عنوان الموضوع : مشكله وأبا حد يساعدني في الامارات
مقدم من طرف منتديات الضمير العربي
بسم الله الرحمان الرحيم
عندي مشكله مع بنتي عمرها ست سنوات صف اول
مشكلتي وياها انها ما اتركز في حصة الدراسه هي كثيرة الانشغال, كثيرة الحركه في الصف وهذا يضيع عليها وايد من الشرح وفهم المسائل وحتى معلمتها وبعد معلمات المواد الثانيه كلهم يشتكون من نفس المشكله وحاولو وياها بس ماشي فايده وانا بعد في البيت كل يوم وياها على نفس الموال والمواعظ جربت وياها طرق كثيره مثل الحرمان من اشياء هي تحبها عاقبتها انها اتم في حجرتها قلتلها احنا زعلانين منج ومعلماتك بعد وما شي فايده وهي على فكره يوم اتركز على الشي فهما بالدراسه ممتاز وتستوعب وما في مشكله بس بعد ما اتكون المعلمه خلاص معاقبتنها عدل .
طبعا انتو تدرون انه الحين امتحانات وانا اذاكر وياها يوميا في البيت لساعات طويله لانها كثيرة الحركه اتمل بسرعه تطلع الف مشكله مره بطنها يعورها مره ايدها مره ما ادري شو والله اتعبتني وياها وما قادره اسوي شي ما عارفه كيف اسوي وياها ارجوكم اللي عنده خبره او حلول لاني مب قادره ومعلماتها قالولي انه الامتحانات وياها كانت مب زين تقريبا جميع المواد والسبب عدم الانباه مع اني والله والله اذاكرلها عدل فالبيت بس نحن تونا نصف السنه وما اباها اتم تشي .
وجزاكم الله خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي يمكن بنتج تاكل كاكاو وها شيء يخليها تتحرك اتكون حركيه يعطي نشاط الزايد
__________________________________________________ __________
>>>> الرد الثاني :
وديها عند دكتور متخصص للاطفال احسن
في بعض حالات زيادة النشاط يحتاج الطفل ادوية
__________________________________________________ __________
>>>> الرد الثالث :
مرحباااا
ما يحتااي لا دكتووور اطفاال ولا غيره .... بس بالهداااوه والمحااايل والاسلووب الحلو ان شالله يفيد وياااج
__________________________________________________ __________
>>>> الرد الرابع :
مشكورين وما قصرتو اما بالنسبه للكاكاو فما يحتاي واما للهداوه هي تعرف يوم اكلمها بالطيب وانتي حبيبتي وانتي شاطره عاد ابتدينا بالدلع وما بيخلص عندها وابوها ماشالله ما يقصر وياها والدكتو قالي انها طبيعيه ما فيها شي انا بس بغيت طرييقه يمكن حد عنده عيال نفس مشكلتي ؟؟
الله المستعان
__________________________________________________ __________
>>>> الرد الخامس :
الله يعينج عليها .. ويهديها
اللهم آمين ^^
رد مع اقتباس
