عنوان الموضوع : هل سيأتي ذلك اليوم؟؟؟؟؟؟
مقدم من طرف منتديات الضمير العربي

مرحبا بنات المنتدى
ادري اغلبكم متابعيني وتدرون عني....
أدري ان الارزاق بيد رب العالمين.....وانه هو وحده اللي يعطي والناس ما تعطي....
نفسي أحمل...والله نفسي أحمل حالي حال باقي الحريم....كل اللي حولي احملوا وولدوا واحملوا وولدوا ما شاء الله الله يحفظ لكل شخص عياله....انا بعد ابي عيال افرح فيهم.....
نفسي وأمنيتي تتأخر الدورة وأروح أفحص ويطلع بوسيتيف...وأمنيتي أسوي فحص منزلي ويطلع خطين..
لا اعتراض على حكم الله....
بس اباكم ما تنسوني من الدعاء....هذا انا اصبر واصبر واصبر بس بعد فتره لازم انفجر واحب اقول اللي بقلبي.....ادري موضوعي مب غريب عليكم...ويمكن مليتوا منه......بس لا تحرموني من دعواتكم...احس اني متضايقه وايد..ولا اقدر اقول لأمي أخاف تتعب.....دموعي ما توقفت احس اني ماني قادره اتحمل....سامحوني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يرزقج يارب خلي إيمانج بالله قوي والله مابينساج إن شاء الله,,,أنا كملت سنتين ماحملت ولافكرت يوم من الأيام بيكون عندي ياهل والحمد الله ع النعمه الله رزقني وبيرزقج إن شاء الله

__________________________________________________ __________

>>>> الرد الثاني :
الله يعطيج اللي في بالج يارب ويعطيج الذريه الصالحه بس التفكير الوايد يمنع هالشي حاولي ما تفكرين التهي بشي 2 ادري بتقولين مب حاسه فيه بس والله اعرف حريم كانوا يفكرون في هالشي 24 ساعه والله ماعطاهم بس يوم التهوا عن هالشي فحصوا وطلعوا حوامل..الله يرزقج ياااارب

__________________________________________________ __________

>>>> الرد الثالث :
اطمني اختي و صبري و بيي اليوم اللي تفرحين فيه و تنسين كل هالايام و تصبح مجرد ذكرى

و الله دموعي نزلن و انا اقرا موضوعج

الله يرزقكج ان شاء الله

انا يلست سنتين و عقب حملت الحمد لله لما ودرت العلاج

و اعرف وحدة يلست 4 سنين و حملت طبيعي بدون علاج

__________________________________________________ __________

>>>> الرد الرابع :
الله يرزقج ان شاء الله في القريب العاجل و تشوفين ضناج بين اديج بس اكثري من الاستغفار

__________________________________________________ __________

>>>> الرد الخامس :
الله يرزقج بلي تتمنينه