الحين الساعه 7 الصبح من البارحه ما رقدت عدل ارقد وانش
خواتي ريلي مات امس يوم الاحد !!
يوم السبت سار خلص كل امورنا للعيد وترس البيت اغراض والعاب حق عيالنا وماظهر من البيت منها تم كل الوقت عندنا يلاعب عياله
والساعه 7المغرب اتصل في ريل حرم المهيري لانه كان طالب فيلم منه ، ويــاه لين بيتنا ريل حرم المهيري بيتنا وتموا يلسوا يطالعون مباريات اظن ريال مدريد لانه يحب هالفريق
وبعدين قالي الريال بيتعشى عندي لزمت عليه سووله عشا وبعدين سون الخدامات عشى وتعشوا ويلسوا وانا لاحظت انه الريال طوّل عنده ومب عادتهم يطولون جيه قلت يالله يمكن مستانسين لانه ريل حرم المهيري ربيعه مثل اخوه
وبعد ما سار الريال ياني وكانوا عيالي رقود اتصلت طليقته الله لايسامحها ان شاء الله وتمت تسبه و جي بسبة خلاف بينهم وسكر عنها مضايج مع انه كان فرحان من زيارة ربيعه
انا هديت الوضع وجيه عقب قالي انتي احسن منها بوايد الحمدلله انا راضي عليج بس هي لو اموت مب راضي عليها لانها بعد تعلم ولدها يسب ابوه كلام وصخ وهو طالب حضانة الولد
بعدين قالي طبيها خلينا نتابع الفيلم اللي يابه لي اخوي هو يسمي ريل حرم المهيري اخوه لانه هذاك ماعنده اخوان وخوان ريلي وريلي جنهم اخوانه بس اكثر شي ريلي مثل اخوه
بعدين تابعنا الفيلم يبت له مكسرات وعصير ويلسنا وعقب ماخلص الفيلم قالي قومي نرقد عن نتأخر عن دواماتنا
وسرنا نرقد هو دوم يتدلع انسدح ع الفراش قال لحفيني ساره اشتقت تلحفيني بعدين لحفته
عقب قالي (انا كل يوم انشط عنج انش الفير قبلج واوعيج باجر دوري انام وانتي توعيني مالي خص باجر دوري انام)
قلت له ان شاء الله يالله ضبط المنبه وعطني اياه بحط عدالي
ضبط المنبه وعطاني اياه ورقد عقب انا رقدت والفير عند الاذان نشيت ع صراخ بني تصيح صياح
عقب شليتها وشغلت النور وتمت ترضع بس تحك شعرها وتطالع صوب ابوها انااقولها باباتج نايم
عليه دوام صح؟وانتي ماتخلين حد ينام هي تحب حد يسولف عليها ترقد ف رقدت عمرها ست شهور
ف رحت اوعيه شفته ما يتحرك حطيت ايدي ع ويهه ويهه كان احمر ويبهته باديه تزرق وجسمه بارد
حطيت راسي ع صدره جهة القلب ماسمع شي
وكان اخوه في الليل على طلعة ريل حرم المهيري داش هو وبايت عندنا ربعت بدون حجاب نسيت حتى البس شيله دقيت عليه الباب فتح لي واستغرب من لبسي وشعري وقلت له الحق الحق اخوك
هني ربع يا غرفتي وتنبهت لبست شيلة صلاه . تم يزقر على اخوه ويحركه ماشي فايده قال يمكن اغمى عليه حاول يوعيه ماشي
عقب اتصل لاسعاف يو البيت قالو الريال ميت يلست في الارض من صدمتي تذكرت يوم يقول : ساره دوري انام دوري انام وقلت في خاطري تنام في الجنه يالغالي
قالوا لازم ننقله المستشفى ونشوف تقرير الطب الجنائي واتصلو في الشرطه ماعرف ليش
مسك ايدي حماي وهو وايد يحترمني وقالي قومي كنت بطيح مسكني للاسف مع انه مايجوز ومسكني من خصري وداني الغرفه الثانيه مال عيالي وياب البنيه من غرفتي
وبدا اخوه يتصل في الاهل كلهم وبدوا اييون
ونقلوا ريلي الدختر والطب الوقائي قالوا ازمه قلبيه حاده لا مجتول ولا مضروب ولاشي ف ساروا الشرطه وصدر تصريح الدفن
بدا العزا امس ودفنوه حبيبي
ودفنوه عقب صلاة العصر ، والريال قال انا بدفنه وفعلا هو دفن اخوه الله يصبرني ويصبر اخوانه ويصبر اخوه ويصبر عيالي انا عيالي خبرتهم انه ابوهم راح عندالله ومابيرجع
عسب لا يحطون امل مع انهم مب مستوعبين شي بس يقولون للناس ابوي راح عند الله
الحين ابا ابدا اربيهم نفس ماكان يقول عيالي اباهم احسن ناس
خواتي ارضن ازواجكن ترا الجنه من وراهم الحمدلله مات ريلي وقلبه صافي عليه مات وهو قايل قبله لو اموت ماب راضي ع طليقتي باللي سوته فيني
مات وهو مب راضي عنها شو استفادت شو بيفيدها دمعها البارح يوم كانت تصيح صياح مع انه طليقها بس ندمانه يوم تخلي ولدها يسب ويلعن ابوه ويوم مكرهه ولدها في ابوه
والله ياخواتي انتن تقولن لو يموت الريل اهون من انه يتزوج غيري بس انا اقولكن لو يرجع لي ويتزوج عشر غيري اهون من انه يموت الحمدلله رب العالمين على كل حال
الى رحمة الله ان شاء الله
ريل حرم المهيري قال شي محد كان يعرفه :
قال كان وايد فرحان بشوفتي وكنت كلما ترخصت يقولي ايلس ماشبعت منك ايلس ماشبعت منك لاتسير بيي اخوي
عقب عسب اقعد لزم عليه بالعشا ويلسنا نسولف ونضحك ونطالع التلفزون وياب لي صورنا في اخر عمره اعتمرناها مع بعضفي العشر الاواخر و تم يرويني اياهن
ويوم مر الوقت وترخصت اخر مره يوم اترخصت قالي اوكي اشوفك على خير قال وحضني فتره تم حاضني وقال سلم على ابوك مع انه فالعاده هو يخاشمني !!
ويقول الريال يوم اركب السياره وسار قال في الدرب ياني مسج :
طرشله هالكلام
(هناك اناس ينحتون في اعماقنا مشاعر رائعه يخلدون في قلوبنا ذكرى لاتمحى نهفو الى رؤياهم يزدان الوجود بهم لنا الفخر بحبهم لنا الشرف بصحبتهم فليحفظهم الله اينما كانوا وليدم بيننا وبينهم الوصال)
يقول واتصلت به تم يضحك وينكت وعقب سكر
والله ياخواتي حتى العمال يصيحون حتى الهنود فقارى يصيحون حتى الخدامات مالنا ومال اهلي وخواني يصيحن كلهم يقولون بابا محمد زين كلهم
وربعه في الدوام وجيراننا كلهم متأثرين
خواتي هالله هالله ف ازواجكن مب مشكله بسيطه تخليج تطفريبه ترا لومات لا قدر الله بتحسين كيف الفرقى صعبه
انا عندي وظيفتي في البنك وعندي شهادتي شفتن شو فايدة الشهاده والوظيفه
اشتغلن وارضن ازواجكن لاتزعلونهم
رد مع اقتباس
