عنوان الموضوع : الموجودات + الخبيرات في فرنسا بليز دخلواااااااااا التدريس الاماراتي
مقدم من طرف منتديات الضمير العربي

مرحبا بنات شحالكم انا ان شا ءالله بسافر مع هلي باريس وحابه اعرف الجو عندهم الحين+ اللبس اللي لازم اشيله معاي والامور المهمة اللي لازم اشلها او اتجنبها شو بضااعتهم ا لحلوة+الاسواق تتخلى والاغراض اللي ماتتخلى هناكي واحسن المطاعم واماكنها +اللي تعرف سواق عربي محترم وامين ابي رقمه وكم المبلغ يكفي للشخص في 10 ايام مع اكله وطلعته وبنسبه للاسواق متى تفتح وتسكر وديزني كم المبلغ يحتاج ومتى يفتح ويتسكر بليز ترى اول مره اسير فرنسا بليز ساعدوني الله يجازكم خير.

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا .. تسيرون و تردون بالسلامة ... أنا الي أعرفه يقولون هاي السنة وايد حر عندهم !

ان شاء الله تستانسون

__________________________________________________ __________

>>>> الرد الثاني :
الغاليه سيدة العين الصراحه فرنسا روعه بكل معنى الكلمه تونا رادين منها من اسبوع والصراحه ماكنا نبا نرد صح الجو حر شويه بس ياحيه عن جونا\ بالنسبه للفندق نحن سكنا في فندق الوارويك في قلب الشانزيليزيه يعني كنا نطلع من الفندق على طول على شارع الشانزليزيه من ناحية نظافة الفندق ماعليه كلام \ومن ناحية اللبس الصراحه انا كنت ألبس العباه ومرتاحه فيها وحتى فيه عرب وايد ملتزمين بلبسهم \ بالنسبه للتسوق عندج شارع الشانزليزيه كل المحلات فيه والاسعار زينه وفيه محل عود للعطور مايحضري اسمه بس في نفس الشارع وفيه كل العطور الي بعدها مانزلت الخليج والعاملات الي فيه يتكلمن عربي وهذا الي لاحضته في معظم المحلات ينعي الجاليه العربيه منتشره بشكل والواحد حتى يتكلم عربي ويا الكل ومايلجأ للغه ثانيه \بالنسبه للصرف كنا انا وريلي وصرفا تقريبا 25 الف على المشتريات والاكل والشرب والمواصلات الصراحه كنا ناخذ تكسي مانستخدم المترو \عاد شوبخبرج عن الاماكن السياحيه عندج برج إيفل من اروع الاماكن من بعد المغرب لين 12 من الليل لانه يكون منور مثل الذهب غير عن البائعين المتجولين الي يسوون جو هناك الله يعينكم من الطلاليب لاعت جبودنا منهم بس احسن شي لاتتكلمون وياهم طنشوهم سرنا بعد في جوله بنهر السين ولفيا المكان كله وبعد متحف اللوفر ياربيه عالزحمه هناك نصيحه خلي سيرتكم من اول الصبح صح يفتح على عشر بس علشان تحصلون مكان من الزحمه ويباله يوم كامل إذا بتلفونه كله ني ألحين عند ديزني يفتح من عشرونحنا طلعنا من الفندق لين ديزني بالتكسي ساعه إلا ربع ونصيحه إن شفتو واحد واقف يسوي دعايه عن منتجع ويلس يقول حنوريكم وحنعملكم ووناخذكم ونجيبكم ببلاش إلبسوه تراه لعوزنا وضيع ثلاث ساعات علينا ودخلنا ديزني متأخرين بس الصراحه ديزني حلوه فالليل مع الاضاءه والفعاليات الي فيها \بالنسبه للمطاعم عندج مطعم نوره اللبناني(بالتكسي عدال مركز لافاييت ) ومطعم الديوان (عدال لويس فيتون)ومطعم هندي مافارقناه جنا في دبي وهوه في شارع الشانزليزيه \مركز لافايت حلو بس شوي غالي وفيه كل شي من خمس طوابق \ الصراحه السفاره ماقصرت ويانا \اذا في خاطرج شي راسليي عالخاص وفالج طيب

__________________________________________________ __________

>>>> الرد الثالث :
فديتج ام شمشم والله ماقصرتي فديتج والله انج ريحتيني وطمنتيني والله يعطيج اللي في بالج غناتي

__________________________________________________ __________

>>>> الرد الرابع :
بإنتظار تقاريركم خواتي بالصور ^^

__________________________________________________ __________

>>>> الرد الخامس :
الغالية أم شمشم
أنا مسافرة بعد أسبوع لفرنسا ،، بما انج راجعة من قريب حبيت أسألج جم سؤال ،،
أول شي عن تكاليف رحلتكم أنا حاطة ف بالي نفس المبلغ وهو 25000بس انتوا قعدتوا جم أسبوع هناك وكان معاكم يهال ولا لأ ،،
الشي الثاني احنا ناوين نتنقل بالتاكسي ومب بالمترو ،، شو أسعار التاكسي هناك ،، تنصحيني فيها ولا لأ ،،؟