عنوان الموضوع : كشته داخل الامارات سياحة الامارات
مقدم من طرف منتديات الضمير العربي

السلام عليكم خواتي

حد منكن تعرف كيف ارتب حق رحله داخل الامارات؟؟ الصراحه انا من بوظبي وما جد سرت الامارات الشماليه.. ومفكره ارتب حق اجازة العيد..

من ممكن يساعدني؟؟

ابغي معلومات عن الاماكن و طريقة التنقل والفنادق..

الله يحفظكم خواتي..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بصراحة الجو هالايام روعه ويشجع الواحد يسير كشته
الغالية اذا ماتحبين زحمة دبي ممكن تسيرين راس الخيمة وتسكنين في فندق قلعة الحمرا على البحر وايد حلو ومن هناك ممكن اتسيرون البر اذا تحبون منطقة عوافي في راس الخيمه اوكي
واذا حابين تتسوقون سيرو منار مول
وممكن اتسيرون الفجيرة وخورفكان عند الجبال فيه فندق يمدحونه اسمه ميريديان العقة ممكن تدخلين موقعهم واتشوفينه
واي سؤال حاضرين واتمنى لج كشته سعيده

__________________________________________________ __________

>>>> الرد الثاني :
اختي بنت بوظبي ما قصرت
صدق الجو روعه نحن حاجزين في فندق العقه المكان روووووووووعه هناك
نحن بكره هناك بنتكشت
وان شاءالله تكون رحلتكم ورحلتا موفقه

__________________________________________________ __________

>>>> الرد الثالث :
هلا الغاليات عندي لكم معلومه قبل لا اتروحين المنطقه الشماليه مثل خور فكان وتوابعها
اتاكدي من الفنادق او الشاليهات لان اهل المنطقه ما يحصلون حجز وخصوصا الميريديان
لان كل من الي يسير لي هالمناطق يحجز من شهر او شهرين لان عليهم ضغط وايد
وحصوصا في المناسبات حتى الشاليهات والسموحه طولت عليكم

__________________________________________________ __________

>>>> الرد الرابع :
ماما سفوره نحن حاجزين من اسبوعين وبالزور

__________________________________________________ __________

>>>> الرد الخامس :
مشكورا خواتي على المعلومات ولكن هاي المناطق يقولون انها خطره في الشتا اقصد الوديان والجبال.. واحنا اذا سرنا بيكون ابوي ويانا وهو ريال كبير في السن مانقدر نسير وياه كشتات شباب...!! فاهمين قصدي!! خواتي يمكن الفندق اللى نحجز فيه عنده ترتيبات؟؟ ترانا ماندل الاماكن واذا سرنا على البركه يمكن ما نرجع الفندق هههههههههههههههه..

ومشكورات على التواصل