عنوان الموضوع : معاناتي ويا الأكزيما + الرضاعة ! لعشاق السياحة
مقدم من طرف منتديات الضمير العربي
السلام عليكم ..
سامحون عزيزاتي بدخل ع طول بالموضوع لاني داشة من الفون ويلعوزني وااااايد ..
يا بنات انا عندي بيبي ارضعه طبيعي اللهم بارك ومشكلتي عندي حساسية بإيدي يعني اكزيما ؛ ظهرت لي شهر 6 / 2016 بسبب اني كنت يالسة احف ايدي بالحلاوة واحمرت عندي وبعدها كنت استخدم الصابون العادي وجي وهني تفاقمت الاكزيما وصار لونها بني وتحكني وااايد خاصة بالليل واحيانا تطلع منها سوايل شوي وهي نفس الحبيبات ع سطح الجلد واخافها تنتشر !!!!!
رحت لطبيبة الجلد في كوزموميد وعطتني مراهم وماقدرت انتظم بسبب الياهل خاصة فليل لازم احطها وماقدرت .. وقمت انتظم بعدها وحسيت بالفرق بس من اوقف ترد مرة ثانية .. ورحت للدكتورة وخبرتها فكتبت لي مراهم ع قولتها اقوى بس انا ماشوف انها قوية؟!! واحس المراهم القبلية احسن عنها؟!!
ع فكرة ترا المراهم الي استعملها تحتوي على الكورتيزون والي له اضرار وايد من جي انا خايفة لاني ارضع وقريت ان الكورتيزون يدخل في لبن الام ومضاره انه مايخلي البيبي ينمو !!!
اخاف يأخر نمو ولدي بسم الله عليه الله يحفظه !!
شو اسوي؟! شو استعمل؟! خبروني بنات وين ادق راسي؟!
خبروني شو من الصوابين استعمل؟! وشو من الكريمات المرطبة اوكي؟!
سمعت عن الشريش وقريت عنه وانه وايد مفيد للاكزيما .. شو رايكم ومنو جربته ؟!
*قريت تجارب بنات في المنتدى وجي وتشجعت ..
{ كتبوا في قوقل ( دواء الاكزيما للأبد - سيدات الامارات ) } بتشوفون مواضيع البنات من منتدانا مع الشريش والي اسمه شجرة النيم علميا ..
سامحوني طولت عليكم بس والله نفسيتي تعبانة من الاكزيما خاصة اني ارضع واخاف ع ولدي
باختصار :
شو من صوابين مرطبة استعملها في الحمام؟!
شو من كريمات مرطبة اوكي؟!
شو رايكم بالشريش؟!
شو سوت الي ترضع طبيعي وفيها اكزيما؟!
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ملاحظة عزيزاتي :
المراهم الي استعملتها اول شي اسمها ( اخلطهن ويا بعض ) :
Elocom 0.1%
فوسيدك أسيد ٢٪
المراهم الي كتبتها لي الدكتورة تاليا وقالت انها اقوى هي :
Dermovate ointment
bactroban mupirocin
__________________________________________________ __________
>>>> الرد الثاني :
الله يشفيك ... اتأكدي من الطبيبة اذا الكريمات ماتأثر عالبيبي ... عموما مااعتقد تأثر لأنها كريمات مو مثل الحبوب
ونسبة الكرتزون بسيطة
استمري عالكريمات اللي حسيتي ان لها تأثير ... ودووم رطبي ايدك بالكريمات المرطبة .. خذي كريم من الصديلية افضل
انا عانيت سنين من الحساسية في ايدي بسبب الصابون والماي ... ومن فترة استخدمت هالكريم من افون .. استخدمته كمرطب عادي .. مااتوقعت انه بيكون علاجي من الحساسية .. اختفت من ايدي الحمد لله
__________________________________________________ __________
>>>> الرد الثالث :
Elocom احسن كريم
عن تجربه انا واهلي كلهم ما نستخدم الا Elocom
الاكزيما مالها علاج للابد
انتي كان عندج قابليه للتحسس
بس كان في شي حرض عليه
مثلا اخوي ما كان عنده بس هو حامل للجين لانه وراثه عنا
اكل طحينيه و سمج خلط الاثنين مع بعض طلعت له حساسيه
مع انه كان ياكل طحينيه بروحها و سمج بروحه عادي
بس خلط الاثنين طلعله
و ممكن يختفي بروحه مثل حالاتي لكن يرد يطلع لو مسكت اي شي اورجانيك
يعني ما يناسبني قناع الليمون ابدا ما اقدر امسك بطاط ني واقطع واقشر بايدي
يعني يوم ابا اطبخ لازم حد يقطعلي
البودرة اللي داخل القفازات اتحسس منها
لو اتجنب هالاشيا ما بتظهرلي الحكه
==
ما اظن بتأثر على حليبج وعلى البيبي
انتي ما قلتي للدكتورة انج ترضعين
اذا في شي ما بتوصفهن لج
^_^
__________________________________________________ __________
>>>> الرد الرابع :
اللى اعرفه كريم Elocom ممتاز للحساسيه والاكزيما وانا اشوف العلاج الاولى افضل من المجموعه الثانيه للاكزيما وربى يشافيج
__________________________________________________ __________
رد مع اقتباس
