ياليت اتفيدوني
ولدي الصغير عمره سنتين
ماشاءالله عليه حركي وذكي صح مايرمس وايد بس نشيط يبى لعب ولا ضرابه حتى ينضرب ويرد ماشاءالله يضحك يبى يكمل
يحب يمثل ويقلد..ماشاءالله وايد اكتف حتى ماحب اسير اماكن عامه ولازيارات وياه لانه بسرعه يشرد عني اذا طلعته من العربانه ويشرد وسواها فيني وضاع طبعا حصلوه السكيورتي وهو لاهي عادي عنده لو بيده بيكمل المغامره ..المشكله مايصيح الدنيا خبر خير بيتم يمشي ويرمس اي حد ويمشي وياه ..ابى انهيه عن الغلط يشرد عني يعاندني يتحسب كل شي لعب حتى يوم اعصب واضربه للاسف بعد ساعات يقهرني ويرد يضحك ويعاند
في البيت اذا ماحصل لعبه او حد يلاعبه سيده ياتلقينه في الحمام عزكم الله يلعب بالماى او الشامبو او شي يوصله او بالمطبخ او بغرف النوم طبعا قد ماقدر اصك البيبان (الحمدلله اني في ملحق ويالله اراقبه الله يهديه)
اخوه اكبر عنه عمره 5سنين بس اهدى عنه بوااايد ماشاءالله وعكسه تماماً مايحب يلعب وياحد توه قريب اشوي بدى يندمج ويا اخوه الصغير واحيانا مب دوم بس اكبر عنه ويعوره في اللعب بس غالباً اطنش واراقبهم ..يحب يتبع اخوه الكبير ويقلده بس الكبير مايحب ساعات يتضايج مايباه يلعب بلعبته
بس توم وجيري وريحانه على الجزيره للاطفال بيقعد عشانهم...ونادر اذا ملان يطالع التلفزيون
ولازم يرقص على كل اغنيه نهايه وبدايه
المهم طولت عليكن ادري بس تعبت منه خلاص كله ادعيله بالهدايه
اغلب اللي كتبته للفضفضه والله
سؤالي هو : شو رايكن بالحضانه له اتحسونها بتفيده خاصه اذا فيها يهال من سنه
انا ماشتغل بس افكر في الحضانه كمتنفس له ولعب وتعليم؟ بس وقت العصر طبعا ^_^
. اللي مدخله عيالها الحضانه استفادوا منها ولا لا؟
واذا عندكم افكار غير ساعدوني
رد مع اقتباس
