عنوان الموضوع : ســـــــؤال للمتزوجات ......؟!؟! المومة و الطفل
مقدم من طرف منتديات الضمير العربي

السلام عليكم ورحمة الله وبركاته


عندي سؤال من متى في راسي ..وبصراحة ما اعرف كيف اشرح ..بس بحاول


الحين الوحدة يوم تتزوج ..وتروح لبيت ريلها .. وتختلط بأهل ريلها (يعني لو عايشين اهل ريلها معاها في نفس البيت )

هل تظطر تنصاع لطقوس و معتقدات "اهل ريلها" ؟ يعني خواته بالذات و امه ؟؟ يعني مثلا لو الحرمة متعودة ا تسوي شي معين بس هم يشوفون هالشي "عيب" مع انه مش عيب... وكل الناس عادي عندهم هالشي ...مع انه زوجها عادي عنده بس اهله معقدين مثلا...

في هالحال شو اتسوي؟؟

وهل كل الحريم واجهوا هالشي؟؟؟ يعني لو خوات ريلج لهم معتقدات انتي ما تعجبج ..هل تستحين اتقولين وجهت نظرج ولا تخلين الشي هذا لنفسج ؟؟


ان شاءالله اكون قدرت اوصل المعلومة ..

وسلامتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اكيد بسوي الشي اللي متعوده عليه اهم شي ريلي راضي ..


والحمدالله اهل ريلي ما يدخلون فيه

__________________________________________________ __________

>>>> الرد الثاني :
كل شي بحدود يعني لاتخلينهم يتدخلون وايد في حياتج ولا انت تدخلين في حياتهم
واذا في اشياء تقدرين تتساهلين فيها وماتسيوينها لانها مااتعيبهم مافيها شي لانه هالناس انت عايشه معاهم
والمفروض العلاقات تكون جيده يعني التضحيات من الصوبين منج ومنهم .. بس اذا مصخوها وقفيهم عند حدهم لانه الزم ماعليج خصوصياتج .... في النهايه انت تقدرين الاشياء الي تسوينها عاديه ولا لا وهل تقدري تستغنين عنها تفاديا للمشاكل ولا لا

__________________________________________________ __________

>>>> الرد الثالث :
لول اسميج احتستي على السؤال

شوفي حلو ان الوحده تكون بشخصيتها ورأيها بس اذا الموضوع ما دخل في الحرام او اذا عندهن معتقدات متخلفه خرابيط حريم

تحاول تعيش عيشة ريلها وتتأقلم معاه لانه الحرمه ياتتغير عشان ريلها وايتغير عشانها ولا ما بيقدرون يتفاهمون والافضل الوحده تتغير عشان ريلها طبعاً في الصح والمعتقدات او العادات الي سايده في البيت وممكن تكون صعبه بس ما تكون غلط او حرام لان عيالها بيكونون من هالعايله وهيه بعد صارت من عايله ريلها وعشان تقدر تعيش معاهم مرتاحه

بس اذا خرابيط ومعتقدات غلط او داخلنها شي من الحرام لااااااااااااا ما تاخذ هذي الاشياء منهم اذا قدرت تغير اطباع غلط بهدوء وذكاء كان بها واذا ماقدرت لا تدخل ولا تقلد ولا تتطبع بالغلط


بس انا رايي ان الوحده تكون علاقتها مع اهل ريلها فيها احترام وتقدير ومعامله حسنه ولا تتدخل في خصوصيات العايله ولا تفتح مجال لحد من العايله يدخل في خصوصياتها

يعني تكون كامتمه اسرار غرفتها او قسمها وتكون المعامله مع اهل الزوج معامله محبه واحترام واذا شافت شي مب عاجبنها بس ما يخصها فيه لا تتدخل تكون برا سوالف الاسرار ومشاكل العايلات

حتى لوحد استشارها في سالفه تخص العايله ما تتدخل من قريب او من بعيد ولا تعطي راي تكون في حالها اضمنها لها



يعني تعطي الزينه والشينه ماتي منها وبتعيش مرتاحه

ان شاء الله يكون ردي جواب عن الي في بالج

__________________________________________________ __________

>>>> الرد الرابع :
انا احس لا بتم على الي انا ظاريه و متعوده عليه اذا كان زين .. و اذا كان مب زين اكيد بحاول اغيره ان شاء الله .. اعرف وحده من عقب ما عرست وااااااااااايد تأثرت باهل ريلها .. سيم سيم استوت .. و اشياء ما احبها يعني يعني قوم بو منقوود و هالسوالف ,,, يعني بزيادى قصدي ..

و بس

__________________________________________________ __________

>>>> الرد الخامس :
احاول اتعايش معاهم

بالهدوء والطيبه بقنعهم وبقنعوني

مااخليها سالفة عناد منو اللي بيمشي رايه وطبعه !

تراهم اخرتها اهل ريلي ويدة وعمات عيالي