عنوان الموضوع : فديت ربيعتي .. ساعدوها .. شوروا عليها .. بيتها بينهدم المومة و الطفل
مقدم من طرف منتديات الضمير العربي
.السلام عليكم
شحالكم ؟؟
بقولكم سالفة ربيعتي باختصار:
معرسة من فترة ثلاث سنوات وعندها بنوتة 9 شهور
طيوبة وعفوية وساذجة اللي بقلبها ع لسانها مسكينة
جمالها عادي لكن روحها عسل .... الله يحفظها
هاي نبذة مختصرة عنها
نبدا بالمشكلة :
من فترة ملجتها كانت مب وايد مرتاحة من اهل ريلها واشكاليات صارت من بينهم وعدت الامور على خير وصار الزواج
وعلى حد كلامها انهم ابدا مش متفقين ولا متفاهمين هيه وريلها ودايما تصير بينهم مشاكل وخلافات وزعل ويردون لبعض تسامحه وتعطيه فرص وياما سامحته على قلة احترامه لها وعلى تعليقاته الجارحة وحركاته وتعطيه فرص لانه زوجها وحبيبها ومالها غيره
ولانها طيبة وعاقلة تسامحه
وبعد سنة من الزواج الله رزقهم بالبنوتة قلتلها يله يمكن تتغير حياتكم للأحسن وتملا هالبنت حياتكم وتقل من بينكم الخلافات المعتادة الله يهديهم ..
لكن يحليلها بالعكس زادت اكثر واكثر واكثر.. وكله بسبب اهله لانها عايشة وياهم ومب مخلينها بحالها
ام ريلها كل يوم وطلعت عليها رمسة وتألف من عندها (والمشكلة الكلام اللي تقوله عنها قوي وايد ومحد يتحمله وهيه ع نياتها تتحمل وتصبر)... والمصيبة انه الريل واقف فصف اهله !!!!!!!!!!!
يهددها بيعرس عليها ويغايضها ودوم يتمصخر عليها والادهى والامر انه آخر مرة رايغنها من البيت !!!!
والحيــــــــــــــن بتكمل 10 ايام فبيت اهلها ولاتنزل يتصل يستسمح منها او عالاقل يسأل عن بنتـــــــــــه ..... وحسيتها خلاص منهارة وودها تطلق منه ..... عشان تفتك منهم ومن شرهم وكل يوم تتحسب عليهم ...
احسها خلاص كرهتهم وكرهت ريلها فوقهم وعافته خلاص ومستغربة كيف وافقت عليه (حليلها طيوبة ماكانت تعرف عن مكره وخبثه وشره) .....لانه هو بالاساس ماخذنها عن طمع عشان بيزاتها مب عشانها ...
(هالسالفة كانت باختصار شديد قد ما اقدر من دون ماادخل بالتفاصيل حفاظا على خصوصياتها بس هيه الحمدلله انها تشتغل وتدرس وتسوق يعني تقدر تبني مستقبلها وتعتمد ع نفسها بعيد عنه بحيث لاسمح الله لو صار انفصال )
انا قلتلها ... تحملي تردي بيت اهله عقب هالمواقف الخايسة منهم طلبي بيت ايجار او شقه .... صح ولا لأ ... الحرمة كله ولاكرامتــــــــــها ....
انتوا شو تنصحونــــــــــهاآ بنات؟؟.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اكبر مشكله اذا كانت العمه هب زينه والمفروض الريال مايوقف ع الصح والغلط مع هله ضد حرمته ومهما يكون بعد هاي حرمته وانا اجوف انه اذا فكر يردها يسكنها بروحها احسن وطبعا خله هالمره اذا يباها هوه ايها لاترويه انها ماعندها شخصيه تنراغق وترد بروحها خله هوه ايراضيها هالمره واذا مايباها ترا انتي اتقولين بعد هيه ماطيقه واحسن كل واحد يشوف راحته
__________________________________________________ __________
>>>> الرد الثاني :
الله يكون بعونها دام انه ما حشمها عند هله واقدرها ليش تستمر وياااه كرامتها الزم بها
__________________________________________________ __________
>>>> الرد الثالث :
انا رأيي من رأيج اختي
لازم يكون لها بيت بروحها
الله يصلح أمورهم
__________________________________________________ __________
>>>> الرد الرابع :
المشاركة الأصلية كتبت بواسطة فراولة VIP
اكبر مشكله اذا كانت العمه هب زينه والمفروض الريال مايوقف ع الصح والغلط مع هله ضد حرمته ومهما يكون بعد هاي حرمته وانا اجوف انه اذا فكر يردها يسكنها بروحها احسن وطبعا خله هالمره اذا يباها هوه ايها لاترويه انها ماعندها شخصيه تنراغق وترد بروحها خله هوه ايراضيها هالمره واذا مايباها ترا انتي اتقولين بعد هيه ماطيقه واحسن كل واحد يشوف راحته
كلام سليم وعين العقل ..
__________________________________________________ __________
>>>> الرد الخامس :
رد مع اقتباس
