عنوان الموضوع : شي تستحين تسوينه قدام زوجك....تعالي اعترفي ولاتستحين رعاية الاطفال
مقدم من طرف منتديات الضمير العربي

شو الشي الا ماتقدرين تسوينه قدام زوجك تحسين انه اذا شافك تسوينه تستحين منه او تخافين

وبصراحه اي شي

مثلا اكله معينه ماتحبين يشوفك وانتي تاكلينها يعني يبالها مجهود ولا هجوم ههههههههه ولازم تنفردين فيها


ويروح الاتيكيت الي معوده زوجك يشوفك عليه


او اي شي ثاني


فضفضو ولا تستحون




اعجبني ونقلته لكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اول شي مااتصنع واكون عادية الريايل يحبون الوحده على طبيعتها عن نفسي باكل ماعلي من حد ههههههههههه اهم شي اتريس بطني بالعكس اهم شي مانتصنع ترا فنهاية بنكشف على حركاتنااااا هههههههههه ودري عنج البرستيج هههههههه

__________________________________________________ __________

>>>> الرد الثاني :
انا ما ادانيه يوم يراقبني وانا انظف اسناني
لان مرة كنت ماكلة ذرة و عالق ف اسناني وما يطلع و فرشت و سويت المستحيل و تمضضضت بصورة فظيعة
و فاج عينه يطالع اونه انتي بنت َ!!!!! شكلج ريال
انزين ليش تطالع
الحين كلما اتوضأ او اغسل ايدي اقفل الباب صدق لقافة خخخخخخخخخخخ
يعني تبغيني اتوضأ بكل انوثتي و رقتي تراه وضوء ف النهاية
---------------------------------------------


بس مهما تكونين برستيج ترى كل شي ينكشف هههههههههههههههههه

عقب ما حملت فيني غازات فظيعة و رمست الدكتورة تقول لي عادي بس خفي من الاكلات االلي تسبب
و كلما سرت الحمام وراي حتى لو اقفل الباب ما اخذ راحتي بشي احس حد يراقبني
يعني الحمام بيت الراحة خلني ارتاح شوي
بس هو قصده يراقب تصرفاتي يبغي يعلق و ينكت علي بس و داري بالوضع بس يا حبه للتعليق علي يستانس بس انا اعلق عليه بيزعل
قلت له والله انا و الياهل ف بطني و نحن شخصين
و انت بروحك و ما تقصر بس خلني ساكتة احسن لا اطلع كل بلاويك وانت راقد هني عصبت صدق

---------------------------

اجوفه مرة قرب علي انا مخي راح بعيد << طيط شو اسوي عايشة الرومنسية خخخخخخخ
جان يجرب مني وايد و اييب ايده














و يشيل التبولة اللي ف ضروسي
و ويهي استوى ازرق احمر اصفر اخضر اسووووووووووووووووود
و كرهت الساعة اللي طلعت معاه و كنت توني مالجة ثاني يوم

__________________________________________________ __________

>>>> الرد الثالث :
هههههههههه عجبني رد الاخت حبيبة كلود خخخخخخ بس صدق اذكر فبداية زواجي من مستحى ما كنت اكل شيء يوم اسير بيت ابوية ادش مطبخ واكل واميه تقول بسم الله شو ما في اكل في بيتج هههههه بس الحينه عطول هجوم هههههههههه حلو موضوع

__________________________________________________ __________

>>>> الرد الرابع :
امممممم... بعد العشره فديتج ما شي مستحى.... بس انا لين الحينه اتسحي ارقص جدامه
يقولي ترقصين في الاعراس عادي لكن انا لا.... اقوله ياخي استحي... واذا اتشجعت مره مثلا غير في تلفزيون وطلعت اغنيه وانا يالسه اتحرك اوني يقوم الحبيب يغير ليش انزين...؟؟ اقوله ليش غيرت ارقص قالي شو عرفني عنج
لكن مستحى من شي ثاني لا... والبرستيج عند ريلي ما شي حتى يقوله شي عن البرستيج يقولي خف علينا... لولولولو تحطيم من قلب...

__________________________________________________ __________

>>>> الرد الخامس :
امممممم انا جريئه اشوي وماستحي وااايد يقولي انتي دفشه هههههههههههه
يقولي انتي بنت اتعلمي الرومانسيه عاد اهنيه صدق استحي على ويهيي
شسوي كنت وايد اخبل فخواتي واهلي وبعد هو بسرعه اتعودت عليه طلعت له قروووون مسكين
الحين احاول اسوي عمري رومانسيه لكن دفشه احيانا وفيه اشياء الواحد غصب يستحي اكييد عرفتوو قصدي

وشكرا لصاحبة الموضوع