عنوان الموضوع : ساعدووني مليت من زوجي رعاية الاطفال
مقدم من طرف منتديات الضمير العربي

السلام عليكم
انامتزوجه من سنتين الا شهرين وطفشت من زوجي وقت النهار يكون مداوم ولما يرجع ينام لحد العصر او المغرب وبعدها يطلع مع اصحابه ويرجع وقت النوم واحيانا اصلا مايرجع بعد الدوام وبليل يصير انسان ولا احلى منه لحدماياخذ الي يبيه وينام بعدها يقولي وراي دوام بنام والرغبه عنده قويه لااااازم شبه يوميا او يوم بعد يوم احسني مليت من هالروتين والله اني احيانا اخليه ياخذ حقه الشرعي وانا مالي نفس امشي معه عشان مايزعل واحيانا يزعل لوماخليته ياخذ الي يبيه مني لان صراحه طفح الكيل معي صار شي ممل ماله ذوق
واذا اطلب منه طلب ياجله مافيه طلب يتنفذ فيومه لازم اطلبه ميه مرة وهو يتضايق من هالشي واذا سكت عن الموضوع بيكون خبر كان
وفيه شي ثاني ماعمرة دخل كيس للبيت لازم انا اروح الجمعيه اول الشهر ومن بعدها مايوديني الا الشهر الي بعده واي شي ينقص اخده انا من مصروفي من البقاله واذا انتظرته يجيب شي يرجع ويقول البقاله مسكرة

واي شي يخترب فالبيت يظل على حاله مايتصلح

ملاحظه لما اطلب منه شي ويرفض او ياجله يوم يرجع يعرف انه مقصر وزعلني يرجع يسالني ليه زعلانه ويتم يتقرب ويراضي لين ياخذ الي يبي وبليل يعترف انه مقصر بس الصبح ينسى مثل ماقالو كلام الليل يمحوة النهار

شووووووووووووو الحل دخيلكم محد يقول اصبري لاني صبرت وايد وبنفجر من تصرفاته ابي حلللللول

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يعينج الغالية
فديتج ليش ماتحددو لكم يوم بالاسبوع يطلعج وويكند فالشهر تروحون مرة دبي ومرة الشارجة وجي
يعني حاولي تكسري الروتين الي ريلج عايش فيه اذا ما رضى اجبريه قوليله هذي مو حالة انا كله جالسه لحالي وقولي له انج مراح تتنازلي عن اليوم الي هو بيحدده فالاسبوع حقج تطلعين
وليش بعد ماتدورين على شغل تلتهين فيه والله بينفعج عن القعده جي مقابل 4 طوف
الله يعين احنا الحريم مايرضينا شي
يعني الي ريلها بيتوتي ومقابلنها دوم مو عايبنها والي ريلها يطلع بعد مو عايبنها
الله يوفقج يارب ويلين قلب ريلج عليج يارب

__________________________________________________ __________

>>>> الرد الثاني :

المشاركة الأصلية كتبت بواسطة صمت الغروب2
الله يعينج الغالية
فديتج ليش ماتحددو لكم يوم بالاسبوع يطلعج وويكند فالشهر تروحون مرة دبي ومرة الشارجة وجي
يعني حاولي تكسري الروتين الي ريلج عايش فيه اذا ما رضى اجبريه قوليله هذي مو حالة انا كله جالسه لحالي وقولي له انج مراح تتنازلي عن اليوم الي هو بيحدده فالاسبوع حقج تطلعين
وليش بعد ماتدورين على شغل تلتهين فيه والله بينفعج عن القعده جي مقابل 4 طوف
الله يعين احنا الحريم مايرضينا شي
يعني الي ريلها بيتوتي ومقابلنها دوم مو عايبنها والي ريلها يطلع بعد مو عايبنها
الله يوفقج يارب ويلين قلب ريلج عليج يارب



مشكورة صمت الغربه هو يطلعني كم مرة بالشهر بس كلها بعد الحاح طويل مني ويطلعني وانا متضايقه منه وتكون الطلعه زعل وهواش طول الطريق رايحين ورادين وطلعه من نفسه يطلعني سواها يمكن مرة فحياته بس كان طلب مسبق مني وتاجل وانا نسيت الموضوع وبعدها جا من الدوام قالي عندج 5دقايق تتجهزين انتي وولدج والطلع كانت كلهافالسياره مانزلت واذا جلس فالبيت قابل بلاك بيري ماله وبس بليز ابي نصايح عن تجربه وناجحه

__________________________________________________ __________

>>>> الرد الثالث :
اختي دقات قلب الله يفرج همك يارب ويخفف عنك ويعطيكي يلي بنفسك ... انا بقدر انصحك ان بهيك وضع يمكن بدك تجربي ان تخليه يتعلق فيكي يعني تلهيه عن الاشياء التانية متل صحابه وطلعاته يعن متلا شوفي شو بحب يقضي وأته في شباب بطلعو مع صحابهم عشان يلعبو شدة متلا اتعلمي الشدة واحكيله مرة انا زهقانة تعال نلعب شدة طبعا لما تكوني معه كوني لابسة ومزبطة حالك حتى لو بدك تلعبي شدة ... مو شرط يكون بدو يلعب شدة يمكنن بحب يشوف افلام احيله تعال نحضر فلم انا وياك يعن حاولي شاركيه باهتماماته وكمان انتي خلي يكون عندك اهتمامات يعن فرجيه انك بنت مثقفة واعية عندها شخصيتها والها كيانها يعن حاول الهيه عن ان ينبسط برة البت او مع غيرك خليه لما بده ينبسط يكون معك تعملو الشي مع بعض اطلعو مع بعض روحو احضرو فيلم بالسينما ازا بتروحي عالسينما او اطلعو رحلة مع بعض حطي منكهات لحياتك يعن ما تخليها روتين يمكن اول مرة يرفض وتاني مرة بس لاتيأسي ضلي وراه لحتى تغيريه
انشالله اكون فدتك وساعدتك وبتمنالك احلى حياة انشالله

__________________________________________________ __________

>>>> الرد الرابع :
أولاً .. أحمدي الله سبحانه وتعالى أن أنعم عليج بنعمة الزوج اللي يستر عليج وتسترين عليه ..
ثانياً اشغلي نفسج حبيبتي .. لا يكون كل همج ريلج .. خلي يكون عندج هدف في الحياة يشغلج .. لا تقعدين بدون ما يكون عندج شي يشغلج .. إنتي جوفي شو اللي تحبين تسوينه .. أو شو هو الشي اللي يوم القيامة بيسرج تجوفينه في ميزان حسناتج؟
ثالثاً . ترا أغلب الرياييل جذيه .. عادي .. لازم تطلبين منهم الشي مليون مرة لين ما يستجيبون
صدقيني هذا اللي تفكرين فيه من نتيجة الفراغ .. اشغلي نفسج وانا متأكدة بدون ما تحسين بتتغير طريقة تفكيرج ..
موفقة يا رب

__________________________________________________ __________

>>>> الرد الخامس :
ونصيحتي وبحسها شغلة ضرورية ان بين فترة وفترة تتركي ابنك عند حد من اهلك وتاخدو غرفة باوتيل بمكان بعيد متلا يعن خصصو يوم الكم وبس