عنوان الموضوع : ولدي يرضع طبيعي وداومت عنه .. أرجوكم دخلو ساعدوني .. للسياحة
مقدم من طرف منتديات الضمير العربي

آلسَـِْ♡̨̐ـِْلامَ علـِْ♡̨̐ـِْيگمَ

شخباركم خواتي

بدخل ف موضوعي على طووول..

انا موظفه وأشتغل ف منطقه بعيده عن مكان سكني .. وعندي ولد صغير فديته عمره 8 شهور ما شاء الله .. والمنطقه اللي اشتغل فيها غير مهيأه إني إخذ ولدي معاي .. أولا ماشي مكان حقنا .. ثانيا هناك كله غبار وهوا والجو متعب وولدي الله يحميه عنده حساسيه ف الصدر .. يعني تعب عليه .. وما يصير أخذه معاي ...

بس المشكله إني أرضعه .. وما أريد أفطمه الحين .. خليته عند أهلي الاسبوع الماضي وداومت وكان يشرب مرضعه .. لإني معودتنه من أول ع المرضعه الحمدلله .. بس المشكله لما رجعت ورضعته حسيته ما يريد وايد يرضع مني ، يرضع شوي ويصد عني ... بس انا يلست ارضعه لين الحين الحمدلله شوي شوي يرضع عادي .. بس احس الحليب الحين أقل عن أول .. مع اني كنت أشفطه كل يوم لما كنت ف الدوام ....


خواتي بغيتكم تساعدوني ..
شو أسوي عشان ما أفطم ولدي ... أنا أداوم 5 أيام وأرجع البيت يومين ...
ساعدوني ... وعطوني من تجاربكم ..

ما أريد أفطمه .. وما أريد الحليب يقل .. شو الحل برايكن ...

أنتظركم ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بارك الله فيج أختي . ولدج عمره 8 شهور الله يحفظه , يعني المفروض دخلتي له وجبات الأكل من شهرين , فلو قلت عددمرات الرضاعة الطبيعية عادي لأنه ياكل وما عتمد على الرضاعة بس . المهم علشان تحافظي على إدرارالحليب , حاولي تشفطي كل ساعتين أوثلاث ساعات بالكثير وأنت في الدوام . خذي كمية كافية من السوائل على مدار اليوم , قليلي من المشروبات الي تحتوي على كافين مثل القهوة والشاي وأول ما ترجعي البيت مافي داعي تعطي الطفل المرضعة عطيه بس صدرج , وحاول على الأقل رضعة وحدة من الصدر بالليل بعد الساعة 8 المساء , لأنه الإرضاع بالليل ينشط الهرمون المسؤول عن إدرار الحليب .

__________________________________________________ __________

>>>> الرد الثاني :
مشكوره اختي وجدان الفجر

ايوا الْحٍمَدٍللـّه باديه معه اعطيه فواكه وعيش وخضروات

بس الرضاعه الطبيعيه ما اريد افطمه منها


تسلمين

__________________________________________________ __________

>>>> الرد الثالث :
وضعج وايد صعب ، احس وايد تقطعين عنه حليبج 5 ايام وتردين له يومين
انا اليوم مداومة اول يوم وبنتي عمرها شهرين بس وبخليها تاخذ حليب القواطي رضعة وحدة فاليوم ان شا الله
لأني ما اقدر اشفط ، يستويلي التهاب حوالين الحلمة
بس بعد خايفة تحب المرضعة اكثر من الصدر ، والكل يقول ان الياهل يحب المرضعة اكثر لأنها اسهل
والحليب الصناعي احلى

المهم الله يخليلج ولدج و يخليلي بنتي وما يودرون الطبيعي ان شا الله

__________________________________________________ __________

>>>> الرد الرابع :
وَذَا النُّونِ إِذْ ذَهَبَ مُغَاضِباً فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ
فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ

__________________________________________________ __________

>>>> الرد الخامس :
انزين ماشالله عمره 8 شهور يعني حلو رضع كفايه يعني عادي تقل الرضعات ..
مادام ياكل و يشرب وصحته حلو .. عادي شالمشكله . not big deal
انتي لا تهملين الرضاعه كل ما ترجعين رضعيه شويه .. ومابينسى ان شالله
واذا فطم عمره خلاص .. الرضاعه على تقبل النونو .. في يهال يفطمون عمرهم بسرعه