عنوان الموضوع : أنـا مع ولـدي ،، نبي حل !! لعشاق السياحة
مقدم من طرف منتديات الضمير العربي

السلام عليكم ورحمة الله وبركاته


خواتي اشحالكم ، ان شاء الله بخيــر !

أنا ولدي عمره شهر بالضبط ،
الحمدلله أرضعه رضاعة طبيعية ، بس أحس مب دوم يكون شبعان !!
ف دوم من يرقد يرقدله مال ربع ساعه و نش يصيح ولازم ارضعه من أول و جديد ،

حاولت أعطيه حليب صناعي لكن ما والمه (لآن يسويله إسهال)
أبا اعطيه شي غير حليبي لآني انا مب دوم في البيت ،

ف شو تشورون علي فيه ؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماشي غير الحليب الصناعي لان عمره شهر وايد صغير انج تعطينه شي غير

جربيله نوع ثاني يمكن النوع اللي عطيتيه ماناسبه
او اشفطيله اذا تقدرين

__________________________________________________ __________

>>>> الرد الثاني :
غيريله نوع الحليب.. إس26 وايد زين... وغالبا ما يسوي اسهال... وحتى اذا ياه اسهال يباله اسبوع لين ما يتعود بطنه عليه... يمكن حليبج مب دسم وايد وخفيف عشان جي ما يشبع... الله يخليه لج ويحفظه يارب...

__________________________________________________ __________

>>>> الرد الثالث :
يا اختي يمكن صياحه من شي ثاني غير الجوع
هو توه صغير لازم يرضع كل ساعتين او ثلاثة ماكسمم
وانت لازم تشربي ليترين ماء يوميا حتى يكون الحليب كافي
شرب الماء والالتزام بمواعيد الرضاعه خاصة الليلية يزيد كمية الحليب
ولو ما نفع جربي نوعية حليب ثانيه,لكن ابدا ما تعطيه اي نوع طعام او غيره قبل ما يتم عمر 4 شهور على الأقل
لو حسيتي ان معاه مغص ممكن تعطيه 20-30 مل مغلي يانسون او شاي مخصص للاطفال من الصيدلية

__________________________________________________ __________

>>>> الرد الرابع :
اليهال جي معدتهم صغيره ويمشيهم بطنهم كل شوي لاتحاتين شوي شوي بيتعود مرات مب شرط يصيح يوعان مرات يصيح يبا حنان الام وريحتها

ومرات مغصص ومرات خايف يبا الام تحضنه وجي ماعليج شوي شوي بيكبر وبيخف الصياح ان شاء الله

__________________________________________________ __________

>>>> الرد الخامس :
حبيبتي نفس اللي صار معاي انا وولدي وراجعت المستشفى وكتبولي على حليب اسمه نوفالاك اس اي مخصص لحالات المغص

بس انت لازم تراجعين المستشفى اللي ربيتي فيها