عنوان الموضوع : خواتي ساعدوني بليـــــــــــــــــز محتاجه لخبرتكم
مقدم من طرف منتديات الضمير العربي

السلام عليكم يا امهات

الصراحه عندي مشكله مع ولدي حاليا الله يحفظه عقب يومين بيكمل سنه وعنده مشكله والمشكله انه يمص صبعه ويمسك شعري وما ينام الا هو بهذي الوضعيه والله اني متلعوزه معاه وايد المشكله اني الحين حامل وبالتاسع ووايد متوهقه وياه قصيت شعري ما في فايده سويت هاي لايت اقوله ماماه شوف مب حلو خايسه والله منو يقول وتعرفون يوم كان عمره سنه رحت بانكوك عسب اتعالج وقلت اكيد بتوهق بالطياره عسب الشعر قمت وعطيته باروكه تخيلو قاعده صوبي انجليزيه مع بنتها البنت في ايدها لعبه وانا ولدي في ايده باروكه والله توهقت وافتشلت الانجليزيه انسعقت مستغربه منه وتطالعني كل ساعه لا تقولون لي الحل في دوى بالصيدليه حطيه على صبعه ما يستوي لانه صغير الدكتور حذرني ولا تقولون حطي مره لاني حطيت وعادي مص صبعه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماعندي فكره الغلا
بس بنت اربعيتي نفس الشي اتمص صبعها من يوم اصغيره البنت الحين صف ثالث ماطاعت اتودر الحركه

__________________________________________________ __________

>>>> الرد الثاني :
هي والله اني اعاني

__________________________________________________ __________

>>>> الرد الثالث :
الحين المص بصوب وشعرج بصوب

بس طنشيه خليه يصيح ويصيح ويصيــــــــــــــــــــــــــــــــــــح الين ما ينسى شعرج . ماشي غير هالحل

__________________________________________________ __________

>>>> الرد الرابع :
والله لو تشوفينه يوم يصيح يضرب راسه بالارض ويتم يصارخ ويصيح تقولين شي عود مستوي ابي مالي اونه جنه تقولين شعري مكتوب بأسمه ريلي يقولي الحل عندي اونه قرعي

__________________________________________________ __________

>>>> الرد الخامس :
الغالية

حطيله شي مر أو حار علي صبعه بدون ما ينتبهلك أو يشوفك