عنوان الموضوع : مشكلة ربيعتي متزوجة من 7 سنوات رعاية الاطفال
مقدم من طرف منتديات الضمير العربي

السلام عليكم ورحمة الله وبركاته
شحالكم يا أخواتي عساكم الا بخير
يسعد لي صباحكم و مساكم

خواتي انا ابد ما جد نزلت موضوع في هالقسم
بس اليوم عسب خاطري ربيعتي الروح بالروح
نزلت موضوعها


خواتي ربيعتي عندها بنية وحدة و صار عمر بنتها
6 سنوات

طبعا ربيعتي خاطرها بياهل ثاني او طفله ثانية
بس للاسف ريلها حارمنها من هالشئ


يعني ما ايي صوبها ابد حتى هي ما تتذكر متى اخر
مرة ياها ريلها يمكن اكثر من سنتين او ثلاث


ربيعتي تموت في اليهال و تنقهر لما تشوف حريم اخو ريلها
كل وحدة فيهم كل سنة إيجيبون ياهل


طبعا ربيعتي ما باجي لها شئ و تصك الاربعين و في هالعمر
فرصة الإنجاب تكون قليلة و الله ان دموعها تحرق قلبي


يوم تتكلم عن اليهال و تقول لي دوم اترجاه و اقول له الله يخليك
ابغي ياهل ثاني بنتي بتكمل ألست سنوات و تقعد تصيح قدامة


و هو كل الي يسويه يقول لها خير و يعطيها ظهره و يرقد
طبعا للعلم ريلها هب لعاب و لا يطلع من البيت خير شر



فقولوا لي شو اقول لها لان نفسيتها جداً تعبانة و هو دوم يشوفها
تصيح بس ابد ما يحرك له ساكن



حرام قلبي يعورني على ربيعتي تقول لي انا بموت من القهر و هو
و لا مهتم ( مرة قالت لي ان في حديث ان المرأة لو غضب ريلها عليها
وهو في الفراش فراح تلعنها الملائكة و ليش حنا نموت قهر و حسرة )



قولوا لي شو ارد على ام خالد

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اللهم صلي على محمد عليه أفضل الصلاة والسلام

قبل كل شي،، حل أي مشكله لازم نعرف سببها وتفاصيلها

وكل زوجين ولهم أسرارهم الخاصة،، وأكيد في سبب يخلي زوجها يتصرف بهالبرود،،
يمكن تكون عنده مشاكل عضوية أو نفسية تمنعه أن يمارس الحياة الزوجية بطريقة طبيعية مع زوجته،، وساعتها إذا عرف السبب ،، بطل العجب،،،

والمفروض زوجته تكون شاطره،، وتتزين له وتحسسه إنها تبا تستمتع معاه بالعلاقة الزوجية مب تحسسه كأنه شغل أو وظيفه،، وساعتها بتآخذ اللي تباه وهي مبسوطه

يعني من رايي ما تتكلم في الموضوع ولا تجيب طاري العيال،، وخلي الوضع يكون طبيعي

الله يوفقها وويوفقنا لما يحب ويرضى
واستغفر الله العليّ العظيم وأتوب إليه

__________________________________________________ __________

>>>> الرد الثاني :
الله يرزقها ويسمح امرها..

والله مالها الا تدعي رب العباد سبحانه يحنن قلب زوجها عليها..شي ثاني تصارح زوجهاا وتجلس معه جلسه تبين فيها كل شي ومدى تقصيره معهاا في واجباته الزوجيه وتوصل معاه لحل..!!
مو معقوله سنتين ماجاها الله يهديه يمكن يعاني من شي ومخبي عليهاا ؟؟!!
المهم انها تقنعه وماتخلي بقلبها وتسكت والله يارب هالوقت الفضيل المستجاب يرزقها وكل محروم الذريه الصالحه ويحقق الي في بالي ياحي ياقيوم :"(

__________________________________________________ __________

>>>> الرد الثالث :
الله يفرج همها يا رب
انصحيها تقرا البقرة كل يوم...
تستغفر تدعي ربها في جوف الليل..
بتشوف اللي يسرها إن شاء الله..

__________________________________________________ __________

>>>> الرد الرابع :
اب اب اب

__________________________________________________ __________

>>>> الرد الخامس :
لا اله الا الله مستحيل ريال ما يعاشر حرمته ستتين او ثلاث الا اذا في سبب ومعقوله هي ما تسأل ريلها ليش ما يقاربهاااا اول شي خلها اتفكر في ريلها شو اسباب عدم المعاشرة بعدين خلها تفكر بالبيبي والله ييسر امورهااااا