عنوان الموضوع : خلصت الإجازة و الحين حاسة أني مختنقة رعاية الاطفال
مقدم من طرف منتديات الضمير العربي

شو ممكن اسوي اذا ما اشتغل و عندي عيال صغار !؟!!

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا ما اشتغل بس اذا مليت نتواعد بيت اميه انا وخواتيه و حرمة اخونا لان اهلها ف العين حليلها

المهم يوم تشوفين نفسج فاضيه اعزمي ربيعاتج مب شرط يكونن معرسات او اعزمي خواتج ليله عندج مافيها شي

او استغلي غياب ريلج فترتيب نفسج وبيتج وايد اشياء ترومين تسوينها اوتدللين نفسج بماسكات و مساجات الخ

__________________________________________________ __________

>>>> الرد الثاني :
حلوه فكرة انج تعلمين بنتج السباحه وإذا كنتي في بوظبي عندج نادي السيدات إلي فالكرنيش بتستانس بنتج وأنتي بعد وهناك بتتعرفين على مواطنات من عمرج وأكبر أو أصغر وإذا كنتي في إماره ثانيه اسمحيلي

بس بعد تقدرين تدخلين عيالج حضانه وفي فترة وجودهم فيها سيري معهد أو شي تعلمي شي أو دوره تفيدج وبعد هناك بتتعرفين على بنات وجيه بس أهم شي تشغلين وقتج

أنا ماخليت دوره ماخذيتها ونص ربيعاتي متعرفه عليهن في دورات أو جمعيات نسائيه وما أحس بملل مول شو رايج ؟

__________________________________________________ __________

>>>> الرد الثالث :
والله الغلا .. عندج وايد اشياء تسوينها ..

اهتمي بنفسج وبجسمج .. وسوي شي يفيدج اشتركي ف نوادي للسيدات .. خذي دورات تعليميه .. طوري من نفسج لا تمين قاعده ف البيت .. وبنسبه لعيالج اهتمي فيهم وحاول تحطينهم ف مراكز للتعليم وتحفيظ القران وطلعي معاهم الحدايق والاماكن العامه ..

__________________________________________________ __________

>>>> الرد الرابع :
السلام عليكم ورحمه الله وبركاته


الغاليه بالعكس عندج الف شغله وشغله تسوينها

الحين ريلج بيقوم يداوم

و عندج العيال اللي بيسير المدرسه الله يحفظه واللي بيتمّ زين

ممكن ترقدين ساعتين عقب ما يروحون

تنشين ترتبين الحجره

تغيرين استايل مكان او زاويه في البيت

وعقب جهزي الغدى او اشرفي على الطبخ و حاولي انج تنوعين في السلطات

وتقدمين الاكل بطريقة يديده

و عقب جهزي عمرج ...تسبحي و تعطري

و بهالشكل بيكون اشغلتي نفسج ... و عايلتج برتاح أكثر

و ممكن تسوين جدول وترتبينه ... و تسوين يومين للأسبوع تروحين فيه للجمّ .... او تشتركين

في نهضه النسائية ...اعمال يدويه مرتين في لاسبوع

احسّ وايد اشياء ممكن تسوينها

بس انتي ايلسي بينج وبين نفسج وشوفي شو تبين


__________________________________________________ __________

>>>> الرد الخامس :
وايد اشياء تقدرين اتسوينها

مثل انج تتعلمين اشياء ما اتعلمتيها من قبل

\حاولي انج تدخلين معاهد اتعلمين

حاولي ادشين نوادي

يعني من هالامور اللي اتسليج