عنوان الموضوع : مشكلة ولدي ارجو التعاون معاي للساحة الامارات
مقدم من طرف منتديات الضمير العربي
عندي ولد عمره سنتين وشهر ربي يحفظه عنيد بطريقه فضيعه وموب عارفه شو اسوي وياه يصرخ وايد ويضرب واذا قتله بصيح يقولي صيحي عقب دقايق بعد ترجي عسب يتاسف يتاسف ويبوسني لكن بعد دقايق يعيد نفس اللي قبل ساعدوني يا اهل الخبره
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
الله يعينج ويهدي ولدج ......
اقري عليه وشوفي من شوه يعصب ويزعل ويمكن اخوانه يستفزونه حاولي معاه وشوفي شوه اللي يريحه وسويله اياه او يمكن عندج بيبي وحاس انه حد خذ مكانه .....
اشتريله العاب وخليه يلعب وانتي لاعبيييييييييييييييه بروحج وتقربي منه اكثر يمكن الولد عنده ردة فعل شي معين ....
وبعدين في هالعمر مايعرفون شوه الصح وشوه الغلط......وان شاء الله بيتغير بس مب بالضرب والعناد تراه مايعالج يأزم الامور .....
وربي يحفة ويطرح فيه البركة ....
•:*:•"صبر جميل والله المستعان على ما تصفون"•:*:•
__________________________________________________ __________
>>>> الرد الثالث :
والله العناااااااد مشكلة...
عندي نفس الحالة..
واحس المشكلة تزييد يوم يلاقوون لهم سند،، سواء عماته او يداتهم أو ابوهم..
الله يعييينج،، ويعدي ولدج.. ويهدي عياالي يااارب..
__________________________________________________ __________
>>>> الرد الرابع :
لا تضربيه
اعطيه اللي يبيه بالمعقول من دون دلال ودلع وايد
اهم شئ بالدنيا كلها
لما تصلين ادعي له بالهداية
بالهداية
بالهداية
والله ما في افضل من الدعاء
__________________________________________________ __________
>>>> الرد الخامس :
والله نفس مشكلتي .. الله يعين مع ان دراستي اغلبها كانت عن الاطفال وكيفيه التعامل معهم وحتى زوجي ،، بس الدراسه شي والتطبيق على ارض الواقع شي ثاني مرات يستفزني واضربه وايلس اصيح .. مااحب اسلوب الضرب بس ضغوطات الحياه تخليج ماتتحملين اي شي .. بس حاليا انا ما خذه اجازه ومتفيجه له ادلعه لانه واايد يغار من خواته بس احسه تغير شوي ،، جربي حبيبتي وعطيه اهتمام زياده وشوفي اذا كان عنده اخوان غيره يمكن الغيره هي السبب .
رد مع اقتباس
