عنوان الموضوع : حبيبي سولفي لا تميين ساكته؟؟؟ قولي اي شي وانا برقد عالم الامومة
مقدم من طرف منتديات الضمير العربي
السلام عليكم ورحمة الله وبركاته ..
شحـالكم بنات وحريم عساكم بخييييييييييييير ؟؟؟؟
المهم المشكله انه ربيعتي مالجه من اسبوعين يمكن ... وماخذه واحد من اهلها.. وهالواحد يموت فيها .. وهي بعد تحبه ... بس شو المشكله ؟؟؟؟؟؟؟؟؟؟؟
انه يوم ترمسه طووول الوقت اتم ساكته ..يعني هو لي يتكلم ويسولف وهيه بس تجاوب عليه ؟؟؟ يعني عمرها مافتحت موضوع وياه !!
وهو طبعا متملل كل مره يقول لها .. حبيبي سووولفي قوولي اي شي انا تعبت !!!
تقوله شو اقول انزين؟؟ يقولها قولي شو سويتي اليوم ؟؟ تكلمي عنج ؟؟ عنا( يعني عنه هو وهي ) .. عن ربيعاتج وعلاقتج وياهن ... بس هيه بعد اتم ساااااكته.. ليش ماتدري ؟؟؟
ماتعرف شو تقول ؟؟ مع العلم انها راعية سوالف ويا البنات واهلها ماشاء الله عليها.. لو انفتح موضوع يعني عادي بتناقش وبتتكلم .. بس هالمشكله وايد متعبتنها ومضايقتنا
شو راااااااااااااااااااااايكم؟؟؟ شو تقوووووووووله ؟؟؟ وكيف تودر هالشـــــــي؟ لانه اكيد مع الايام بيضاايق ريلها
وووومشكورراات
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يمكن هي بعدها ماتعودت عليه او انها تستحي وانشالله مع الايام بتتغير وتأقلم وياه
__________________________________________________ __________
>>>> الرد الثاني :
المشاركة الأصلية كتبت بواسطة الأميره...
يمكن هي بعدها ماتعودت عليه او انها تستحي وانشالله مع الايام بتتغير وتأقلم وياه
ان شاء الله .. بس هيه مب من النوع لي يستحي .. يعني وقت ماتكون زعلانه منه تقولها وتواجهه.. بس وقت السولف اتم ساكته ..
الله يسعدهااا يارب
ومشكوره فديتج
__________________________________________________ __________
>>>> الرد الثالث :
مااعليج مع الايام بتتعووود عليه يمكن هيه بعدها ماخذت عليه لاتستعيلين
__________________________________________________ __________
>>>> الرد الرابع :
عادي فديتج لاتخافين كلنا جيه
انا بعد من النوع اللي يرمس ويسولف ويناقش
واول ماملجت ماكنت اسولف وياريلي كله ساكته هو بس اللي يسولف
والكلام اللي كان يقوله ريلها نفس الشي يقولي ريلي
بس عقب فتره شوي اتعودت عليه بس بعد اسكت ...
__________________________________________________ __________
>>>> الرد الخامس :
مااعليج مع الايام بتتعووود عليه يمكن هيه بعدها ماخذت عليه لاتستعيلين
مشكوره فديتج ^^
رد مع اقتباس
