عنوان الموضوع : صمت زوجي
مقدم من طرف منتديات الضمير العربي
سلام عليكم
بنات أنا أعاني من صمت زوجي وجفافه العاطفي الي بيخنقني - كله ساكت أرمس معاه يكون بدون ردة فعل ما يتفاعل معاي يحسسني كأني ثقيلة عليه - بس ميا ربعه انسان ثاني كليا كله سوالف وضحك- حتى كلمة حلوة في حياتي ما سمعتها من لسانه - تخيلوا كملنا سنة على زواجنا عمره ما قالي حبيبتي كله يناديني باسمي بس- انا عمري ما حسيت اني متزوجة ما أحسه أضاف شي لحياتي - بديت أمل وأضيج وايد أحتاج للحنان للكلمة الطيبة- إدا ما أحصلها عند ريلي من وين أحصلها؟ساعدوني مليت
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انتي ابدي علشان هو يبدا ... حاولي اطلعي منه كلمه وحده وكل مرة طلعي منه شي علشان عقب يتعود
__________________________________________________ __________
>>>> الرد الثاني :
نصيحه
خليج ثقيله وماترمسين مووول
خليييج كلج غموووض خليج سرحانه ع طول سوي نفسج حد شاغلنج
وشوفي كيف بيركض وراج ... عن تجربه
والله يسخره لج يارب
__________________________________________________ __________
>>>> الرد الثالث :
__________________________________________________ __________
>>>> الرد الرابع :
المشاركة الأصلية كتبت بواسطة زوجة عبودي
نصيحه
خليج ثقيله وماترمسين مووول
خليييج كلج غموووض خليج سرحانه ع طول سوي نفسج حد شاغلنج
وشوفي كيف بيركض وراج ... عن تجربه
والله يسخره لج يارب
صح كلامها و اهتمي وايد في عمرج يعني اطلعي سيري سوي رياضه و ارمسي ويا ربيعاتج مول لا تحسسينه انه حياتج واقفه عليه هو و بس
__________________________________________________ __________
>>>> الرد الخامس :
الله يكون بعونج ياختي ..
بس شوفي شو يحب شو المواضيع الي يهتم بها .. واعرفيها
وسولفي له عنها .. يمكن يسولف معاج بخصوص هالمواضيع
وبعدها شوي شوي .. يمكن يبدا يتاقلم ويسولف ..
رد مع اقتباس
