عنوان الموضوع : ساااعدوووني بليييز رعاية الاطفال
مقدم من طرف منتديات الضمير العربي
سلام عليكم
اشكر كل وحده عطتني ثانية من وقتها ودخلت عسبت تقرا واتمنى انها تعطيني حل
انا بنت عمري 19 سنه واشتغل وحاليا بكمل دراستي الجامعية لاني وقفت سنه بريك لنفسي ، اتعرفت ع انسان غير حياتي للاحسن بعد ماكان كل وقتي طلعات وربع وتمشية وخلاني اتعلق فيه وايد لكن المشكله يوم فاتحته بموضوع الزواج وكل امه كانت اتقوله عقب سنتين ويوم اصريت عليه قالت ان ابوك يباك تاخذ بنت عمتك اليتيمه
انا اهني انصدمت فنفس الوقت كرهت حياتي لان صدق انا حبيت هالانسان واتمنى ان الله يجمعني وياه فالحلال وان يكتبلي الذرية الصلاحه
فماعرف كيف اتصرف او شو اسوي لان هو من الاساس احس فيه برود لان واايد يحب ابوه ومايحب يكسر كلمته وفووق ها انهم بدو وعيب البنت تشتغل وتدرس وانا معدلي زين وشغلي احسن ويسمحلي ادرس طب واي تخصص اختاره
فابا كل وحده اتشور عليه شو اسوي
والسمووحه منكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
إذا لج نصيب معاه بتاخذينه،، و إذا الله ما كتب لج نصيب معاه احمدي الله،،، عسى أن تحبوا شيئأ و هو شرا لكم ،،،، اهتمي بدراستج و بوظيفتج أكثر،،، و بعدج صغيرة لا تحاتين،،، الله يوفقج دايما و يسعدج
__________________________________________________ __________
>>>> الرد الثاني :
حبيبتي اقطعي علاقتج به لو تموتين ما بياخذج انا بدويه و اعرف البدو زين ماعندهم خرابيط الحب و عقب الزواج
نصيحتي اهتمي بدراسج و شغلج لان هالانسان بس يبا يسلي وقته فيج
اسمحيلي الحقيقه تجرح
__________________________________________________ __________
>>>> الرد الثالث :
وكلي امرج لله .. واقطعي علاقتج معاه .. واااايد احسن لج ..
والي يحبج صدقيني بيسوي المستحيل عشان ياخذج والاعذار اللي تنحط كلها بس اعذار لا اتودي ولا اتييب
__________________________________________________ __________
>>>> الرد الرابع :
جذآب لآتصدقينه . .
آنتي بنيه شطوره ولج مستقبل كبير ودري عنج هآلسوآلف وآلخرآبيط
وجآبلي درآستج محد بينفعج غير شهآدتج
__________________________________________________ __________
>>>> الرد الخامس :
اللهّم اغننا بحلالك عن حرامك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .
رد مع اقتباس
