عنوان الموضوع : ممكن مساعدة بولدي الي طلع روحي للسياحة
مقدم من طرف منتديات الضمير العربي



انا ولدي وااايد عصبي وطريقته بالكلام معاي بقلة ادب مع ان موول مب مقصرين معاه ومبدينه عالكل من خوانه

وما يحب اخوانه مع انهم من النوع الي يتروعون منه ويسمعون كلامه اكثر عني

ونساااي بشكل وين حط الاشيا الخ

تخيلو مرتين سرنا المدرسة نيب واجباته,,هذا من غير اذا وصاهم الاستاذ بشي ما يخبرني

وهو واااااااايد ذكي ومب عنيييييييد

لكنه يبوز بسرعة اذا ما لفى الشي
طبعا انا ما اسوي له سالفة،،بس اكره نفسي

افكر اني ابدا اضربه لان ما يسير يصلي الا بالغصب

ساعدوني بحلووول

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اختييه يمكن من زوود الدلع صاار جي ..
اممم .. رصي عليه شوي شوي ..
مب ع طوول تضربينه .. بس رصي عليه عشاان يعتدل شووي ..
بس اول شي استخدمي الرمسه الزيينه .. اذا ما يابته الهزيب .. اذا ما يبته الضرب و خااصه فالصلاه ..
علموهم الصلاة في 7 و اضربوهم في عشر ..
خااصه الولد ما يدلع وااايـــــــــــــــد ،، لان بااجر بيشووف الحيااه صعبه كيف بيواجهاا اذا ادلع و يعتمد ع غيره ..
اول شي اقتربي منه و رمسيه بالزين .. عقب بالهزيب و عقب بالتهديد ( شلي عنه او احرميه من الاشيا اللي يحبها) و اذا ما فااد ويااه اضربيه .. بس مب ضرب مبرح ^^

__________________________________________________ __________

>>>> الرد الثاني :
الله يهديـــــــــــه ويوفقه إنشالله

__________________________________________________ __________

>>>> الرد الثالث :
كم عمره؟
انتي بروحج كتبتي السبب ومب منتبهه

مع ان موول مب مقصرين معاه ومبدينه عالكل من خوانه
وما يحب اخوانه مع انهم من النوع الي يتروعون منه ويسمعون كلامه اكثر عني


لا حاله من حال خوانه هالشي اللي كبر راسه ولاتخلييينه يديييج على خوانه هزبيه والله عقب مابترومون له

__________________________________________________ __________

>>>> الرد الرابع :
الله يهدي عيال هالزمن مطلعين روحنا والله

__________________________________________________ __________

>>>> الرد الخامس :
عاقبيه واحرميه من الاشياء اللي يحبها لين يعتدل معاج