عنوان الموضوع : اهتمي بعمرج عشان يركض و راج رعاية الاطفال
مقدم من طرف منتديات الضمير العربي

السلام عليكم شحالكم حبيباتي ؟

واااايد قريت مشاكل تكون بين كل وحده و ريلها و خاصه الموظفات

شفت واااايد موظفات تقصر ععمرها و ععيالها من ناحية اللبس

ليش ؟؟؟

ربي يهنيكم و الاغلبية المنتشرة موظفات يعني اذا بنحسبها بيكون مدخول كل عايله ما يقل عن 30,000 درهم

و عاد تعالي شوفي لبس الصغارية , و دي اقصقص هالملابس و اعقها بالزباله و كركم الله حتى النعلان و الجواتي , مووووول مافي شي اسمه اناقه

و لا كله عصوب


ولا تجابل الريال بكشه و شعر و عصبية و لسان طويل و الجلابيه الوسيعة حتى البشكارة ما تداني تلبسها و ريحه البصل و الثوم و اخر الليل تشتكي من الريل


حابه اقولكم شي

كل وحده فيكم تجابل ريلها و تكون لابسه لبس حلو و انا ما اقولكم خلي ستايلكم شرات ستايل العروس

لا يحبيباتي خليج متنوعة و اذا حبيتي تلبسين جلابية محلاتها جلاليب الاسترج

و سيري اهتمي بعمرج اذا انتي ما اهتميتي تتوقعين هو بيهتم

لا فديتج انتي سوي كل هالاشيا و خليج لج و لنفسج مب عشانه هو

انتي يوم بتسوين جي بيحس عدمه حتى لو كان صخر ما يحس

و بتشوفين النتيجة

عاد ما اوصيكم التنويع ثم التنويع ثم التنويع


شي موظفات يساعدون ريايلهم حق بنا بيت المستقبل

حبيبتي انتي اللي تسوينه شي وااايد زين بس بس بس

لازم تاخذين حقج

مثلا يكتب البيت نص لج و نص له

ها حق و ما ينزعل منه

خليج ذكية


و سلامتكم

اتريى ردودكم الحلوة و استقبل الانتقادات الحلوة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
محد يرضى لعياله انهم يطلعون مبهدلين ..اعتقد هي مسألة ذوق لا اكثر ..اللي تشوفين عيالها مبهدلين هي بنظرها ام الكشخة ..هذا ذوقها!
ومب اي زوجين موظفين معناته دخلهم الشهري على 30 الف؟! من وين يبتي هالمعلومه؟!

ماتعرفين باحوال الناس ..في وايدين عليهم سلفيات وبلاوي ويصفى من راتبهم الا نتاتيف ..الحمدالله على كل حال
ومن ناحية البنت ماتكشخ لريلها .. تكون معذورة اذا ساكنة في بيت عمتها وكلهم شباب .وماعندها ملحق ..فقط غرفة وعزكم الله حمام .داخل البيت مب منفصل عنه
اما اللي عندها ملحق كامل صالة وغرفة نوم ومطبخ والملحق منفصل عن البيت .. اكيد مب معذورة .

__________________________________________________ __________

>>>> الرد الثاني :
شي اكيد النظافه والاناقه
شي يجذب ومحبوب

وقول الرسول عليه الصلاة والسلام :

اذا نظر اليها سرته ،،

والله يهدي الجميع

__________________________________________________ __________

>>>> الرد الثالث :
عليكم السلام ورحمة الله وبركاته
بخير الحمدلله، وانتي شخبارج اختي؟


حتى لو الزوجين يشتغلون
الراتب كله ما يكون لهم، البنك ياخذ
واكيد يخصصون مبلغ لأهاليهم


بس صادقه هذا ما يمنع انهم يهتمون
بعيالهم والحرمه تهتم بعمرها
لكن مرات الحرمه تكون مربوشه


البيت في صوب والعيال فصوب
وتيي من الدوام هلكانه مالها بارض
فالزوج يشوفها في حاله يرثى لها


بس هو يبا يشوف حرمته مرتبه
انا من رايي حتى بعد ما يشوفها ريلها
تسير تاخذ دوش تتنشط وتتعدل له

__________________________________________________ __________

>>>> الرد الرابع :
أنا قلت مب الكل في فئة معين
لا هنتو عالمرور

__________________________________________________ __________

>>>> الرد الخامس :
كلامج صح ميه ميه
انا بعد وايد استغرب من البعض
لي رجعه
تسلمين اختي عالموضوع