عنوان الموضوع : انا مستغربه من... عالم الامومة
مقدم من طرف منتديات الضمير العربي

طبعاً كل أنثى تتمنى تزوج..وتعيش حياه مستقلة وتحقق الهدف السامي في الدنيا وهو الانجاب وتربية الابناء

ولكن أنا أستغرب من الحريم اللي تتنازل عن حقوقها..مثلا زوجه عاشت مع زوجها فترة قصيرة أو طويله...بعدين تكتشف نفسها أنها ما تقدر تحمل والعيب فيها هي

ليش هي تحث زوجها على أنه يتزوج عليها..واتشجعه على الزواج مره ثانيه
أبى أعرف وين كرامتج أيتها الزوجه..يعني بزواجه مره ثانيه تكبرين في عينه

ولا شوه...صح كلنا عندنا قناعة التامة أن يحق للرجل الزواج من أربع..بس مب أنا اللي أقوله روح تزوج..صراحه ما توقعت في حريم يقدمن تنازلات بهذه الطريقة..

يبغي يتزوج ..يتزوج بس ما أنطق حرف واحد فيه..ولا أقوله ما عليه روح تزوج من حقك
يفضل أي وحدة تمر بتجربة عدم الانجاب أنها ما تتكلم مع الزوج عن زواجه مره ثانيه لازم تظهر عزة نفسها وأنه سواء بتزوج أولا...ابين نفسي أني عزيزة النفس وما أنطق بكلمة الموافقة..عشان يحس أني أفضل وحده

يا نساء مب عيب أنج ما تنجبين...بس مب من حقج تحثين الزوج يتزوج عليج..أنتي بهذه الطريقة اتحسسين أنج بلا قيمة..وافترضي عرس يوم حثتيه تعتقدين أنج بتكونين عنده غاليه

صراحه اللي تحث زوجها يتزوج عليها ما أعتبرها حرمه..والمفروض يتعب عشانج ويدورلج علاج لين ما رب العالمين ييسر امورج مب أتنازل عن حقي..يبغي يعرس بعيد عني ولا يفتح طاري زواجه مره ثانيه..وبتعشين في قلق نفسي..لأنه بيكون عند زوجته اليديده وعقب بينشغل عنج بحجة عنده عيال وانتي ما عندج لا هم ولا شغله..وهذا أكبر هموم يوم الزوج يرفضج..ولا يعدل..لأن الأولويه لعياله..

يا زوجه التي لا تنجب اياج تنطقين بكلمة الموافقه..ولا تعطين رايج له انج راضيه..

عموماً هذا الكلام قلته تنبيه لكل وحده.. تمر بتجربة مريرة مع حياتها..شفت حالات منها وعورني قلبي..

ملاحظه: أبى اعرف الحريم كيف يقرون الموضوع..مع اني كاتبه كل شيء بوضوح
ترى قلت كل شي يبغي يتزوج يتزوج..بس مب انا اللي اقوله وعندي قناعه تامه الشرع حلله اربع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
كلامج صح حبيبتي...
وانا مااتوقع ابد أقول حق ريلي سير اتزوج...

يمكن هذا الشي بي منه روحه وهذيك الساعه ماأقدر أمنعه إذا تعذرت كل الطرق
للإنجاااااااب....

وأعرف نااااس سوو جي وندموووو...

ولو كان الريال فيه العيب الحرمه تنجبر تكون وياااه وإذا خلته..الحرمه فيها وفيها ..,

الريااال عااادي...>>>شو هالمجتمع

تسلمييين حبيبتي ع الموضوع
وهذي قضية مهمه

__________________________________________________ __________

>>>> الرد الثاني :
حبيبتي بروحج قلتي العيب منها و ما تييب عيال شو فيها لو حثته على الزواج و تشوفله بنية بنت عرب و ملتزمة تخاويها احسن عن اهله يزوجونه وحدة تأذيها
و تقولين وين كرامتج ؟ ليش الله عزوجل بيحلل شي ينتهك كرامتة المرأة ؟؟؟؟
برايه يعرس سواءا حرمته فيها عيب او ما فيها لان الريال من يحط شي فباله بيسويه و لا بيشاور حرمته و لا شي


صراحه اللي تحث زوجها يتزوج عليها ما أعتبرها حرمه..


ليش عاد مب حرمة ؟ منو حكم عليها بهالحكم ؟؟ انتي ؟؟ تراه رايج الشخصي
و ليش ما تكون انانية من تعرف انها ما تنجب او فيها عيب ما او مب مكفية زوجها ثم تمنعه عن الزواج تسد باب حلال حتى يلجئ للحرام هذي مب انانية ؟

في زمن الرسول عليه الصلاة و السلام ما اظن كانو الحريم بهالتفكير و المهاجرين و الانصار آثرو على انفسهم و الرجل كان ياخذ اثنين و ثلاث و حتى الرجل اللي كان عنده حرمتين كان يطلق وحدة لياخذها الثاني و يعف نفسه
هذا الجيل الصالح مب جيل الانانية و منع الحلال

__________________________________________________ __________

>>>> الرد الثالث :
بل بل بل
حبوبـه ،، هذا ربج حلله على الزوج ومافيها شي انها تضحي عسب سعادة زوجها ..

وأي كرامه ترمسين عنها الله يهداج ..
هالامور ما فيها كرامه ،، ربج ما بيحلل شي للحرمه وفيه اهانة لكرمتها ..
استغفري ربج

وهالامور مافيها آرآء ولا غيره
لأنها محلله من ربنا

__________________________________________________ __________

>>>> الرد الرابع :

المشاركة الأصلية كتبت بواسطة زهرة العمر
حبيبتي بروحج قلتي العيب منها و ما تييب عيال شو فيها لو حثته على الزواج و تشوفله بنية بنت عرب و ملتزمة تخاويها احسن عن اهله يزوجونه وحدة تأذيها
و تقولين وين كرامتج ؟ ليش الله عزوجل بيحلل شي ينتهك كرامتة المرأة ؟؟؟؟
برايه يعرس سواءا حرمته فيها عيب او ما فيها لان الريال من يحط شي فباله بيسويه و لا بيشاور حرمته و لا شي


الغاليه ترى قلت عندي قناعه تامة الشرع حلله أربع..بس ليش أنا أقوله روح عرس
يبغي يعرس يحق له..بس مب حلوه في حق الحرمه اتقول له..لأن بهذي الطريقة ما تكبر في عينه بالعكس تصغر...لو تلاحظين الدين يعطي حق زواج للرجل بس ما سمعت في قصص امهاتنا أنها تحث زوجها يتزوج.. اذا فيه خاطره عرس يعرس..بس كيف هي تقول روح عرس قبل ما ينطق هو انه بيعرس...الحرمه الي تنطق قبل ريلها تقلل من قيمتها

السموحه..وايدات نطلقن قبل الزوج ..روح عرس بس في النهايه ندمن

ليش عاد مب حرمة ؟ منو حكم عليها بهالحكم ؟؟ انتي ؟؟ تراه رايج الشخصي
و ليش ما تكون انانية من تعرف انها ما تنجب او فيها عيب ما او مب مكفية زوجها ثم تمنعه عن الزواج تسد باب حلال حتى يلجئ للحرام هذي مب انانية ؟

في زمن الرسول عليه الصلاة و السلام ما اظن كانو الحريم بهالتفكير و المهاجرين و الانصار آثرو على انفسهم و الرجل كان ياخذ اثنين و ثلاث و حتى الرجل اللي كان عنده حرمتين كان يطلق وحدة لياخذها الثاني و يعف نفسه
هذا الجيل الصالح مب جيل الانانية و منع الحلال




__________________________________________________ __________

>>>> الرد الخامس :
مع اني مب متزوجة بس حسيت من كلامج انج وااايد شالة على الحريم اللي يسمحون حق رياييلهم يتزوجون...

يا عزيزتي انتي ما تقدرين تحرمين شي الله حلله... وبالاضافة إلى انه اكيد الريال "اللي حرمته ما تنجب" ما بيقطع نسله من الدنيا لأنه "حرمه" وحدة ما تنجب... يمكن انها كانت نصيبه الأول... بس هذا قدرها وقدره... ويقدر بشرع الله يتزوج ثانية وثالثة...

اللي يضايج احيانا في هالموضوع انه بعض الرياييل ما يتريون على حريمهم وايد.. يعني وفت السنة ربع بيعرس... والسنة مول مب مقياس انها ما تحمل...

شي من الناس طبيعي من رب العالمين ما حملت على طول.. مب شرط فلانة حملت من أول ليلة لازم اختها مثلها .. أو ربيعتها مثلها.. هذا شي عند رب العالمين...

من حق الحرمة انه الريال يصبرها .... بس مب يصبر بعد سنين طويلة.. خصوصا اذا كانوا اهله يحنون من صوب.. وهو يحب اليهال من صوب..

قريتي عن قصة الحرمة اللي ما اتييب عيال.. وطلبت من ريلها يعرس.... مووووووووووووول ما طالع.. فجأه استواله حادث ومات.. شويه طلعوله حرمه وعيال... تحسين شو قلب الحرمه هذيج الساعة... اعتبرتها خيانة... رغم انه ما سوى الا شرع الله

يخبرها في حياته وحياتها... على الصح.. وجدام عينها احسن من وراها..

كم من القصص سمعنا رياييل معرسين على حريمهم وهم ما فيهم عيوب ابدا.. ما بالج بالحرمه اللي اثبت الطب انها ما بتييب عيال (وانا ما اطري ابدا اللي تأخر حملها) الله يرزق الحريم كلهم الذرية الصالحة..

يوم العيب من الريال مب كلهم انانيين.. حد اناني وبيخلي الحرمه عنده... وحد منهم بيقولها شوفي نصيبج.. وبيعتمد على الحرمة...

انا لا مع ولا ضد... وهالشي مافيه استغراب ابدا....