عنوان الموضوع : ساكنه بروحي عالم الامومة
مقدم من طرف منتديات الضمير العربي

السلام عليكم بنات وحريم

بصراحه من عرست واحس اني مب عارفه انضم وقتي
و خاصه اني اداوم

ياريت لو كل وحده عندها خبرها تعلمنا وتعطينا من خبرتها
خاصه احنا العرايس الي ساكنات في شقق ارواحهم

خاصة الطبخ والاكل امسويلي عقده
للعلم انا اعرف اطبخ


وشكرا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعينك

__________________________________________________ __________

>>>> الرد الثاني :

المشاركة الأصلية كتبت بواسطة مبتسمةمتفائلة
الله يعينك



جميعا حبوبه

__________________________________________________ __________

>>>> الرد الثالث :
مبروك يا عروس ^_^
بالنسبه لطبخ لابد تجهزينه بالليل و تخليلين فقط خطوات بسيطه يوم تردين من الشغل تكملينها
بالنسبه لترتيب البيت قبل النوم يكون البيت مرتب و لا تتركين شي لثاني يوم بيتراكم عليج الشغل
و الاطباق و الاكواب و اغراض المطبخ
خلي عدد بسيط فقط للاستعمال و الزياده حطيهم في الدواليب بعيد عن الاستخدام
بيكون تنظيفهم سهل و تضطرين لغسيلهم باستمرار ما بيتراكم عليج
ان شاء الله البنات يفيدونج بخبرتهم اكثر عني
موفقه ^_^

__________________________________________________ __________

>>>> الرد الرابع :
انا بقولج نظامي

لأني في شقتيا بروحي

انش قبل ريلي اجهز الفطور والمدخن وعقب مايتريق ويروح ارتب وانظف واغسل واكوي قولي ساعتين وأكون خالصه الشقه كللللها وأقعد فاضيه لين ٢ وعقب اطبخ وخلاص اخليه مكانه أسبح وادخن البيت وقبل لا ايي اصخن الاكل وبس باقي اليوم فاضيه



سوي شراتي كل يوم ثلاثاء اروح كارفور وياريلي ونشتري حق اسبوع بس لان الويكند كله في بيت اهله .. اول مارد اقصص الخضره بالأشكال اللي تبينها وحطيه في اكياس الضغط وحطيه في الفريزر واخراض السلطه برايهن من تردين من الدوام بيكون سهل عليج

والثياب اول باول تغسلين وتكوين

والشقه رتبيها كل يوم واغسلي السامان اول باول وفي الويكند خميها وسوي اللي تبينه

وجي بيكون سهل عليج

__________________________________________________ __________

>>>> الرد الخامس :
والله ما اقدر أفيدك ها اليومين البيت عندي مكركب

لما ارجع لنظامي السابق و ترتيبي ارد على موضوعك عزيزتي
ربي يوفقك