عنوان الموضوع : بليز حد يساعدني بنتي تعبانه؟ للسياحة
مقدم من طرف منتديات الضمير العربي

السلام عليكم يا امهات ...
ابا حد يساعدني بنتي فديتها تعبانه من هذا الزجام مغربلتنها هاي السعلة ما تروم ترقد اتم تسعل وكل شوي اعطيها ماي سرت اكثر من مستشفى الخاص والحكومي كلهم عطوني نفس الادوية من كثرهن استوت عندي صيدلية عطوني دوا اسمه ميلاروسوم نفس العسل
وواحد شي اسمه بس مرسوم علية ورقة خضرة انا كنت استعملة حق بنتي الي اكبر من الريم بس اشوف انا يفيد اختها الكبيرة كل ما اقول للدكاترة انه ها الادوية احسها ما تفيد يقولون تفيد و الله مايهون علية اشوفها تكح ينحرق حلجها من الكح فديتها عمرها 4شهور وتارخ 4 بدش ال5حتى عطوني مضاد حيوي لها وما فاد هي الحمد الله حمى ما فيها وخشمها الحمدالله مي مسكر بس يابنات الي تعرف ما شي شي اشربها عشان يريح حلجها الي عمرهم 6 شهور يعطونهم اكتفيد عشان يريحهم من السعلة والي اصغر شو يريحهم انا بنتي الريم امبونها فديتها ما فيها زجام بس بناتي الهنتين شو يفججهن يتحرنها عروسة يلسن يحببنها ومرات يسككنها يوم اخليها عند ريلي وهومايقصر يقول عادي خواتهاكل بناتي فيهن زجام بس هن كبار وحدة 5 والثانية 3شو اسوي الصغير غير عن الكبير والله الرقاد ماايني وانا اجوف الريامي مب قادرة ترقد لا تقولولي سيري دختر هاذا ولا هذاك والله احلف ما خليت دختر في العين ما سرتلة كلهم بالظبط نفس الدوى سبحان الله.

السموحة منكم...
بلييز ردو علية بسرعه...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا اختي .... أنا ولدي بعد كان عنده كحة وزكام ...والزكام وااايد متعبه . بس الحين الحمد لله راحت عنه بفضل الله واهتمامي فيه ...... أحسن طريقة ومجربة .. حج الكحة والزكام ..... ( الزيت زيتون و الفيكس ) .... بتقوليلي كيف ::::::::

أولا تسبحين بنتج بماي دافي ولا زم الغرفة تكون مب مكيفة ... بعدين تسخنين الزيت زيتون ( مب لدرجة الغليان لانه خطير ) بس تخلينه حار ......,, وتحطين في ايدج كمية من الفيكس وتخلطين معاه الزيت زيتون الحار شوي ... وتحطينه على رقبة بنتج وظهرها وصدرها .... وشوي زيت زيتون على أنفها .....


وتلبسينها ملابس ثقيلة شوي عشان ما تبرد بالتكييف ....... وترقدينها.... وان شا الله ما يكون فيها الا العافية ,,,,,,,,,,,,

والله احسن من الادوية والخرابيط اللي ما تفيد ............... انتي جربي لمدة 3 أيام وبتشوفين بنتج بخير وعافية .... بس اهم شي الاهتمام ...... ...

والله يشفيها ...... ( ولا تحاتين هذا تغير الجو والكل يمر عليه المرض )

__________________________________________________ __________

>>>> الرد الثاني :
الله يشفي بنتك !
وإنشاء الله البنات يساعدونك !
على كل حال أنا أستعمل زيت الزيتون مع بنت والثوم !
آخد فص ثوم صغير وأقليه شوي بس في ملعقة زيت زيتون واستعمله مثل التحاميل !
في ناس إخافون من ه1ه الطريقة ! وأنا بعد كنت خايفة بس الحمد لله لما إستعملتها نامت بنتي مرتاحة !
وكمان سمعت ناس يستعملون القرنفل والزيت! يدهنون بهم أرجل الطفل الصغير وإلبسوه جوارب ! هذه ماتخافين منها أي شي!
وكمان ممكن تدهنين أرجل بنتك ب Vicks وتلبسينها الجوارب ! بس ما تدهنين صدرها لأنها صغيرة عليه!
وهذا للي أعرفه ! وأهم شي العسل الحر!
والسلام عليكم ورحمةالله وبراكاته !

__________________________________________________ __________

>>>> الرد الثالث :
الله يشفي بنتك !
وإنشاء الله البنات يساعدونك !

__________________________________________________ __________

>>>> الرد الرابع :
ختي شربيها ماي ودني فيه لبان عربي وشربيها اياه وان شاء الله بتنقطع عنها الكحه بسرعه ...وعليج بالعسل والكركم مع بعض طبعا عسل طبيعي اصلي مش مال السوق ...وان شاء الله تستفيد

__________________________________________________ __________

>>>> الرد الخامس :
الله يعافيها بركه هذي الايام المبروكه ويخليها لج
انا بعد ربيعتي بينتها بنت 6 شهور والسعه ذابحتنها بس تعرفين بالمستشفى قالولها الافضل انها ما تاخذ دواء ما عطوها شي
الله يعافي الاثنين يا ربي