عنوان الموضوع : قصة الفراخ -*- طريقه أقتصاديه -*- ** بالصور طبق لذيذ
مقدم من طرف منتديات الضمير العربي
السلام عليكم و رحمه الله و بركاته
أحبائى مشرفات و صبايا منتدى عبير الجميل
كل سنه و انتم جميعا بالف خير وسلام
النهارده احب احكى لكم قصه الفراخ وهى ان كل فرد فى الاسره بيحب يأكل الفراخ بطريقه معينه الى يحب مسلوق والى بانيه والى مشوى و الى يحب الصدر والى يحب الورك وهكذا
و هى طريقه أقتصاديه أيضا
طبعا كلنا عارفين كيف نغسل الفراخ جيدا لكن حبيباتى فى منطقه اسفل الفرخه ضرورى تتأكدوا انها ازيلت و هى عباره عن كره صفيره اسفل الفرخه تقطع بالسكين مثل الصوره
و طبعا المنطقه الى فى الخلف عند الذيل معروفه طبعا
بعد غسيل الفرخه انا بدعكها كلها بالليمون و ارش عليها الملح و اتركها فى مصفاه تنزل ما بها ثم اشطفها و ادخلها التلاجه (لو حتسلقى الفرخه كامله لازم تضعيها فى التلاجه و تطبخيها تانى يوم بيكون افضل )
كل واحده منكم ما شاء الله استاذه و لها طريقتها الجميله للمرقه و الفراخ المسلوقه و محمره بالسمن البلدى او تقطع بعد السلق و تغطس فى البيض و الفيجيتار و تقلى و كلها طرق رائعه لكن ححكى لكم طريقتى البسيطه
الفراخ المسلوقه
المقادير
بصله مبشوره / ملح / فلفل /3 فصوص حبهان /3 او 4 فصوص مستكه (و ليس مستيكه) /2 ورق لاورو /جنزبيل بودر
الطريقه
نضع ماء فى حله مناسبه لحجم الفرخه و عندما يغلى نضع الملح و الفرخه و نشيل الريم او الزفر ان وجد حتى ينتهى نضع البصل و الفلفل و الجنزبيل و المستكه و الحبهان و ورق اللاورو
وتترك حتى تنضج لايقل عن نصف ساعه حسب حجم الفرخه و عندما تنضج ننشلها من الشوربه او المرقه ثم تحمر حسب رغبتكم (انا بضعها فى شوايه الفرن تتحمر مع التقليب بدون سمن بضع مرقه فى الصنيه حتى لا تحترق فقط ) وثم نلفها فى الفويل بعد ان نرشها بالفلفل تظل ساخنه
لعمل أصناف مختلفه من الفراخ
انا بشرح الفرخه بان اقسمها بالنصف
ثم اخلى الصدر بالسكين أمشى بحذاء العظم هكذا
نفصل الفص الفلتو الذى فى الصدر و ندقه لعمله بانيه و ندق الصدر و عليه الجلده لشويه
و لو حنعمله بانيه أيضا نشيل الجلده و نقطعه ترنشات شبه الفلتو حتى تكون سهله فى عمل السندوتشات و التقطيع
و أقسم الفخد بالنصف ثم أفصل الموزه لوحدها (ممكن نجمع الموز و نعمل بيهم صنف ) و أخلى العظم من عليهم و يدقوا أيضا بالجلده علشان الشوى (لو حنعملها شيش طاووق نشيل الجلده )
خلاص جهزنا الفراخ المخليه للبانيه و للشوى
العظام والاجنحه والرقبه لا نرميهم حنعملهم شوربه بالطريقه السابقه وبعد النضج نفصصهم او نخلى الفصوص و نحمصها مع بصل و فلفل اخضر و بهارات و نحشى بها أجمل سامبوسك أو نعمل بيها سندوتشات بالكاتشب و المايونيز و الخص و الطماطم
بواقى الفصوص النيه و القطع الصغيره نحتفظ بيها فى الفريزر حتى تتجمع عندنا كميه نستغلها فى عمل اصناف جميله
تتبيله الفراخ البانيه
المقادير
زبادى / ماء البصل / مسطرده /عصير ليمون / خل / ملح / فلفل / جنزبيل
بيض / ماء / دقيق / بقسماط مطحون لونه فاتح ( يمكن عمله فى المنزل بالعيش الفينو البايت تزال حوافه و يدخل الفرن ليجف فقط ثم يطحن )
الطريقه
نخلط جميع المقادير مع بعض جيدا و نغطس فيها قطع الفراخ و تترك فى التلاجه
و عند الاستخدام نغطى الفراخ بالدقيق جيدا ثم نغطسها فى البيض المربوب بقليل من الماء (و ذالك لتخفيفه و جعل لونها ذهبى فى القليه لا تتحمر بسرعه ) ثم فى البقسماط
و تقلى فى الزيت وتوضع فى مصفاه او على ورق ماص
من يحب القشره ثابته على الفراخ يضعها فى الفريزر ثم يخرجها للقلى لكن عندى يحبوها منفصله ليتأكدوا انها غير مفرزه و طازجه و كل واحد و رغبته
وتقدم مع البطاطس المحمره و بجانب اى طبق من المكرونه او الارز او السندوتشات
منقوول لافادة اتمني الجميع يستفيد ان شاء الله يتبع...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تتبيله الفراخ المشويه
المقادير صويا صوص / زبادى /ماء بصل / مسطرده / ليمون / خل / ملح / فلفل / جنزبيل الطريقه تخلط جميع المقادير جيدا و تتبل بيهم الفخاد المدقوقه و تدخل التلاجه و يستحسن قبل بيوم ثم تشوى على الفحم او على الشوايه الكهرباء أو فى صنيه فى شوايه الفرن و يحرق لها فحمه و تقدم يمكن عملها شيش طاووق بتقطيعها مكعبات و تشك فى أعواد الشواء و يوضع معها قطع البصل و الفلفل الملون و تشوى حسب الرغبه بنفس الطريقه
صدور الفراخ الامهات
صبايا الاعزاء أرجو منكم شراء الاجزاء التى تفضلوها من الفراخ فقط مثلا بيحبوا صدر الرومى او الفراخ الامهات و هى بتكون كبيره فى الحجم و طعمها جميل بشترى صدور فقط ولازم توضع فى الفريزر على الاقل يومين قبل الاستخدام أسلقها بنفس الطريقه السابقه مع أختلاف الوقت فهيا تأخد حوالى ساعتين و نصف على النار حتى تنضج و تزوقى أجمل فراخ و مرقه و بعملها قبلها بيوم ولما تبرد أدخلها التلاجه و تانى يوم اقطعها بالسكين الكهرباء ترنشات و أرصها فى طبق التقديم و ارش عليها الفلفل و قليل من المرقه وأسخنها و أقدمها لا تتخيلوا جمال طعمها بالاضافه أنها تعطينا كميه لابأس بها و نقدم سرفيس جميل لضيوفنا وهذه صوره لصدرين نفس الطريقه ممكن فى صدر الرومى و يمكن فرش الطبق بالارز المحمر او الشعريه و نضع عليه الترنشات فيكون منظره مرتفع و جميل (او نضع ورقه فويل فى الطبق لنحصل على الارتفاع المطلوب ) ولو حتعملى الفرخه كامله رصى لحمه الفخد تحت و فوقها الصدور ليكون الشكل جميل و تغطى الموزه بالورق الفويل المشرشر و توضع بدل الاجنحه لعمل مرقه نحمر شعريه و نضيفها على المرقه للحصول على ألذ مرقه أو نعملها بالكريمه مع الفصوص و البواقى من الفرخه المسلوقه لالذ شوربه بالكريمه و البواقى او القطع الصغيره و الفصوص و الاجنحه و الرقبه نجمعها و نعمل منها سندوتشات او نحشى بها المعجنات شفتوا فرختى بعمل منها مرقه ( بالعضم و الجنحه والرقبه ) و بانيه ( بالصدور) ومشوى ( بالفخاد ) وأحشى معجنات ( بالبواقى المسلوقه ) و مكرونه فوتشينى (بالبواقى النيئه) المرقه استخدمها للملوخيه و القلقاس و الرقاق جربى حتى صدر الفراخ العاديه يقطع بنفس الطريقه ستجدى الطعم يختلف و بيكون أسهل و أنعم فى الاكل الفراخ التى استعملتها طازجه ليست مجمده هى من عند الفرارجى أتمنى أكون أستطعت اوضح لكم فكرة المنقول و ان أكون أوحيت لكم بأفكار أخرى تتمشى مع متطلبات كل أسره و رغباتها بالف هنا وشفا لا تنسونى بالدعاء أترككم فى رعايه الله و أمنه وكل عام وأنتم بخير و عيد مباارك عليكم يا رب 
__________________________________________________ __________
>>>> الرد الثاني :
واااااااااااااااااااااااااااااااااو واااااااااااااااااااااااااااااااو
بصراحه شي يفتح النفس صح الدجاجه قبل
لاتنطبخ اللهم ياكافي بس النهايه جدا رائعه
موغريب عليك دمووع المواضيع الرائعه
بكل مره نتفأجى بجديد احلى من اللي قبله
تسلمين يالغلا .
__________________________________________________ __________
>>>> الرد الثالث :
سلمت اناملك دموع
دمت بكل خير
__________________________________________________ __________
>>>> الرد الرابع :
يسلمووووووووو كتير يعطيكى الف عافيه يا رب
__________________________________________________ __________
>>>> الرد الخامس :
الله يعطيكي العافيه صدق فن للافضل انشلله
رد مع اقتباس
