعدوني بمخطط سويسري في الامارات
مقدم من طرف منتديات الضمير العربي




السلام عليكم ورحمة الله وبركاته

.
.

سفرتنا تاريخ 19/6 لسويسرا .. وبالتحديد بننزل في مطار زيوريخ

مدة السفرة 10 أيام .. بإذن الله ..

نحن شخصين وبيبي 7 شهور ..

التذاكر انحجزت خلاص .. الحمدلله ..

ابغي حد يساعدني في مخطط للرحلة ..

لأنه لين الحين مب محددين .. بس حاطه في بالي انه لازم ع الاقل اسير جنيف وانترلاكن ..
طبعاً مب لازم نسير المدينة ونسكن فيها ..
ممكن نروح لها يوم ونرجع اذا كان مثلا الدرب ساعتين ..

واحتمال نأجر سيارة وناخذ قارمن او نأجر سايق ..
تنصحوني من هنيه اشتري القارمن .. ولاّ من وين ؟؟

ممكن خبيرات سويسرا وبالأخص الغر الحشيم يساعدوني بمقترحات بخصوص الفنادق .. والأماكن اللي ممكن نسيرها ..


ويزاكم الله خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يوفقج خيتو في سفرتج

انا بعد مسافره لسويسرا ان شاءلله 2-7

كنت مخططه اروح زيلامسي وعقب سويسرا وعقب فرنسا بس عقب غيرنا الان الحمدالله كبرت المجموعه اللي بتروح وعندنا يهال ومافينا انقلهم من بلاد لبلاد حرام بيتعبون

وانا اقترح عليج تأجرين سايق احسن لج بواااايد عن السواقه هناك ماتعرفين شو يصادفكم من مشكلات الطرق وغيرها مم غير علي متعود وحافظ الطرق عدل

نحن الحمدالله الله يطول بعمر اللي رتبنلنا السفره ماتعبنا في نتفه ههه علينا بس شنطنا ههه

ان شاءلله اول ماننزل المطار بنلاقي ناس تستقبلنا وتاخذ عنا شنطنا وتودينا لين المطار وعقب ان شاءلله يوم نبقي نتحوط هم بيكونون المرافق والدليل

اقتراحي لج انج تروحين مكتب معروف ومشهور ينظملج كل شي

__________________________________________________ __________

>>>> الرد الثاني :
للرفــــــــــــــع

__________________________________________________ __________

>>>> الرد الثالث :
للرفـــــــــــــع

__________________________________________________ __________

>>>> الرد الرابع :
رفـــع

__________________________________________________ __________

>>>> الرد الخامس :
هلا الغالية

وصلتني رسالتج على الخاص بس فضّلت ارد فالموضوع عشان البنات يستفيدون ^.^

بسويلج برنامج حلو و مرتب و بعدين بخبرج عن الاماكن السياحية ..

البرنامج كالتالي :

دبي - زيورخ

من زيورخ تستأجرون السيارة و تطلعون دايركت على انترلاكن (اذا كانت رحلتكم فالنهار) و المسافة 118 كيلو يعني ساعتين تقريباً

الإقامة 5 ايام في انترلاكن من 19 / 6 لين 24 / 6 و منها بتسيرون وايد اماكن سياحية و مناطق متنوعة

و اليوم الخامس تطلعون من انترلاكن على جنيف والمسافة 215 كيلو يعني بحدود ساعتين ونص

الإقامة 3 ايام في جنيف من 24 / 6 لين 27 / 6 و منها بتسيرون مونترو و لوزان و ايفيان

و اليوم الثامن تطلعون من جنيف على زيورخ و المسافة 278 يعني بحدود 3 ساعات

الإقامة يومين في زيورخ من 27 / 6 لين 29 / 6 .. يوم واحد بتسيرون هايدي لاند في قرية ماينفيلد و شلالات الراين و اليوم الثاني جولة في زيورخ و اسواقها و معالمها

و اعتقد رحلة المغادرة من زيورخ لين دبي تاريخ 30 / 6 اذا ما كنت غلطانه