عنوان الموضوع : مشكلتي مع الاسهال لعشاق السياحة
مقدم من طرف منتديات الضمير العربي

السلام عليكم خواتي

رجعت لكن بعد مدة
طبعا كنت كاتبة عن موضوع ولدي
و انه صغير و وزنه ما يزيد

حابة اعرف كيف اتعامل معاه
انا دخات له صناعي بعد زيارتي للطبيب
و كتب لي سيميلاك بدون لاكتوز
و اعطيه 3 مرات في اليوم تقريبا 40 ملل

بس ولدي ما يتقبله واايد
الحين يعاني من عدد مرات الخروج
كل ما ارضعه صدري بطنه يمشيه
ما عارفة وش اسوي
قررت اوقف صدري
بس ما هاين علي البيبي
احاول ابتعد عن كل ما يسبب غازات
بس بعد الولد يمشيه بطنه بعد كل رضعه من صدري

الحين بسوي له ينسون من باكر
و حرمة قالت اسوي له ماي العيش
فهل يقدر ولد تقريبا بيكمل شهر بعد يومين شرب ماي العيش
و بسوي له حلبة

عطوني رايكم
لاني تعبت من هالموضوع
كله صياح و اسهال و بكاء

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
شكلج بكريه


اذا ترضعيه طبيعي هالشي عادي الغازات تزيد اذا عنده إمساك وهو الحمد الله زين


ماي العيش ما تعطيه هذا العمر مب زين


عنده احمرار اي نوع حفاظ تستخدميه و شو تحطين له لما تغيريه؟


وزنه أبد ما يزيد ولا فيه زياده بس بسيطه ؟


ان شاء الله ما فيه إلا العافية واذا تحاتين وديه عند استشاري اطفال

__________________________________________________ __________

>>>> الرد الثاني :
شكرا اخت خلود على الرد

انا بعد اقول غازات
بحاول اقلل من نوعية الاكل يمكن تسبب غازات

اذا عﻻ الحفاظ استخدم له بامبرز
و اامنطقة مسكينة ملتهبة من الحفاظ
احاول احطي له نشا عشان تريح المنطقة
و اغيره كل ما سوا خروج على طول

الله يحفظهم الصغارية لين يكبرون

__________________________________________________ __________

>>>> الرد الثالث :
غيري له حليب سيميلاك عطي حليب ثاني بس حق الإسهال

الله يعطيه العافيه

__________________________________________________ __________

>>>> الرد الرابع :

المشاركة الأصلية كتبت بواسطة khalejeya
شكرا اخت خلود على الرد

انا بعد اقول غازات
بحاول اقلل من نوعية الاكل يمكن تسبب غازات

اذا عﻻ الحفاظ استخدم له بامبرز
و اامنطقة مسكينة ملتهبة من الحفاظ
احاول احطي له نشا عشان تريح المنطقة
و اغيره كل ما سوا خروج على طول

الله يحفظهم الصغارية لين يكبرون



العفو

حاولي تقمطيه

بامبرز ما حبيته اذا خلص اشتري هجيز يخفف الحساسية

حطي له بعد التغيير فازلين الوردي للأطفال اذا ماشي الفازلين العادي مع سودو كريم وبيخفف عليه اذا ما فاد وديه لاستشاري أطفال وخبريه عندهم كريمات معينه لفتره محدده وايد زينه

مره دكتوره قالتلي الإسهال أحيانا بسبب تهيج بشره الياهل تخليه يسويها النشا استخدمته بس ما حسيته يأثر

اكلج يكون صحي هذا اهم شي ووزن الياهل يزيد بزياده معقوله مقارنه بوزن ولادته

__________________________________________________ __________

>>>> الرد الخامس :
تسلمين اخت ام خلود على الرد

بغير لهجيز لما يخلص بامبرز
عندي الفازلين الوردي
بدهنه منها

عن القمتط اقمطه من انولد

ان شاء الله تتحسن حالته