عنوان الموضوع : ام زوجي ..! لتربية طفلك
مقدم من طرف منتديات الضمير العربي
السلام عليكم والرحمه
شحالكم سيدات الامارات؟
عساكم بخير..!
انا بخبركم بموضوعي
انا اجهضت من مدة شهر ونص وكنت وايد متضااايقه
المهم خبرت زوجي اني ابي اسير مكه
يمكن ارتاح شوي
وهو فديته ماردلي طلب .. قاللي اذا هالشي بيرجع ابتسامتج وحيويتج اللي خابرها قبل
غالي والطلب ارخيص
المهم استانست يوم وافق وخاصه اني ابي اغير جوو من هالضيقه اللي ماتفارقني..
وحجزنا وكل شي ..
الا ام ريلي خبرته ان تباا تسير وياااناا
هو جاء خبرني قالي امي تباا تسير قتله حيااها الله ان ماشالها المكان تشيلها عيوناا
وربي ان ام ريلي طيبه واحبهاا وااااايد
المهم سرناا مكه ومن وصلت بيت الله حسيت براحه غير طبيعيه سبحاان الله
وصلنا الفندق وكنت دووم اضحك وريلي مستااانس ان رجعت نفس قبل ..
وكنا حاجزين مثل سويت فيه غرفتين وصاله وحمامين كرمكم الله
الا ام ريلي تقول لا انا مابنام بروحي بالغرفه
تبون اخذووو غرفه وصاله وانا بنام معاكم
انا هني انصدمت كلش مب مصدقه كلامهااا
قالها ريلي زين يمه بنأخذ غرفتين وبنفتح بيناا الابواب وجي
قالت لااااااااا قتلك اخذ غرفه وصاله وبس
انا كلش مانطقت بكلمه
افكر شلون كلنا بغرفه احس مابأخذ راحتي
المهم رحنا الغرفه وحطيناا الاغراض وسرنا نتعمر
والله مااكذب عليكم واحنا نتعمر احس انصدمت في ام ريلي شلون جي تغيرت
يمكن انا بعدني مااعرف طبعها عدل خاصه اني ساكنه في بيت بروحي من تزوجت
مااعرف والله
بس كلش مابينت حق زوجي اني متضاايقه بالعكس ابتسم له
بس هو حسيته متضايق من امه
رجعنا الفندق بالليل
و انا سرت اسبح
والله مااكذب عليكم افكر شو البس حق النوووم وهي معاانااا
احس استحي البس جلابيات قصيره جدامها او بجامااا احس ماتعودت
والمصيبه الكبرى
انها تبي تنام ع السرير مع زوجي وقالت لي انتي نامي ع الكرسي
لان الكرسي يتحول سرير انا خبرتها ان شاء الله
ومع ان الكرسي يابس ظهري ذبحني طول الليل وانا اتغلب يمين يسار
عقب يوم حسيت انهم ناموو سرت الصاله
وانسدحت هناك .. شوي الا زوجي جاي قالي متضايقه ادري؟!
قتله لا وربي بالعكس بس ظهري عورني .. وقعد ساكت
وانا قعدت اضحكه لان ماابيه يتغير على امه
بسبتي
بس وربي رغم كل هذاا مابينت حق زوجي اني متضااايقه او شي
لاني من النوع اللي مااحب المشاااكل
وعدت 3 اياام ونحن على هالحال
في 4 يوم ام ريلي عندها اخت ماخذنها سعودي وعايشه هناك
وخبرتنا انها بنسير تنام عندهاااا
زوجي استااانس ماصدق خبر
وانا حسيت بااخذ راحتي شوي
بخرت الغرفه وتعدلت ولبس قميص نوم ناعم
وكانت الساعه 11 بالليل
شوي الا حد يضرب الباب انا خفت وزوجي يقول من اللي يدق هالحزه
شوي الاام ريلي تقول بطلوو الباب .!
انا تخرعت
وبسرعه ادخل الحمام اغير ملابسي
وربي كان قلبي يدق بسرعه
احس في نفس الوقت ابي اضحك على هالمواقف اللي تصير لناا
حسيت اني في طااش مااطاااش خخخخخخخخخخخخخخخ
وعدت الرحله على خير
بس انا الحين اللي ابي اعرفه في امهات جي ينامون مع اعيالهم بالغرفه
ومع زوجاتهم
احس شي مب حلووو ..
ريلي يقولي احمدي ربج وشكريه اناا في بيت بروحناا ولالو كنا في بيتهم جان نامت معاناا
ضحكني والله
بس في نفس الوقت حسيت ان ام ريلي متغيره حسيت شي في داخلي تغير اتجاههاا
مااعرف خبروني شتنصحوني..!
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هههههه والله ضحكتيني صدق طاش ماطاش
بس ماشاء الله عليج وعلى هدوئج الرائع
انا لو مكانج بقوله يابوي ردني بيتي اكرملي
نصيحتي لج حبوبه دامج في بيت روحج ردي طبيعي ولا كانه شي صاير
بس حرمي تسافرين معاها مره ثانييه لووووووول
__________________________________________________ __________
>>>> الرد الثاني :
الله يدوم المحبه بينج وبين ريلج والله لايحرمكم من بعض
اللهم امين
__________________________________________________ __________
>>>> الرد الثالث :
تصدقين
تميت اضحك يوم قريت موضوعج
شوبلاها ام ريلج.... الظاهر ما تبا شي يفوتها... ههههه
الحمد لله انج في بيت بروحج....
انا اقول طنشي الموضوع دام انج تقولين انها طيبه و حبوبه و انتي تحبينها...
بس اتحملي تخبرونها اذا بتسافرون مره ثانيه....
الله يعوض عليج و تحملين قريب ان شاء الله
__________________________________________________ __________
>>>> الرد الرابع :
هههههههههههههههههههه
الحمدلله عدا الاسبوع ع خير بس نصيحه لا تاخذونها معاكم مر ثانية
__________________________________________________ __________
>>>> الرد الخامس :
رد مع اقتباس
