عنوان الموضوع : مشكلتي مع حماتي ! عالم الامومة
مقدم من طرف منتديات الضمير العربي

السلام عليكم ولاحمة الله وبركاته,,

عندي مشكلة وياريت تساعدوني ,,

انا اسكن مع اهل زوجي مع عمتي وبناتها الثلاث لان هو وحيدهم ومستحيل يهد امه وخواته ويروح
لكن المشكلة عندي حماة بنفس عمري 22 سنة تغار لاني اخذت أخوها لان أخوهم عندهم مثل أبوهم الله يرحمه وعلاقتهم ببعض قوية والحمدلله ماغار ,,
بس انا الحين مسافرة بعثة مع زوجي وهي غايرة من هذا الشيء واذا اتصلت ليها ساعات ترحب فيني وساعات ماتعطيني وجه مزاجية درجة أولى واذا أخوها ماكلمها تزعل عليه وحتى لو يبرر ليها مشغول بالعمل ماتقتنع وتزعل وماتكلمه وهو تعبان واجد كفاية المسؤلية التي تحملها لما كان صغير والحين .
طبعا بطبيعة زواجي الحمدلله احب زوجي حب لايوصف الحمدلله ومقدره مسؤليته وطبعا مانجلس لحالنا ابد الا وقت النوم لان دايما يكون جالس مع امه وخواته مستحيل راج يكون معاي فوق وأمه وخواته تحت !
طبعا ماكو حرية ويا زوجي بس الحمدلله هم حمواتي طيبين وعمتي عسل بس حماتي ديك ماعرف أتعامل معاها غريبة الأطوار ونفسيتها مو طبيعية واتعبني ساعات ودايما تنتقدني وكل شي مايعجبها فيني ودايما تصرفاتي عندها غلط المشكلة أنا صار عندي ولد الحين مابيها بابطالعة والنازلة تتنقدني لاني ألحين حرمة بس مادري ليش ساعات احسها تحبني وساعات لا !!
تعبت وياها ساعات ماحب أجلس معاها المشكلة لابد أجلس معاها لان ماعندي الا غرفة وحمام .
وانا الحين متغربة مع زوجي عنده عمل والحمدلله احس بحرية مع زوجي مو طبيعية بس اذا رجعنا بنرجع مثل قبل !
وكاهي تبي تجي لينا أعرف انهم مايقدروا يستغنوا عن اخوهم ووحيدهم بس ترا كلش صعبة ماتحسين روحج ساعات مزوجة !!ساعات أحسها تجيب التعب لزوجي ماتعطيه وجه تبي تحسسه انه يمكمن تغير بعد الزواج !! بس مو عارفة !! وطبعا زوجي ابد ماتغير بس هم أنا لي حقوق .
بختصار كني ماخذة أبوهم مو أخوهم متعلقين فيه عددددددددل ماقول شيء الحمدلله بس ماكو وقت أكون فيه مع زوجي لحالنا الا بالسفر .!
فهمتنوني !!

أرق التحايا ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
زين انج مسافرة عشان تاحذين راحتج وياه


حاولي بكل الطرق انها م توصلكم عشان لا تنكد عليكم

__________________________________________________ __________

>>>> الرد الثاني :
السلام عليكم اختى الله يسخر لج قلبة

ولا يحرمكم من بعض

واتمنى منج تتحملين اخواتة ترا غلاوة الاخ غالية

انا عندى اخوى الاصغر منى توام روحى انا وهو مانفترق ابد الله لا يفرقنا

ويوم يتاخر برع البيت اتصل علية بال10 مرات بالساعة الواحدة

وماارقد ولا ارتاح لين يرد البيت واتطمن علية

اعذرى اخوات ريلج وحطى نفسج مكانهم

وان شاء الله هم مع الوقت بيتعودون على النظام اليديد

__________________________________________________ __________

>>>> الرد الثالث :
الله يعينج

__________________________________________________ __________

>>>> الرد الرابع :
السلام عليكم ورحمة الله وبركاته

عندى حل ما اعرف اذا جربيته ولا لاء ؟

التحاور : هل تواجهتى انتى وياها وتكلمتوا مع بعض بصراحه وبينتى لها معزتهم عندج وانه مستحيل تغيرينه عليهم مهما صار بيتم هو ابوهم والمسؤول عنهم حتى لو تزوجوا ؟.

جربي من بينج وبينها والله يصلح القلوب يارب

__________________________________________________ __________

>>>> الرد الخامس :
ختيه

قلتيها

عمرها 22 سنة

ادعي إنه ربي يرزقها هي وخواتها الأزواج الصالحين

وإن شاء الله حياتج ويا ريلج تكون من أحسن ما يكون

وصدقيني الغالية

اللي بيبيع أهله عشان يشتريج.. ممكن يبيعج في يوم من الأيام

فافتخري بريلج حبوبة

وهي صغيرة.. فراعي شعورها حبوبة

لا تقولين إنها 22 يعني كبيرة

بس لأنها بتحس إنها فقدت شي كبير دامها الصغيرة