عنوان الموضوع : بالسر والا العلن ... خيانه والا زواج ... الكل يشارك رعاية الاطفال
مقدم من طرف منتديات الضمير العربي

السلام عليكم حريم وبنات
شحالكن عساكن بخير وصحه وسلامه

انا دائماً اسأل عمري والا حواليني هالسؤالين واليوم حبيت اشاركم
هالسؤالين وأجوف آراءكم ووجهة نظركم

طبعا اتمنى الكل يشارك واتمنى الكل يحط رأيه سواء معرسات.. مالجات .. مخطوبات .. وحتى الملقوفات لوووول مالنا غنى عنكم

وياليت عزيزاتي تبتعدون عن بعض العبارات :

للرفع
بالتوفيق
اب
وغيره من العبارات الغير مفيده

نبا اراااااء ووجهات نظر
وأتوقع السؤال كلش مؤ صعب

السؤال الاول:

اذا ريلج فكر يعرس شو تفضلين انه يفاتحج بالموضوع ويصارحج بنيته
والا ما يخبرج ويعرس بالسر ؟

مع ذكر السبب

السؤال الثاني:

شو تفضلين انه ريلج يعرس عليج والا يخونج ؟
وقصدي من يخونج يعني يكون عنده خربطان مع بنات ومش شرط توصل للزنى

مع ذكر السبب

طبعا كل سؤال امر من الثاني وعسى الله يبعد عنا وعنكم هالامور
بس خلونا نقول ماذا لو... شو راح تختارين

ولكم مني جزيل الاحترام والتقدير وأمنياتي لكم بحياه سعيده

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اللي أوله شرط آخره نور...الله لا يقول
لكن إذا صار..طبعا أفضل يكون عندي علم بالموضوع..عشان أرتب أموري بناء على هذا القرار لأنه يمسني شخصيا..

بالنسبة للسؤال الثاني..اسمحيلي..أنا ضد مسمى خيانة لأن فيها تجميل لهذه المعصية واللي هي كبيرة من الكبائر وهي الزنا...

طبعا يتزوج أربع أرحم بمئة مرة من أنه يزني...والعياذ بالله..في النهاية التعدد حل شرعي للي عنده رغبة كبيرة ووحدة ما تكفيه والله يرزق كل معدد بالطاقة والمقدرة إنه يعدل بينهم لأن أعتقد نسبة كبيرة مقصرين من ناحية العدل أو أصلا ما يدرون بها (عدل من ناحية المبيت والملبس والنفقة وحتى العطر والثوب اللي يلبسه) مع إنها شرط أساسي للتعدد

والله لا يجيب زعل بين اثنين

__________________________________________________ __________

>>>> الرد الثاني :
وانا ضد مسمى الخيانه بس هذا اللي صائر وهذا الواقع
يعني الرياييل المعرسين اللي يتعرفون على بنات ويكلمونهم بالفون ويطلعون معاهم
شو نقدر نسمي هالوضع ترى رضينا والا ما رضينا الموضوع ماله اسم غير الخياااانه

وشاكره لج عزيزتي مشاركتج الجميله

__________________________________________________ __________

>>>> الرد الثالث :
مافي احلى من الوضوح والي يريد يطبق شرع الله لازم يكون واضح من البدايه بلا لف ولا دوران

يتكلم انه يريد زواج من اخرى والامر راجع لي في النهاية بالاستمرار معه ام الانفصال .,

احترم الرجل الواضح.,

اذا عارفة نفسي انه صبورة وقادره اتحمل كملت .,

لكن اذا عارفه نفسي مب قد هالشيء انسحب بهدوء

وكلاً يسير بالدرب الي اختاره ويتحمل تبعات قراره

__________________________________________________ __________

>>>> الرد الرابع :
وانا احترم الرجل الواضح واحترم مشاركتج الجميله
نورتينا طيف الغربه

__________________________________________________ __________

>>>> الرد الخامس :
افضل انه يفاتحني بالموضوع ويصارحني بنيته
السبب : حتي اقدر اقرر استمر وياه ولا لا ( في عيال ولالا؟)


مافضل الاثنين لا يعرس علي ولا يخوني ..( لازم اختار وحده ؟) اممم ممكن اتصل بصديق؟ خخخ امزح
السبب : معظم الحريم مايحبن هالشيئين


بس ماقلتيلي شو بتسوين بالاراء ؟ بتسوين دراسه؟