عنوان الموضوع : فتحت تيلفونه وليتني ما فتحته لتربية الطفل
مقدم من طرف منتديات الضمير العربي
السلام عليكم ورحمة الله وبركاته
خواتي انا حابة استشيركن باللي بسويه لان على قولة المثل ما خاب من استشار
من فتره فجيت تيلفون ريلي وشفت مسجاته وانصدمممممت
هو مصورلي نفسه شريف مكة ولا يمكن يكلم بنات
ودايم يسب اللي يكلمون واللي يسوون هالحركات لدرجة اني مخلتنه ملاك فبالي
هو دايم يقفل تيلفونه بس المرة كان تعبان ونسى يقفله
فتحته وانا شاكة واتأكدت من شكوكي
تخيلن يا بنات كنت مرات أكلمه وهو ساير الدوام لين يوصل >> ومرات اكون مشغوله وبعدين هو طلعلي بعذر انه ما تعوره اذنه من التلفون
وواحد من المسجات تقوله الخايسه : نسيت انك نازل يعني بدا الطاف
يعني طول ما هو مداوم يكلمها
وع فكره فأول زواجنا كان وايد يطلعني واحين صرت اموت ولا يطلعني
ووحدة مطرشتلها مسج تقول : ما اقدر اطلع وياك بس شوفني من بعيد
ما تتخيلون قد شو انصدمت ووالله انه طاح من عيني وقدره صار فالتراب
المشكله لو بكمل حياتي معاه ما بصدقه خير شر والزود اني بشك بكل حركة يسويها
انا باخذ رايكن >> ابا ايلس وياه وابا اخبره بأني شفت رسايله وانه طاح من عيني وومن الكلام اللي يس البدن أو من العتاب الطيب >> ع حسب حالتي .. شو رايكن
بليز ابا راي عدل اليوم
ابا انهي الموضوع
ع فكره انا ما مقصره وياه واخدمه بعيوني وعندي منه ولد بس مادري ليش فضل بنات الحرام علي
قبل لا اعرس كنت حاطة فبالي ان الرياييل كلهم شرا بعض بس عقب ما عرست عيشني ريلي مثل الملكة تقريبا ل 9 شهور وحسسني أنه احسن ريال فالدنيا من بعدها بدا يتغير
وصار البيت مثل الفندق وحاليا احس نفس كارهتنه ما عارفه كيف اتعامل وياه
ما اعرف شو اقول وشو اخلي
الله كريم ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
الله يعينج ويهدي سرج مع ريلج
__________________________________________________ __________
>>>> الرد الثالث :
ووايد مسجات
ما اتخيل عمري كنت غشيمة طول هالفتره
ليش سوا جي ؟ أنا شو سويت ؟ والله اني كنت اطيعه فكل صغيرة وكبيره حتى ربايعي ودرتنهن لان يقول الربايع يخربن
واشيا وايد
محد يتخيل شكثر كنت متصورتنه غير وكيف انصدمت فيه
__________________________________________________ __________
>>>> الرد الرابع :
تفاهمي معاه احسن ليش يسوي ذيه وقوليله انا محافظه عليك وعلى بيتك وانته قاعد تلعب من ورايه حط نفسك مكاني انا اللي يالسه اخونك شو بيكون موقفك حبيبي خل الشيطان بعيد وتعوذ منه رد لعقلك انته خلاص ريال والنعم فيك ومتزوج وعندك ولد وسمعتك من سمعتهم فالاتخلي بنات ابليس يلعبن بمخك ويتسلن بك ويضحكن عليك شو الشي اللي دوره فيهن ومب لا قنه عندي انا مستعده اسوي اللي انته تباه ولاتخلي ثقتيه بك تدمر وانا كنت واثقه انك مستحيل تخوني وانته اللي تعلق على هاذيلا اللي يرمسون بنات وانته اشوفك صرت منهم توب الله يرضى عليك بعدين الله بيليك فيا او في وحده من خواتك لا سمح الله كما تدين تودان توب ولا تعيدها لانك بتششتتنا معاك ومابيلس عندك انا قريت المسجات من تليفونك فلا تخلي هالبنات يخربن بيتنا وما في انسان ما يغلط ويصلح من غلطه وانا بسامحك هالمره بس اذا عدتها سمحلي مابتلقاني في البيت عندك بسير بدون ما اقولك
__________________________________________________ __________
>>>> الرد الخامس :
عاتبيه حاولي يكون عتاب يخليه يندم ع فعلته من ناحية دينية اعطيه فرصة ممكن يندم يتوب خلي الموضوع بينك و بينه لا اتخلي الموضوع يكبر
رد مع اقتباس
