عنوان الموضوع : رقاد ولدي المتعب في الامارات
مقدم من طرف منتديات الضمير العربي

هلا خواتي حابه اسال اللي عيالها عمرهم سنتين مثل ولدي عادي ما اخليه ينام الظهر اخليه مواصل ينش يوميا من 7 الصبح وارقده من 8 المسا لان يروح حضانه بس فليل الفير ينش ويصيح متقطع رقاده ولازم يشرب الفير حليب حاولت اخليه ينش الصبح متاخر معاي ماشي فايده كله من 7
وهل عادي والا لازم يرقد الظهر لان لو رقد الظهر من 2 لين 4 المسا يلعوزني ماينام

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اذا رقدتيه من وقت اكيد بيقوم من وقت

انزين نوميه العصر و بعدين فليل رقديه ساعه 11

جي اوكي

__________________________________________________ __________

>>>> الرد الثاني :
رقديه من الساعه 10-11 ثمان وايد مبجر عليه لازم بينش من وقت

__________________________________________________ __________

>>>> الرد الثالث :
مثل ماقالو الخوات. . الطفل بهالعمر يحتاج قيلوله ف الظهر.. ساعه أو ساعتين .. رقديه 1 الظهر وبينش 3 حلو وف الليل رقديه عالعشر وايد مناسب

حطي ف بالج اختي هالمرحلة يحتاج الطفل 12 ساعه نوم كافيه ... انتي نظمي له وقت ساعتين الظهر و 10 ساعات ف الليل .. وربي يكون بعونج

__________________________________________________ __________

>>>> الرد الرابع :
انا ولدي يسير الحضانه ويرقد هناك ساعه الظهر من 1 - 2
ويخلص دوامه ع الـ 4 العصر
وبالكثير 8 يرقد لانه ينش الصبح 8 ويتجهز للحضانه

ف انتي جوفي شوه جدول ولدج وهل في محفزات كافيه خلال اليوم عسب يرقد؟

__________________________________________________ __________

>>>> الرد الخامس :
عيالي من 6:30 اعطيهم مراضع الحليب يشربون عقب يقومون من السرير
ادخلهم الحمام واجهزهم عقب اوديهم الحضانة
في الحضانة ممكن ينام بس منبهة عليهم مايخلونه ينام أكثر من نص ساعة
اذا مانام في الحضانة ممكن ينام الظهر اخليه بس عشرين دقيقة و اوعيه
الحين كبر سار ثلاث سنين الله يحفظه فنادر ينام الظهر،،
وارقدهم من وقت 8 ومرات اذا طلعتهم ولعبوا ينامون 7:30 وممكن يسهرون لين 9:00 بالكثير نهاية الاسبوع اذا طولوا يلعبون مع عيال خواتي
بس الغالب 8 ادخلهم الغرفة للنوم،

من المغرب خلي الاضاءة خافتة واصوات التلفزيون واطية حتى نبرة صوتج معاهم خليها منخفضة، عشيهم من وقت 6-7 عقب لبسيهم البجايم وفرشي اسنانهم، مع الأيام بيسير عندهم روتين بيتعودون عليه

اهم شي حافظي على روتينهم
حتى لو اضطريتي تطلعين معاهم برع البيت لوقت متأخر مثلاً مول او زيارة خذي معاج عربانة فيها مظلة و لحاف صغير ربطيهم مع اللحاف وغطي عليهم المظلة
لأن عندي ولدين فماخذه عربانة التوم جداً مريحة

بعد شغلة اليهال خليهم يلعبون العاب حركية في النهار عشان ينامون من وقت