عنوان الموضوع : خسرت ريلي وولدي ب عنادي 2
مقدم من طرف منتديات الضمير العربي

السلام عليكم

شكرآ ل كل الاخوات الي ساندوني ف الموضوع الاول لي :
https://forum.uaewomen.net/showthread.php?t=1105050


السالفه من شهر صايرة ، انا كلمت اخوي قبل يومين وقلت له شوف لي حل وانا متندمه اني سويت كل هذا والريال ما يستاهل كل الي سويته فيه صح عاندته وكنت تافهه ف امور ما تنذكر وادوم انزل من مستواه جدام جمعات اهلي واقول مب شي لكن انا اعرف ان العكس صحيح وتميت ارمس اخوي قال فالج طيب وبيكلمه

اليوم اخوي رد علي ، قال لي الريال رحب ب اخوي وقربه الميلس ف بيت اهله على الغدا واخوي دخل في الموضوع وكلمه ، الريال قال خلاص ما يبغى يرجع لي واذا رجع لي ما بتكون العلاقه هي نفسها الاولية وانا عارف هالشي مكتوب ومب بايدها بس اسمحلي الحرمه الي تطلع بدون شور ريلها والعنيده والي تطول لسانها دوم مافي ريال بيستمر وياها ف الله يستر على اختك ،
اخوي قاله الي تشوفه يا فلان بس اهم شي علاقتنا بين الاهل ما تخترب على هالاشياء ويوم رجع لي قالي هالكلام
، انا صح كنت قاسية وما كنت حاسبه الف حساب انه يطلقني حتى اني ما توقعته يكون قوي عشان يطلقني بس كان يكتم ف داخله ودوم يقولي الله يهديج
اليوم المغرب رسلت له مسج ،
كتبت له ما توقعتك قاسي جي ، انا مستعده اتعدل ف كل شي بس خلنا نرجع ل بعض
؛ رد علي بمسج
خلاص ما عاد ينفع الكلام الحين - ما تحس بالشي الا لما تخسره الله يوفقج ف حياتج

خواتي - انا اعترف ان خسرته وما بقول هو غلطان بالعكس انا غلطانة وانا هدمت بيتي بنفسي وولدي الي توفى كان مكتوب له بس سبحان الله على كثر ما تحملني على امر بسيط انه طلعت من البيت صارت امور وصلتني للطلاق ف ثواني

الله يغفر لي وللجميع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يحنن قلبه عليج
الله يصبرج ويوفقج دنيا و آخره

__________________________________________________ __________

>>>> الرد الثاني :
خلاص حبيبتي الله يعوضج باللي احسن منه
وحاولي تتجنبين اخطاء الماضي
ماتدرين هاللي استوي كله مكتوب وخير من رب العالمين
ادري وعن تجربه انه اللي مريتي فيه والمرحله اليايه صعبه ونفسيا بتتعبين
بس تحملي
خلاص لاااااااا اطرشين شي اللي صار صار وهو طلقج
استغفري دوم واسمعي واقري قرآن وربج كريم

__________________________________________________ __________

>>>> الرد الثالث :
آلخيرة فيمآ كتبه آلله ..

: )

__________________________________________________ __________

>>>> الرد الرابع :
حتى لو رجع الحين ما بيكون نفس قبل ...

تمي استغفري وادعي ربج ...

__________________________________________________ __________

>>>> الرد الخامس :
تابعت الي كتبتيه في موضوعج السابق
قبل كل شي نحن فالاغلب يوم نسوي الشي مانفكر في عقباته
ونسويه
يمكن في لحظه مافكرتي وسويت شي وكانت النتيجه سلبيه
بس الواحد مايوقف عند هالشي
قبل كل شي قولي الحمد الله على كل حال
وصدقيني لو الله كاتب لج يرد بيرد
الحين هو في بدأ يستوعب الصدمه والايام كافيه انه يفكر
وماتدرين يمكن يحن ويرد لج

موفقه اختي وكلنا خواتج اهني