عنوان الموضوع : دعواتكم لي ما ابي اطلق بس مجبوره عالم الامومة
مقدم من طرف منتديات الضمير العربي

السلام عليكم ورحمة الله وبركاته



اشحالكن سيدات وبنوتات الامارات

ربي يعطيكم دوام الصحه والعافيه يارب


الصراحه احترت وين احط موضوعي واتمنى يكون في المكان المناسب


الغاليات انا ما ابي غير دعوة اخت مسلمه لاختها المسلمه بظهر الغيب وربي محتاجه دعواتكم بان ربي يهدي ريلي ويسخره لي

انا معرسه من شهور وفي بداية مشوار زواجي ريلي متعبني في حياتي وصلنا لمرحله انه قام يضربني لو معصب ع شي يطلع حرته فيني ومن غير سبب... انا مب هدفي اعرض مشكلتي اهني لاني رحت عن استشاريين وكل حد يقول لي اصبري علييه (شاورت احمد النجار+وداد لوتاه)وقالولي غيري من طبعج وغيرت وايد في نفسي عشانه بس ريلي ما يبي يودر اغلاطه وهالشي قام يدمر حياتنا....ريلي يباني وانا ابيه بس ما قمت اتحمل اهاناته وضربه لي والحين انا في بيت اهلي ووصلت مرحلة اني فتحت ملف للطلاق بالمحكمه خواتي ربي عالم بحالتي شو الكثر اتالم من هالشي (انا ما ابي اطلق بس لو ريلي ما اتغير ما بقدر اكمل حياتي وياه ) خواتي مابي غير دعواتكم لي ربي ينصرني على من ظلمني ويرد كيد كل من كاد لي في نحره وربي يهدي ريلي وارد لبيتي



والسموحه من الجميع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يسخركم لبعض ويفرج عليكم
عليج بالاستغفاار وسورة البقرة
وربج كريم

__________________________________________________ __________

>>>> الرد الثاني :
الله يسمع منج حياتي

وان شاء الله بقرا سورة البقره والحمدلله ملازمه الاستغفار

__________________________________________________ __________

>>>> الرد الثالث :
الله يهدي زوجج ويسخره لج وتصفى النفوس يااارب.......

__________________________________________________ __________

>>>> الرد الرابع :
الله يهديه ويسخره لج ان شاء الله

__________________________________________________ __________

>>>> الرد الخامس :
الله ييسر أمورج