عنوان الموضوع : رحلتي الى وادي الوريعه التابع لإمارة الفجيرة
مقدم من طرف منتديات الضمير العربي
موضوعي اليديد
هو عن
رحلتي لوادي الوريعه
التابع لأمارة الفجيرة
في دولة الامارات العربيه المتحده
الجو كان بارد درجة الحراره 24 لكن رياااح بااااارده وغيم
،
،
،
،
،
طبعا تقرير مع الصور
يلا نبدأ بسم الله
طلعنا من البيت اساعه 11 الظهر على اساس انه بنتغدى في الوادي
وأن كلي ظن بأن واحده من العوايل الي رايحين ويانا مسوين الطبخه فالبيت
ولكن المفاجأة كانت داخل القالوووصه
طلعو منها جدر الطبخ الي يقووول يلاااا نبدأ طبخ وكانت اساعه 2 ظهرا
بعد اليأس الي أصابني ناحية بطني قلت خلنا نتجول في الوادي
نسيت اخبركم طريق الوادي كله حصى كبيره يعني كان الطريق بالنسبالنا يخووف طشوونه
خذيتلكم بعض الصور
هذا الأخ ضفدووع يتجول في ربووع الوادي هو واخوه ضفدووع جبان ،،
وسمي بهذا الاسم نسبه لخوفه الشديد كل ماقتربنا يعني يثبت مكانه مايتحرك في حين باقي الضفادع يشردووون أي يفرووون بالهرب
شوف الغزال الشارد ويا كراعينه
وهذا شلال الوادي بس مب واضح
وللأسف المنظر شوهه الكتابات الي على اليبل
يتبع ،،،،،
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يبت عدتي من شاي والقهوه
اختفت القهوه بسرررررررررررررررعه ومثل ماتشوفون صاحب الكندوره الزرقا هي الماما وهي الي اختطفت القهوه
يبت الكرسي وخذيت هالاستكانه من الشاي المشكر من زمان ماشربت شاي مشكر آآه يا الرجيم اذا يا غصبن عليك
وخذيت بعض الصور للوادي اخليكم تشوفونه
اووووف رجعنا للكراعين الي قلتلكم عنها في بداية الموضوع ( كرراعين الغزال الشارد لو تذكرون )
طبع واضح تلوث الماي بسبب هالأنامل الذهبيه
يتبـــــــع ،،
__________________________________________________ __________
>>>> الرد الثاني :
هالمنطقة واااايد حلوة خااصة أياام المطر
عالفكرة أنا ساكنة قريب من هالمنطقة
أيام المطر تنزل الماي من بين اليبال ع الشكل شلالات رووووعة
ان شاء الله استمتعتوا بالرحلة
هااا مره ثاانية بتين صوبنا خبريني عسب نقوم بوااجب الضياافة
__________________________________________________ __________
>>>> الرد الثالث :
مااااشاءالله...
تسلمين اختي وتسلم اناملج على هالصور...
يبالنا نسير هالمنطقة..
__________________________________________________ __________
>>>> الرد الرابع :
الغدا
كان مهمت الطبخ كالعاده للرياييل
اضرما النار خخخخخخخخخخ حلوه اضرمنا
[
وحطينا على اليمر اللحم والفندال ( والفندال هي البطاطا الحلوه وكاااانت لذييييييييييذه على الجمر )
اووووه سوري بالغلط
نرجع لمحور حديثنا
وأحنا نحط البطاطا الحلوه حدث ما لم يكن في الحسبان
سقوط أمطاار قوووويه أدة إلى إنتقالنا من الموقع مباااااااشره ( طبعا الأصابع الذهبيه هي التوقيع الغزال في كل صوره )
كل واحد فينا يركض يشل شي إلا أنا طبعا مراعاتنا لظروفي الصحيه أشل صحن صغير خاشوقه يعني ملاعق وغيرها من السوالف الي مالها وزن[/SIZE]
ونحط الجدر في القالوصه مع يمره ونمشي واحنا كلنا خووف إن الجدر ينفجر من الضغط هههههههههههه
ولكنا وصلنا مكان ثاني وكملنا الغدى وتغدينا بس للأسف بطاريت موبايلي فضت وماصورتلكم الغدا
كان لذيييذ والجو برررد
ماكنا متوقعين هالبرررد لو تلاحظون الملابس صيفيه لكني انا كنت شاله جاكيت للإحتياط واختي خذته عني
إلى اللقاء مع رحله اخرى بإذن الله
__________________________________________________ __________
>>>> الرد الخامس :
الله يعطيييج الف عااافيه
رد مع اقتباس
